1 "Unaona ng'ombe hegu ngoto ya miyao yaga usekuileka ivo ivuze kwa nduguyo. 2 Mna uneva kwe kaya ya miyao ihale hegu hamummanyize mwenye, ivo nouguhe mfugwa uwo kwe kaya yako, ikale kwako mpaka akeza kwiza mwenye, na weye umvuze. 3 Noudamanye iivo mwe mp'unda hegu suke hegu kint'u chochose chagile cha miyao nawe niyo wakiona. Usekukifisa enga kugamba hukione."

4 "Unaona mp'unda hegu ng'ombe ya miyao igwa mwe sila, usekuileka, umwambize miyao kuukimalisa naho mfugwa wakwe."

5 "Wavele wanasekuvala suke za wagosi, wagosi nao wanasekuvala suke za wavele. Akudamanya ivo amuihiya Zumbe Mnungu."

6 "Unabwiila sasa dya kadege mwo mti hegu mwe sila, mna makinda hegu matagi mami yawe naye kayafugatila matagi ayo hegu ayo makinda, usekumguha mami yawe. 7 Mlekele nine apuluke, mna wadaha kuguha makinda. Unadamanya ivo nouvikilwe na kwikalisa mwe isi."

8 "Umwo unazenga nyumba mp'hya, izungulusile lugomafisi lutali uko kulanga kwe nyumba iyo, sema unde na masa umwo mnt'hu anagwa kulawa uko niyo abanika."

9 "Usekuhanda mizabibu hamwenga na vihandwa vituhu mwe nk'honde yako, una tenda ivo zabibu ne vihandwa vituhu vose hevizumilwe ha Zumbe Mnungu."

10 "Usekulima mgunda kwa gembe dikuvutwa ni ng'ombe na mp'hunda kwa hamwenga."

11 "Usekuvala suke zisumigwe kwa kuhanganya sufu na kitambala chedi king'aile."

12 "Funga vitunga mwe mp'embe izine ze zisuke zako."

13 "Mgosi analomba mvele, niyo amwiihiya na kumleka 14 na kumlongeleza mwe kiyeti kwa kumziga kugamba, umwo wamlombaga mvele uyu amuonga kugamba handaga mwali na mazanga."

15 "Ivo ise na nine ywa uyo mvele nawegale uwona wa mgolole ding'aile we ndoza yakwe ukulagisa uwali na mazanga wo mwana ywawe na kuulagisa kwe kitala cha wadala vilongozi wo mzi wakakamba, 16 ‘Nekimloza mwana ywetu kwa mnt'hu uyu, mna haluse hakumuunga, 17 naho amlongeleza kwa mbuli ya soni na kugamba hambwe hambwiile no mwali na mazanga yakwe. Hata ivo uwona wo mwana ywetu ni uno! Naho nawauguhe na kuu kunguzula mgolole uwo ha wadala vilongozi wo mzi uno. 18 Aho wadala vilongozi wo mzi nawamguhe yudya mgosi na kumtoa ngoda. 19 Naho nawamtoze vibesu mlongo va masawa na kwink'higwa ise dya yudya mvele kwaviya mgosi uyo kamgela soni mvele ywe Kiizilaeli. Uyo mvele naye naagendeele kunda mkaziwe naho haadahe kumwasa mwo wikazi wakwe wose.’ "

20 "Mna uneva malongelezo ayo ni ya kindedi, na naho hakuna uwona kugamba kindeni andaga ni mwali na mazanga, 21 nawamwigale mwe nyumba ya ise na wagosi wo mzi uwo nawamtoe maiwe mpaka abanike, kwaviya kadamanya mbuli ihile ya uhabwasi kwe kaya ya ise. Nivo noumuuse uwihi uno mwenyu."

22 "Mgosi anagenda na mvele hiyo ywakwe niyo agwilwa, wose waidi vaungwa wakomigwe. Nivo nomuuse uwihi uno mwenyu."

23 "Mgosi ana mbwiila mndele atumizwe ni mnt'hu mtuhu niyo agenda naye, 24 nomuwafoseze kuse na kuwatowa maiwe mpaka wabanike. Mndele uyo vaungwa akomigwe kwaviya hagutile lukunga hata uneva andaga kwo mzi uko vadahike kwivika, naho mgosi uyo vaungwa akomigwe kwaviya kamgela usavu mkaza miyawe. Ivi nivo nomuuse uwihi uwo mwenyu."

25 "Mna uneva mgosi ana mbwiila mele atumizwe niyo agona naye kwa kumkakalisa, ivo mgosi uyo naakomigwe ekedu 26 Sema mnamdamanyile uyo mndele chochose, yehe hana masa yakuunga usengelo wa kukomwa. Mbuli ino ni enga mbuli ya mnt'hu mtuhu akukumkup'hukila mnt'hu mtuhu na kumkoma. 27 Uyo mgosi atile kumgwila kwe mbago mvele atumizwe ni mnt'hu mtuhu, hata uneva nakaguta lukunga hakwandile na mnt'hu wa kumwambiza."

28 "Uneva mgosi anagenda na mwali na mazanga kwa kuta kumgwila, naho ikanda yehe hamtumize, inamanyika iyo, 29 mgosi uyo naamlihe ise dya uyo mndele vibesu milongo mishano va masawa kwaviya kamgela usavu, naho uyo mwali na mazanga naande mkaziwe, asekumleka mwo wikazi wakwe wose."

30 "Mwana kilume yeyose ase kumgela soni ise kwa kugenda na yeyose mwa wakaza ise."