यशायाह 43

यहोवा हमेशा अपने लोकन सेइं साथीए

1 हे याकूब तेरो बनानेबालो यहोवा, ते हे इस्राएल तेरो रच़ने बालो हुनी इन ज़ोते, "डर न, किजोकि मीं तू छुटेवरोस; मीं तू नवं घिन्तां कुजावरोस, तू मेरो ही आस। 2 ज़ैखन तू पैनी मांमेइं भोइतां गास, तैखन अवं तीं सेइं साथी-साथी रालो ते ज़ैखन तू दरिया पार लंघेलो त तैना तीं न रुड़ालो; ते ज़ैखन तू अग्गी मांमेइं च़लेलो त तू न फुकोलो, ते तैसेरी लप्पी सेइं भी तू न फुकोलो। 3 किजोकि अवं यहोवा तेरो परमेशर आईं, इस्राएलेरो पवित्र यहोवा अवं तीं बच़ानेबालो आईं। मीं मिस्र तेरे हरज़ाने मां ते कूश ते सबा मुल्ख तेरे बदले मां दित्तोरेन।