Yuda Ɔbara Kanyakawɛ̃ Ga Nna Karɔ̃ Ku Egipte
1 "Ndzo mitã mabi tsuelese,"
ngbɔ i Bosate to ɔɣɛ ne,
"mma nsɛ mabara ara wa loiɖo,
mabara kanyakawɛ̃ ga ame i wũ Siwarã iipia kɔrɔ̃,
mafu ikpi akpe akpe;
2 mma nsɛ makɛlɛ Egipte
fiɛ maisɛ makarɛ me;
mma nsɛ makarɛ sɔ Igarakpakpa si ɔdzuɛ̃ ma,
maawɛrɛ i Egipte kusɔ kayirinɔ.
3 Ɣɛɛ Igarakpakpa idzuɛ̃ aabɔ mi kunuarɛ,
Egipte kusɔ aabɔ mi kunuarɛ.
15 Bosate Wɔ Nsiguso, Israel Ɔsekelea sɔ,
"Ifiriki gu iwarã ame i mi iɖi pia,
ilokanana gu iti isia i wũ iso nɖe mi ɔle,
ɣɛɛ miibana kuiwɛ̃.