1 Che Musa paŵamasile kulijimika Lisakasa lya Kusimanilana kwaligongo lya Akunnungu, ŵalijitilile mauta ni kulitenda liŵe lyakwe Akunnungu pamo ni yoombo yakwe yose, sooni ŵachijitilile chilisa mauta ni kuchitenda chiŵe chakwe Akunnungu pamo ni yoombo yakwe yose. 2 Pelepo ilongola wa Isilaeli, aŵala achakulu wa mitundu ŵaŵaliji ilongola ŵa ngosyo ŵaŵajimilile ŵandu ŵaŵaŵalanjikwe ŵala, ŵapeleche mbopesi. 3 Ŵapelechele nti yakupele kwa Ambuje Akunnungu; Mutuka syeunichile sita syakukwekwelemwa ni ng'ombe syankambaku kumi na mbili syasikulima, ng'ombe jimo kwa kila chilongola ni mutuka jimo kwa ilongola ŵaŵili. Pakumala kuityosya paujo pa lisakasa lyeswela, 4 Ambuje Akunnungu ŵaasalile che Musa, 5 "Mpochele yaakupeleka yi kuti itumiche kwa masengo ga mu Lisakasa lya Kusimanilana kwaligongo lya Akunnungu, mwape Ŵalawi, kila mundu malinga ni masengo gatagapanganye." 6 Nipele che Musa ŵajigele mutuka syakukwekwelemwa, ni ng'ombe sya nkambaku ni kwapa Ŵalawi. 7 Ŵagelishoni ŵapatile mutuka syakukwekwelemwa siŵili ni mikambaku ja ng'ombe ncheche, malinga ni yaikusachilwa pa masengo gawo, 8 ni Ŵamelali ŵapatile mutuka ncheche syakukwekwelemwa ni ng'ombe syankambaku nane, malinga na yaikusachilwa pa masengo gao. Ni masengo gao gose galiji paasi pa jwakwimilila che Itamali mwana jwa jwambopesi che Haluni. 9 Nambo che Musa nganiŵapa chilichose Ŵakohati pakuŵa ŵanyawo ŵaliji ni masengo ga kugosa indu yeswela yati yasachilwe kujigalikwa mmakoyo.

10 Pa lyuŵa lya kuchitenda chilisa chiŵe cha Ambuje Akunnungu kwa kuchijitilila mauta, ilongola wosepe ŵapeleche mbopesi syao paujo pa chilisa. 11 Ambuje Akunnungu ŵaasalile che Musa, "Kila lyuŵa chilongola jumo tatyosye mbopesi jakwe kwa ligongo lya kuchitenda chilisa chiŵe cha Ambuje Akunnungu."

12 Nipele ajula juŵatyosisye mbopesi pa lyuŵa lyaandanda jwaliji che Nashoni mwana jwa che Aminadabu jwa lukosyo lwa Yuda. 13 Mbopesi jakwe jaliji: Sahani jimo ja madini ga feza ja chisilo cha kilogilamu moja ni nusu ni bakuli jimo ja feza jajili ni chisilo cha gilamu mia nane malinga ni ipimo yaiŵichikwe pa Lisakasa lya Kusimanilana kwaligongo lya Akunnungu; sasahani ni bakuli ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi; 14 kasahani kamo ka sahabu kakali ni chisilo cha gilamu mia moja na kumi kali kagumbele ubani; 15 ng'ombe jankambaku jangakomala; ngondolo tonde jimo ni ngondolo tonde ja chaka chimo, kwa ligongo lya mbopesi ja kutinisya: 16 mbusi tonde jimo kwa ligongo lya mbopesi ja kutyosa sambi; 17 ng'ombe siŵili syankambaku, ngondolo tonde nsano, mbusi tonde nsano ni ngondolo tonde nsano sya chaka chimo, kwa ligongo lya mbopesi sya chitendewele. Jele jaliji mbopesi ji che Nashoni mwana jwa Aminadabu.

18 Lyuŵa lyaaŵili, che Netaneli mwana jwa che Suali, chilongola jwa ntundu wa Isakali ŵatyosisye sadaka. 19 Che Netaneli ŵatyosisye: Sahani jimo ja madini ga feza ja chisilo cha kilogilamu moja ni nusu ni bakuli jimo ja feza jajili ni chisilo cha gilamu mia nane malinga ni ipimo yaiŵichikwe pa Lisakasa lya Kusimanilana kwaligongo lya Akunnungu; sahani ni bakuli ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi; 20 kasahani kamo ka sahabu kakali ni chisilo cha gilamu mia moja na kumi kali kagumbele ubani; 21 ng'ombe ja nkambaku jimo jangakomala, ngondolo tonde jimo ni ngondolo tonde jimo ja chaka chimo kwa ligongo lya mbopesi jakutinisya; 22 mbusi tonde jimo kwa ligongo lya mbopesi ja sambi; 23 ng'ombe ŵaŵili syankambaku, ngondolo tonde nsano, mbusi tonde nsano ni ngondolo tonde sya chaka chimo nsano, kwa ligongo lya mbopesi sya chitendewele. Jele jaliji mbopesi ji che Netaneli mwana jwa che Suali.

24 Pa lyuŵa lyatatu jaliji samu ja che Eliabu mwana jwa che Heloni chilongola jwa lukosyo lwa Sebuloni. 25 Mbopesi jakwe jaliji: Sahani jimo ja madini ga feza ja chisilo cha kilo moja ni nusu ni bakuli jimo ja feza jajili ni chisilo cha gilamu mia nane malinga ni ipimo yaiŵichikwe pa Lisakasa lya Kusimanilana kwaligongo lya Akunnungu, sahani ni bakuli jo ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi; 26 kasahani kamo ka sahabu ka gilamu mia moja na kumi kali kagumbele ubani; 27 ng'ombe jankambaku jimo jangakomala, ni ngondolo tonde jimo, ni ngondolo tonde jangakomala ja chaka chimo kwa ligongo lya mbopesi ja kutinisya; 28 mbusi tonde jimo kwa ligongo lya mbopesi ja sambi; 29 mikambaku ja ng'ombe jiŵili, ngondolo tonde nsano, mbusi tonde nsano ni ngondolo tonde syangakomala nsano sya chaka chimichimo kwa ligongo lya mbopesi ja chitendewele. Jele jaliji mbopesi ja che Eliabu mwana jwa che Heloni.

30 Lyuŵa lya ncheche jaliji samu ja che Elisuli mwana jwa che Shedeuli, chilongola jwa lukosyo lwa Lobeni. 31 Mbopesi jo jaliji; Sahani jimo ja feza ja kilo jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa Lisakasa lya Kusimanilana kwaligongo lya Akunnungu, sahani ni bakuli ili yegumbale utandi wesyajiche yambone wewanganye ni mauta ga miseituni kwa ligongo lya mbopesi ja utandi; 32 kasahani kamo ka sahabu ka gilamu mia moja na kumi kali kagumbele ubani; 33 ng'ombe jankambaku jimo jamwana, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya; 34 mbusi tonde jimo kwa ligongo lya mbopesi ja kutyosya sambi; 35 ng'ombe sya nkambaku siŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele jaliji mbopesi ja che Elisuli mwana jwa che Shedeuli.

36 Lyuŵa lya nsano lya kutyosya mbopesi jaliji samu ja che Shelumieli mwana jwa che Suli Shadai chilongola jwa lukosyo lwa Simeoni. 37 Mbopesi jakwe jaliji: Sahani jimo ja feza ja kilo jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa lisakasa lya Kusimanilana kwaligongo lya Akunnungu, sahani ni bakuli ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi; 38 kasahani kamo ka sahabu ka gilamu mia moja na kumi kali kagumbele ubani, 39 ng'ombe jankambaku jimo jangakomala, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya, 40 mbusi tonde jimo kwa ligongo lya mbopesi jakutyosya sambi; 41 ng'ombe syankambaku siŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele jaliji mbopesi ja che Shelumieli mwana jwa che Suli Shadai.

42 Lyuŵa lya sita lyakutyosya mbopesi jaliji samu ja che Eliasafu mwana jwa che Deuli chilongola jwa lukosyo lwa Gadi. 43 Mbopesi jakwe jaliji: Sahani jimo ja feza ja kilogilamu jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa lisakasa lya Kusimanilana kwaligongo lya Akunnungu, sahani ni bakuli ili igumbele utandi wesyajiche yambone wewanganye ni mauta kwa ligongo lya mbopesi ja yakulya; 44 kasahani kamo ka sahabu ka gilamu mia moja na kumi kali kagumbele ubani; 45 ng'ombe jankambaku jimo jangakomala, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya, 46 mbusi tonde jimo kwa ligongo lya mbopesi jakutyosya sambi, 47 ng'ombe makambaku gaŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele jaliji mbopesi ja che Eliasafu mwana jwa che Deueli.

48 Juŵaichenawo mbopesi pa lyuwa ya saba ŵaliji che Elishama mwana jwa che Amihudi, chilongola jwa lukosyo lwa Efulaimu. 49 Mbopesi jakwe jaliji; Sahani jimo ja feza ja njisilo cha kilo jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa lisakasa lyeswela, sahani ni bakuli ili igumbele utandi wesyajiche yambone wewanganye ni mauta kwa ligongo lya mbopesi ja yakulya; 50 kasahani kamo ka sahabu ka gilamu mia moja na kumi kali kagumbele ubani, 51 ng'ombe jankambaku jimo jangakomala, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya; 52 mbusi tonde jimo kwa ligongo lya mbopesi jakutyosya sambi; 53 ng'ombe mikambaku jiŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele jaliji mbopesi ja che Elishama mwana jwa che Amihudi.

54 Lyuŵa lya nane kutyosya mbopesi jaliji samu ja che Gamalieli mwana jwa che Pedasuli, chilongola jwa lukosyo lwa Manase. 55 Mbopesi jao jaliji; Sahani jimo ja feza ja kilo jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa lisakasa lya Kusimanilana kwaligongo lya Akunnungu, sahani ni bakuli ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi, 56 kasahani kamo ka sahabu ka gilamu mia moja na kumi kali kagumbele ubani, 57 ng'ombe jankambaku jimo jangakomala, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya, 58 mbusi tonde jimo kwa ligongo lya mbopesi jakutyosya sambi; 59 ng'ombe mikambaku jiŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele jaliji mbopesi ja che Gamalieli mwana jwa che Padasuli.

60 Lyuwa lya tisa kutyosya mbopesi jaliji samu ji che Abidani mwana jwa che Gideoni, chilongola jwa lukosyo lwa Benjamini. 61 Mbopesi jao jaliji; Sahani jimo ja feza ja kilo jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa Lisakasa lya Kusimanilana ni Akunnungu. Sahani ni bakuli ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi 62 kasahani kamo ka sahabu ka gilamu mia moja na kumi kegumbale ubani; 63 ng'ombe jankambaku jimo jangakomala, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya; 64 mbusi tonde jimo kwa ligongo lya mbopesi jakutyosya sambi; 65 ng'ombe sya nkambaku siŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele ni jijaliji mbopesi ji che Abidani mwana jwa che Gideoni.

66 Lyuŵa lya kumi kutyosya mbopesi jaliji samu ja che Ahieseli mwana jwa che Amishadai, chilongola jwa lukosyo lwa Dani. 67 Mbopesi jakwe jaliji: Sahani jimo ja feza ja kilo jimo ni nusu ni bakuli limo lya feza lya gilamu mia nane malinga ni ipimo yaiŵichikwe pa Lisakasa lya Kusimanilana kwaligongo lya Akunnungu. Sahani ni bakuli ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi; 68 kasahani kamo ka sahabu ka gilamu mia moja na kumi kegumbale ubani; 69 ng'ombe jankambaku jimo jangakomala, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya; 70 mbusi tonde jimo kwa ligongo lya mbopesi jakutyosya sambi; 71 ng'ombe mikambaku jiŵili, ngondolo tonde nsano, mbusi tonde nsano ni ngondolo tonde syangakomala sya chaka chimochimo kwa ligongo lya mbopesi ja chitendewele. Jele ni jijaliji mbopesi ja che Ahieseli mwana jwa che Amishadai.

72 Lyuŵa lya kumi na moja kutyosya mbopesi jaliji samu ji che Pagieli mwana jwa che Okilani chilongola jwa lukosyo lwa Asheli. 73 Mbopesi jakwe jaliji: Sahani jimo ja feza ja kilo jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa Lisakasa lya Kusimanilana kwaligongo lya Akunnungu. Sahani ni bakuli ili igumbele utandi wesyajiche yambone wewanganye ni mauta ga miseituni kwa ligongo lya mbopesi ja utandi, 74 kasahani kamo ka sahabu ka gilamu mia moja na kumi kegumbale ubani; 75 ng'ombe nkambaku umo wangakomala, ni ngondolo tonde jimo, ngondolo tonde jangakomala ja chaka chimo kwa ligongo lya mbopesi ja kutinisya; 76 mbusi tonde jimo kwa ligongo lya mbopesi jakutyosya sambi; 77 ng'ombe mikambaku jiŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele ni jijaliji mbopesi ja che Pagieli mwana jwa Okilani.

78 Ni lyuŵa lya kumi na mbili lya kutyosya mbopesi jaliji samu ji che Ahila mwana jwa che Enani chilongola jwa lukosyo lwa Nafutali. 79 Mbopesi jakwe jaliji: Sahani jimo ja feza ja kilo jimo ni nusu ni bakuli jimo ja feza ja gilamu mia nane malinga ni ipimo yaiŵichikwe pa Lisakasa lya Kusimanilana kwaligongo lya Akunnungu. Sahani ni bakuli ili igumbele utandi wesyajiche yambone wewanganye ni mauta ga miseituni kwaligongo lya mbopesi ja utandi, 80 kasahani kamo ka sahabu ka gilamu mia moja na kumi kegumbale ubani; 81 ng'ombe nkambaku umo wangakomala, ngondolo tonde ja chaka chimo kwa ligongo lya mbopesi ja kutinisya; 82 mbusi tonde jimo kwa ligongo lya mbopesi jakutyosya sambi; 83 ng'ombe mikambaku jiŵili, ngondolo tonde nsano, mbusi tonde nsano ni ngondolo tonde syangakomala sya chaka chimo kwa ligongo lya mbopesi ja chitendewele. Jele ni jijaliji mbopesi ja che Ahila mwana jwa Enani.

84 Mbopesi syose sya ilongola ŵa Isilaeli kwa ligongo lya chilisa, pa lyuŵa liŵachityosisye chiŵe cha Ambuje Akunnungu kwa kwitilila mauta, jaliji, Sahani sya feza kumi na mbili, bakuli sya feza kumi na mbili, tusahani kumi nambili twa sahabu. 85 Kila sahani ja feza jaliji ni chisilo cha kilo jimo ni nusu ni kila bakuli ja feza jakunyuluchisya jaliji ni gilamu mia nane. Sahani syose syaliji ni chisilo cha kilo ishilini na saba ni gilamu mia sita malinga ni ipimo yaiŵichikwe pa Lisakasa lya Kusimanilana kwaligongo lya Akunnungu.

86 Atula tusahani twa sahabu kumi na mbili tutwaliji ni ubani, kila chimo chaliji ni chisilo cha gilamu mia moja na kumi malinga ni ipimo yaikusachilwa pa Lisakasa lya Kusimanilana kwaligongo lya Akunnungu. Chisilo cha tusahani tose chaliji kilo moja ni gilamu mia tatu na ishilini. 87 Inyama yose iyatyosyekwe kwa ligongo lya mbopesi ja kutinisya yaliji ng'ombe mikambaku jangakomala kumi na mbili ni ngondolo tonde kumi na mbili, ngondolo tonde sya chaka chimo kumi na mbili, pamo ni mbopesi ja utandi ni mbusi tonde kumi na mbili kwa ligongo lya mbopesi jakutyosya sambi. 88 Kwa ligongo lya mbopesi ja chitendewele, inyama yose iyatyosekwe yaliji ng'ombe mikambaku ishilini na nne, ngondolo tonde sitini, mbusi tonde sitini, ni ngondolo tonde sya chaka chimo sitini. Jele jaliji mbopesi jijatyochekwe kwa ligongo lya kuchitenda chilisa chiŵe chakwe Akunnungu, paŵamasile kuchijitilila mauta chilisa.

89 Katema che Musa paŵajinjile mu Lisakasa lya Kusimanilana kwaligongo lya Akunnungu ku kukunguluka ni Ambuje Akunnungu, ŵapikene liloŵe cha pachanya pa chiunichilo cha Lisanduku lya lilangano, chichaliji pachanya pa lisanduku lya lilangano, lyalikuŵanjikwa chitengu cha chanasa, kutyochela pasikati pa aila yegumbikwe iŵili yaili ni mapapiko.