Job 38

4 "Nasaan ka noong itinatag ko

ang pundasyon ng daigdig?

Sabihin mo kung iyong nauunawaan.

5 Alam mo ba kung sino ang nagpasya

ng magiging lawak ng pundasyon

at sukat nito?

6 Sino ang may hawak

ng pundasyon ng mundo?

At sino ang naglagay ng pundasyon na ito

7 habang sama-samang umaawit

ang mga bituin sa umaga

at nagsisigawan sa tuwa

ang lahat ng anghel?*38:7 lahat ng anghel: Sa literal, lahat ng anak ng Diyos.

8 "Sino ang naglagay ng hangganan sa dagat

nang bumulwak ito mula sa kailaliman?

9 Ako ang naglagay ng makapal na ulap

at kadiliman bilang takip ng dagat.

10 Itinakda ko ang hangganan ang dagat;

parang pintuang isinara

at nilagyan ng tarangka.

11 Sinabihan ko ang dagat,

‘Hanggang dito ka lang

at huwag kang lalampas;

hanggang dito lang ang malalaki mong alon.’