Isaías 43

ପାର୍‌ମେଶ୍ୱାର୍‌ଆଃ ବାଞ୍ଚାଅଃରେୟାଃ ବାନାର୍‌ସା

1 ହେ ଯାକୁବ୍‌ ଅକଏ ଆମ୍‌କେ ଉନୁଦୁବ୍‌ କେଦ୍‌ମେୟାଁ, ହେ ଇସ୍ରାଏଲ୍‌ ଅକଏ ଆମ୍‌କେ ବାଇକେଦ୍‌ମେୟାଁ, ଏନ୍‌ ପ୍ରାଭୁ ନାହାଁଃଦ ନେ କାଜି କାଜିତାନାଏ,

"ଆଲମ୍ ବରୟା, ଚିୟାଃଚି ଆଇଙ୍ଗ୍‌ ଆମ୍‌କେ ରାଡ଼ାକାଦ୍‌ମେୟାଁ,

ଆମ୍‌କେ ଆମାଃ ନୁତୁମ୍ ସାବ୍‌କେଦ୍‌ତେ କେଡ଼ାକାଦ୍‌ମେୟାଁ, ଆମ୍ ଆଇଁୟାଃ ତାନ୍‌ମେ।

2 ଚିମ୍‌ତା ଦାଆଃ ରେୟାଃ ହରାରେ ସେସେନ୍ ରିକାୟା, ଇମ୍‌ତା ଆଇଙ୍ଗ୍‌ ଆମାଃଲଃ ତାଇନାଃ।

ଗାଡ଼ା ଚାଏ ମାରାଙ୍ଗ୍ ଗାଡା ଥାଲାରେ ସେସେନ୍ ରେୟ ଏନା କାଏ ଆତୁ ପେୟା।

ସେଙ୍ଗେଲ୍‌ରାଃ ଥାଲାରେ ସେସେନ୍ ରେୟ ଏନା ଆପେକେ କା ଝାଲ୍‌ସାଅପେୟା

ଚାଏ ଏନା ଆମ୍‌କେ କାଏ ଅଣ୍ଡର୍‌ ଦାଡ଼ିୟାଃ।

3 ଚିୟାଃଚି ଆଇଙ୍ଗ୍‌ ଆପେୟାଃ ପ୍ରାଭୁ ପାର୍‌ମେଶ୍ୱାର୍‌

ଇସ୍ରାଏଲ୍‌ରେନ୍ ପାବିତାର୍‌ନିଃ ତାନିଙ୍ଗ୍‌, ଆମାଃ ପାରିତ୍ରାଣ୍‌ ଏମଃନିଃ ତାନିଙ୍ଗ୍‌।

ଆମାଃ ମୁକ୍ତିରାଃ ଗନଙ୍ଗ୍ ଲେକାତେ ମିସାର୍‌, କୁଶ୍‌

ଓଡ଼ୋଃ ଶିବା ଦିଶୁମ୍ ଏମାକାଦା।