Ezequiel 47

जीवन देणे वाल़ी नदी

1 मेरे दर्शणो दे, से माणूं माखे मन्दरो रे द्वारो गे वापस ल्याया। तेती मैं देखेया कि मन्दरो रे द्वारो ते थाले पूर्बा रिया तरफा खे एक सूबल़ बह्यीणे लगी री थी ओर दक्खणा रिया तरफा खे बेदिया रे दाणे कनारे ते जाणे लगी री थी।*47:1 प्रका. 22:1 2 से माणूं माखे उत्तरो रे बड़े द्वारो ते ऊई की दवाला ते बारे लईगा ओर पूर्बो रे द्वारो रिया तरफा खे लईगा। तेती आऊँ पूर्बा रे द्वारो गे दक्खणा रे इस्से गे बह्यीणे लगी रे पाणिये खे देखी सकुँ था,