Kuŵalanga 14:1-9 | YNT2018

Ŵandu akulalata

1 Ŵaisilaeli wose ŵagumisile kwannope ni kulila chilo chose. 2 Ŵalalatile che Musa ni che Haluni ŵachitiji, "Mbaya tukawilile ku Misili pane kuwilila papapa pa chipululu pa! 3 Kwachichi Ambuje Akunnungu akutujausya ku chilambo cho? Chituulajikwe ku ngondo, achiŵankwentu ni ŵanache ŵetu tajigalikwe mateka! Ngati mbaya tukausile ku Misili?" 4 Nipele ŵatandite kusalilana, "Ayaga, tunsagule chilongola, tuuje ku Misili."

5 Pelepo, che Musa ni che Haluni ŵatindiŵele ni kukotama paujo pa Ŵaisilaeli wose. 6 Che Yoshua mwana ju che Nuni ni che Kalebu mwana ju che Yefune ŵaŵaliji mu mpingo wa aŵala ŵandu ŵaŵajawile kukuchiuchilisya chilambo chila, ŵapapwile yakuwala yao, 7 ni kwasalila Ŵaisilaeli wose, "Chilambo chitwapite kukuchiuchilichisya chili chambone nnope. 8 Naga Ambuje Akunnungu anonyelwe nowe chatujausye kweleko ni kutupa achila chilambo chambone chachikufai kulanga ni kulima. 9 Nambo nkankana Ambuje Akunnungu namose nkaajogopa achinsyene chilambo cho. Pakuŵa tutwapunde. Minungu jawo jiŵaalindililaga jaalesile, nombe Ambuje Akunnungu ali pamo ni uwe, ngasimwajogopa!"

Ŵandu akulalata

Estes versículos te tocaram? Ore agora!