Deuteronômio 13

Kuitambikila milungu ingi

1 "Ka kolawila nabii au munu iyolota tsindoto mna mwemwe, na kuwalapfila pfitango au pfihulo, 2 kuya ipfitango na ipfihulo apfo pfing’alawila, naye kolonga, ‘Tuiwinze milungu ingi na kuitambikila, milungu ing’amuimanyile baye,’ 3 mleke kughategheletsa aghala ghayolonga inabii ayula, au imunu ayula iyolota tsindoto. Kwaapfila IMNDEWA, Imulungu wenu komghetsani ili yone ka mwomkunda yeye kwa ghumoyo ghwenu ghwose na ghumuhe ghwenu ghwose.