1 Utamu ula wihile haumalile, IMNDEWA kamlongela Musa na Eliazali, 2 Muwapete Waisiraeli wose, chila munu mumpete kwa kulola lweleko lwake, muwapete iwanu wose wane miyaka ishilini na kughendelela, awala wose iwodaha kughenda kwing'ondo. 3 Musa na mtambika Eliazali tsawalonga ne wanu mna isi ya chiwala cha Moabu, ihili kumwambu na ghumto Yolidani habehi na Yeliko, wawalongela, 4 "Muwapete iwanu, mwanzile na wanu wane miyaka ishilini na kughendelela ka IMNDEWA pfayamlaghitse Musa." Awala Waisiraeli iwalawile Misiri tsawapetighwa na wapfika wanu wano. 5 Tsikolo tsa wana wa Rubeni, imwana chaudele wa Yakobu, tsikolo atso tsa Hanoki, na Palu, 6 na Hesiloni na kalimi. 7 Atsino tsiso kolo tsa Rubeni itsipetighwe na kupfika wamale elufu alubaini na ndatu na miya saba na salasini. 8 Awano iwo iwana wa Palu, Eliabu, 9 na wanaghe Eliabu tsa tsina Nemueli, Datani, na Abilamu. Awano wawo Datani na Abilamu iwasaghulighwe na ghumtingano wa wanu Waisiraeli, iwamlemile Musa na Aruni, nawo tsawelunga na wanu wa Kola, ahala hawamlemile IMNDEWA, 10 na lidongo litulika na kuwametsa. Tsawafa hamwe na kola na iwanu wake iwamtegheletse, na ghumoto ghuwalakatsa iwanu miya mbili na hamsini, iwawile chitango cho kuwakanya iwanu. 11 Lekeni iwana wa Kola ng'awafile baye. 12 Awano tsa wana wa Simioni na kolo tsao, Nemueli, tsakana lukolo lwa Wayemueli, Yamini, tsakana lukolo lwa Wayamini, na Yakini tsakana lukolo lwa Wayakini, 13 na Sohali, tsakana lukolo lwa Wasohali na Shauli, tsakana lukolo lwa Washauli. 14 Atsino tsiso kolo tsa Simioni na tsawapetighwa na kupfika wamale elufu ishilini na mbili na miya mbili.

15 Awano wana wa Gadi na kolo tsao, Sefoni lukolo lwake Wasifoni, Hagi lukolo lwake Wahagi, na Shuni lukolo lwake Washuni. 16 Na Eziboni lukolo lwake Waeziboni, na Eli lukolo lwake Waeli, 17 na Alodi lukolo lwake tsa Waalodi, na Aleli lukolo lwake tsa Waaleli. 18 Atsino tsiso kola tsa Gadi, tsawapetighwa na kupfika wamale elufu alubaini na miya mitano.

19 Iwana wa Yuda tsa tsina Eli na Onani, na awo Eli na Onani tsawafa mna isi ya Kanani. Awano wawo iwana wa Yuda na tsikolo tsao, Shela lukolo lwake tsa Washela, na Pelesi, lukolo lwake tsa Wapelesi, na Zela, lukolo lwake tsa Wazela. Iwanaghe Pelesi tsa Hesloni, lukolo lwake tsa Wahesiloni, na Hamuli, lukolo lwake tsa Wahamuli. 20 Na iwana wa Yuda na kolo tsao iwo wano, lukolo lwake tsa Washela, na Pelesi, lukolo lwake tsa Wapelesi, na Zela lukolo lwake tsa Wazela. 21 Na iwanaghe Pelesi na kolo tsao wawo wano, Hesiloni lukolo lwake tsa Wahesiloni, na Hamuli lukolo lwake tsa Wahamuli. 22 Atsino tsiso kolo tsa Yuda itsipetighwe na wamale wose tsawapfika elufu sabini na sita na miya tano.

23 Awano wawo iwana wa Isikali na kolo tsao, Tola lukolo lwake tsa Watola, na Puva lukolo lwake tsa Wapuva, 24 na Yashubu lukolo lwake tsa Wayashubu, na Shimloni lukolo lwake tsa Washimloni. 25 Atsino tsiso kolo tsa Isikali itsipetighwe na kupfika wamale elufu sitini na nne na miya ndatu.

26 Iwana wa Zebuluni na kolo tsao wawo wano, Seledi lukolo lwake tsa Waseledi, na Eloni lukolo lwake tsa Waeloni, na Yaleeli lukolo lwake tsa Wayaleeli. 27 Atsino tsiso kolo tsa Zebuluni itsipetighwe na kupfika wamale elufu sitini na miya tano.

28 Na awano wawo wanaghe Yusufu, Manasse na Efulemu. 29 Manase naye kamweleka Makili, na lukolo lwake tsa Wamakili, na makili naye tsakamweleka Gileadi na ilukolo lwake tsa Wagileadi. 30 Naye Gileadi tsakeleka iwana, na tsikolo tsawo atsino hano, Yazeli lukolo lwake tsa Wayazeli, na Heleki lukolo lwake tsa Waheleki, 31 na Asilieli lukolo lwake tsa Waasilieli, na Shekemu lukolo lwake tsa Washekemu. 32 Na Shemida lukolo lwake tsa Washemida, na Hefeli lukolo lwake tsa Wahefeli. 33 Selofehadi mwana wa Hefeli ng'eleke wana wamale baye, lekeni tsakana iwana wapinga waliyeka, na mataghwa ghao ghagho ghano, Mala, Noa, Hogila, Milika, na Tilisa. 34 Atsino tsitso tsikolo tsa Manase itsipetighwe na kupfika wamale elufu hamsini na mbili na miya saba.

35 Iwana wa Efulemu na kolo tsao wawo wano, Shutela, lukolo lwake tsa Washutela, na Beledi lukolo lwake tsa Wabeledi, na Tahati, na lukolo lwake tsa Watahati. 36 Iwana wa Shutela na kolo tsao wawo wano, Erani, lukolo lwake tsa Waerani, 37 Atsino tsiso kolo tsa Efulemu itsipetighwe na kupfika wamale elufu salasini na mbili na miya tano. Kolo tsose tsino tsa makabila gha Manase na Efulemu na Manase tsilawa kwa Yosefu.

38 Na iwana wa Benjamini na kolo tsao wawo wano, Bela lukolo lwake tsa Wabela, na Ashibeli lukolo lwake Waashibeli, na Ahilamu lukolo lwake tsa Waahilamu, 39 na Shufani lukolo lwake tsa Washufamu, na Hufamu lukolo lwake Wahufamu, 40 Na iwana wa Bela tsa Alidi na Naamani, Alidi lukolo lwake tsalukemighwa Waalidi, na Naamani lukolo lwake tsalukemighwa Wanaamani. 41 Atsino tsiso tsikolo tsa Benjamini itsipetighwe na kupfika wamale elufu alubaini na tano na miya sita.

42 Iwana Dani wawo awano, Shuhamu lukolo lwake tsa Washuhamu, Aluno lulo lukolo lwa Dani. 43 Lukolo lwa Shuhamu tsaluna wamale elufu sitini na nne na miya nne.

44 Iwana wa Asheli na kolo tsao wawo wano, Imuna lukolo lwake tsa Waimuna, na Ishivi, lukolo lwake tsa Waishivi, na Belia, lukolo lwake tsa Wabeli. 45 Na Belia tsakana wana weli Hebeli na Malikieli, Hebeli lukolo lwake tsa Wahebeli, na Malikieli lukolo lwake tsa Wamalikieli. 46 Asheli tsakana mwana pinga iyakemighwe Sela. 47 Atsino tsiso kolo tsa Asheli itsipetighwe na kupfika wamale elufu hamsini na ndatu na miya nne.

48 Iwana wa Nafutali na kolo tsao wawo awano, Yaseeli lukolo lwake tsa Wayaseeli, na Guni lukolo lwake tsa Waguni, 49 na Yeseli lukolo lwake tsa Wayeseli, na Shilemu lukolo lwake Washilemu. 50 Atsino tsiso kolo tsa Nafutali itsipetighwe na kupfika wamale elufu alubaini na tano na miya nne.

51 Awano wawo Waisiraeli wamale iwapetighwe na kupfika laki sita na imwe, miya saba na selasini.

52 IMNDEWA kamlongela Musa, 53 "Uwagholele isi iwanu wano kwa ghamakabila ghao kwa kulola ka wawengi au wachidogho, 54 iwanu iwali wengi watsakwing'ighwa isi ng'ulu, na awala iwali chidogho watsakwing'ighwa isi ndodo. Chila kabila litsobokela isi kwa kulola iwanu wake ka wawengi au wachidogho. 55 Lekeni isi itsogholeka kwa kwasa tsisimbi mchanya. Chila lukolo lutsobokela isi kwa kulola mataghwa gha aba tsawo. 56 Uighole isi kwa kwasa tsisimbi mchanya, chila lukolo lutsobokela isi kwa kulola iwanu wake ka wawengi au wachidogho."

57 Atsino tsiso kolo tsa Lawi itsipetighwe kwa ghamataghwa ghao, Gelisoni lukolo lwake tsa Wagelisoni, na Kohati lukolo lwake tsa Wakohati, na Melali lukolo lwake tsa Wamelali, 58 Atsino pfipfila tsa kolo tsa Walawi, lukolo lwa Libini, lwa Hebuloni, lwa Mali, lwa Mushi na lwa Kola. Na Kohati tsakamweleka Amlamu. 59 Na pinga wa Amulamu tsakakemighwa Yokebedi, wa kabila lya Walawi, yeye tsakelekighwa Misiri. Pinga yuno tsakamwelekela Amlamu wana weli wamale, Aruni na Musa na lumbu wao Miriamu, 60 Naye Aruni tsakana wana wane wamale, Nadabu, Abihu, Eliazali na Itamali. 61 Nadabu na Abihu tsawafa ahala hawalapfile inambiko kwa kumdusulila ghumoto ing'aghubamighwa baye. 62 Iwalawi wamale iwapetighwe wane mwetsi ghumwe na kughendelela tsawapfika elufu ishilini na tatu. Awano ng'awapetighwe baye hamwe na Waisiraeli wangi, kwaapfila wao ng'aweng'ighwe isi ya ukuhala baye mna Waisiraeli.

63 Awano wawo Waisiraeli iwamale wapetighwe na Musa na mtambika Eliazali akula kune chiwala cha Moabu, kumwambu kwa ghumto Yolidani, habehi na Yeliko. 64 Tsahaduhu hata munu yumwe iyalekighwe mghima mna iwanu wala iwapetighwe na Musa na mtambika Aruni, ahala hawawapetile iwanu wa Isiraeli mna inyika ya Sinai. 65 Kwaapfila IMNDEWA tsakalonga wose watsakufila mna inyika, apfo wose tsa wafa, lekeni Kalebu mwana wa Yefune, na Yoshua, mwana wa Nuni awo wawo ng'awafile baye.