Salmos 29

ፆሳ ግታተ ሳቦ

ዳዊታ ማዝሙረ

1 ህንተኖ ሳሎ መተቶ፥

ቦንቾይነ ዎልቃይ ጎዳሳ ጊተ።

2 ጎዳ ቦንቾ ሱን ጋላትተ፤

እያ ጌሻተ ቴማ ግሾ ጎዳ ጎይንተ።

3 ጎዳ ጉንይ ሃታ ቦላ ስኤቴስ፤

ቦንቾ ፆሳይ ዳዳዳ ደቼስ፤

ጎዳይ ግታ ሃታ ቦላ ጉሜስ።

4 ጎዳ ኮሽንቻይ ዎልቃማ፤

ጎዳ ግርሳይ ቴማራ ደኤስ።

5 ጎዳ ግርሳይ ዝጋ መንስ፤

ልባኖሰን ደእያ ዝጋ መንስ።

6 ልባኖሰ ደረታ ጋሎ ማራዳ ቡራቅሴስ፤

ስርዮና ደርያ*29:6 ስርዮና ደርያ፦ ሄርሞና ደርያስ ሀራ ሱን መንዳ ጉፍሴስ።

7 ጎዳ ግርሳይ ዎልአሜስ።

8 ጎዳ ግርሳይ መላ ብታ ቃስ፤

ጎዳይ ቃደሳ መላ ብታ ኮኮርሴስ።

9 ጎዳ ግርሳይ ዎላ ቃስ፤

ም ሀይ ቆቆፌስ።

እያ ኬን ደእያ ኡባይ፥

"ቦንቾይ ጎዳስ ግዶ" ያጌስ።

10 ጎዳይ ድኦ ሃ ቦላ

ባ አራታ ዎድ ኡትስ፤

ጎዳይ ባ አራታን ኡትድ መርናዉ ካዎትስ።

11 ጎዳይ ባ አሳስ ዎልቃ እሜስ።

ጎዳይ ባ አሳ ሳሮተን አንጄስ።