Números 33

Ulendo wa kutyochela ku Misili kwaula ku Moabu

1 Gelega ni mauto gati Ŵaisilaeli ŵaŵisile igono paŵaliji nkutyoka ku Misili ali mmipingo ja ngosyo syawo achilongoswaga ni che Musa ni che Haluni. 2 Ambuje Akunnungu ŵanlamulile che Musa kuti alembeje liina lya kila liuto paŵaŵisile chigono.

3 Ŵaisilaeli ŵatyosile ku musi wa ku Lamesesi pa lyuŵa lya kumi na tano lya mwesi waandanda, lyuŵa limo pakumala Pasaka. Ŵatyosile pangajogopa kose, Ŵamisili wose ali nkwalolechesya, 4 katema ko ŵele Ŵamisili ŵaliji nkwasika ŵanache ŵawo ŵakwitiwo ŵachilume ŵaŵaulajikwe ni Ambuje Akunnungu ligongo Ambuje Akunnungu ŵaliji ajiputile namose minungu jawo.

5 Kwayele, Ŵaisilaeli ŵatyosile ku Lamesesi, ni ŵaŵisile chigono chao kwele ku Sukoti ko. 6 Kutyochela ku Sukoti, ŵaŵisile chigono chao kwele ku Etamu, mumbali mwa chipululu. 7 Kutyochela ku Etamu, ŵagalawiche ni kuuja mpaka ku Pi Hahiloti chakungopoko lyuŵa kwa Baali Sefoni, ni ŵaŵisile chigono chao chiŵandika ni ku Migidoli. 8 Ŵatyosile ku Pi Hahiloti, ŵapitile ku bahali ja Shamu mpaka kuchipululu cha Etamu, ŵajesile mu chipululu lwendo lwa moŵa gatatu, ni ŵaŵisile chigono chao ku Mala. 9 Kutyochela ku Mala, ŵajesile mpaka ku Elimu; kwele ku Elimu kwaliji ni iliŵa ya mesi kumi nambili ni mitende sabini, ni ŵaŵisile chigono chao pelepo. 10 Ŵajesile kutyochela ku Elimu, ŵaŵisile chigono chao chiŵandika ni bahali ja Shamu. 11 Kutyochela ku bahali ja shamu ŵaŵisile chigono chao ku chipululu cha Sini. 12 Kutyochela ku chipululu cha Sini, ŵaŵisile chigono chao kwele ku Dofika. 13 Kutyochela ku Dofika ŵaŵisile chigono chao kwele ku Alushi. 14 Kutyochela ku Alushi ŵaŵisile chigono chao kwele ku Lefidimu, pati nganipapagwa ni mesi gakung'wa. 15 Ŵatyosile ku Lefidimu ŵaŵisile chigono chao ku chipululu cha Sinai. 16 Kutyochela ku chipululu cha Sinai ŵaŵisile chigono chao kwele ku Kibuloti Hataava. 17 Kutyochela ku Kibuloti Hataava, ŵaŵisile chigono chao kwele ku Haseloti. 18 Kutyochela ku Haseloti, ŵaŵisile chigono chao kwele ku Litima. 19 Kutyochela ku Litima, ŵaŵisile chigono chao kwele ku Limoni Pelesi. 20 Kutyochela ku Limon Pelesi, ŵaŵisile chigono chao kwele ku Libina. 21 Kutyochela ku Libina ŵaŵisile chigono chao kwele ku Lisa. 22 Ŵatyosile ku Lisa, ŵaŵisile chigono chao kwele ku Kehelata. 23 Kutyochela ku Kehelata, ŵaŵisile chigono chao ku chitumbi cha Shefeli. 24 Kutyochela ku chitumbi cha Shefeli ŵaŵisile chigono chao kwele ku Halada. 25 Kutyochela ku Halada, ŵaŵisile chigono chao kwele ku Makeloti. 26 Kutyochela ku Makeloti, ŵaŵisile chigono chao kwele ku Tahati. 27 Kutyochela ku Tahati, ŵaŵisile chigono chao kwele ku Tela. 28 Kutyochela ku Tela, ŵaŵisile chogono chao kwele ku Mitika. 29 Kutyochela ku Mitika, ŵaŵisile chigono chao kwele ku Hashimona. 30 Kutyochela ku Hashimoni, ŵaŵisile chigono chao kwele ku Moseloti. 31 Kutyochela ku Moseloti, ŵaŵisile chigono chao kwele ku Bene Yaakani. 32 Kutyochela ku Bene Yaakani, ŵaŵisile chigono chao kwele ku Holi Hagidigadi. 33 Kutyochela ku Holi Hagidigadi, ŵaŵisile chigono chao kwele ku Yoti Bata. 34 Kutyochela ku Yoti Bata, ŵaŵisile chigono chao kwele ku Abilona. 35 Kutyochela ku Abilona, ŵaŵisile chigono chao kwele ku Esioni Gebeli. 36 Kutyochela ku Esioni Gebeli, ŵajesile ni kuŵika chigono chao kwele ku Kadeshi pa chipululu cha Sini. 37 Kutyochela ku Kadeshi, ŵaŵisile chigono chao ku chitumbi cha Holi, mumpika mwa chilambo cha ku Edomu.

38 Kwa malajisyo ga Ambuje Akunnungu, jwambopesi che Haluni ŵakwesile pachanya chitumbi cha Holi, ni kweleko ŵawile pa lyuŵa lyaandanda lya mwesi wansano, pa chaka cha alobaini chitandilile Ŵaisilaeli paŵakopweche ku Misili. 39 Che Haluni ŵawilile pa chitumbi cha Holi ali ni yaka mia moja na ishilini na tatu.

40 Mwenye jwa Chikanaani jwa ku Aladi, juŵatamaga kulujenda kwa chilambo cha Kanaani ŵapilikene kuti Ŵaisilaeli akuikanga.

41 Kutyochela ku chitumbi cha Holi Ŵaisilaeli ŵaŵisile chigono chao kwele ku Salimona. 42 Kutyochela ku Salimona, ŵaŵisile chigono chao kwele ku Punoni. 43 Kutyochela ku Punoni, ŵaŵisile chigono chao kwele ku Oboti. 44 Kutyochela ku Oboti, ŵaŵisile chigono chao kwele ku Iye Abalimu, ku chilambo cha Moabu. 45 Kutyochela ku Iye Abalimu, ŵaŵisile chigono chao kwele ku Diboni Gadi. 46 Kutyochela ku Diboni Gadi, ŵajesile ni kuŵika chigono chao kwele ku Alimoni Dibilataimu. 47 Kutyochela ku Alimoni Dibilataimu, ŵajesile ni kuŵika chigono chao ku chitumbi cha Abalimu, chiŵandika ni chitumbi cha Nebo. 48 Kutyochela ku itumbi ya Abalimu, ŵajesile ni kuŵika chigono chao ku iŵata ya ku Moabu, pesi lusulo lwa Yolodani chiŵandika ni musi wa ku Yeliko. 49 Ŵaŵisile chigono cho chiŵandika ni lusulo lwa Yolodani pasikati ja Beti Yeshimoti ni lichemba lya Abeli Shitimu ku iŵata ya ku Moabu.

Malajisyo gaŵapele Ŵaisilaeli akanaŵe kwinjila ku Kanaani

50 Ku iŵata ya ku Moabu, pesi lusulo lwa Yolodani chiŵandika ni ku Yeliko, Ambuje Akunnungu ŵaasalile che Musa kuti, 51 "Mwasalile Ŵaisilaeli kuti pachinjomboche lusulo lwa Yolodani ni kuinjila ku chilambo cha ku Kanaani, 52 mwatopole achinsyene ilambo yo wose atyoche mbujo mwenu. Tinchigumulanga inyago yao yakusepa ni inyago yekolochekwe kwa kunyelenyendusya chisyano ni kugumulanya pamalo pao paakupopelela. 53 Tinchijigale chilambo cho ni kuchitenda chenu ni kutama mwelemo, pakuŵapo nampele mwanya chilambo cho chiŵe chenu. 54 Tinchigaŵanye chilambo cho kwa kutenda kudugudu malinga ni mitundu jenu. Pa lukosyo lwekulungwa nnope mwagaŵile malo jajikulungwa ni pa lukosyo lwenandi mwagaŵile malo jenandi. Chachilichose chichimpegwe kwa kutenda gudugudu chichiŵe chenu. Chinchigaŵanye chilambo malinga ni ngosyo sya achambuje ŵenu. 55 Nambo iŵaga ngankwatopola achinsyene chilambo cho, nipele ŵele utinchasigasya wo tachisanduka ŵakusausya kwakogoya mpela iswani mmeso mwenu ni miŵa kwakulikose, nipele tachimenyana ni ŵanyamwe ku chilambo chichinkatame. 56 Iŵaga ngamwatopola uneji chinjintenda mwanya chindu chakogoya mpela munalapilile kwatendela ŵanyawo."

Bíblia Online

Veja também

Oração para pedir a Deus que aumente a fé quando o coração está cheio de dúvida

Como o amor de Deus cura as dores de relações passadas?