3 Yehoshafati nakadumba, nakamlanda Mkulu Nguluwi yamlongoze. Nakawawikulila wanhu weng’ha wa isi ya Yuda wesele kulya. 4 Wanhu kulawa miji jeng’ha ja Yuda, nawaluta Yelusalemu. Nawating’hana leka kumlanda Mkulu Nguluwi yawatanze.
15 Yahasieli nakalonga, "Mhulichize hemwe wanhu wa Yuda na mweng’ha mlingikala Yelusalemu, nagwe mndewa Yehoshafati. Mkulu Nguluwi kanguwalonjela hemwe hino, ‘Mleche kudumba ne kuwa na lunhwinhwi kuwala chilundo achi chikulu cha wamizi. Ngondo ayi haiwele ya hemwe, ila ndo ya Nguluwi. 17 Hamlinguganigwa kitowa ngondo ayi. Mikale chila munhu kuli honhu hake miwiche goya hela, hamba mbeteze leka muwone ulohozi wa Mkulu Nguluwi, uwele kowapa hemwe wanhu wa Yuda na Yelusalemu. Mleche kudumba ne kuwa na lunhwinhwi. Mitondo mlute kitowa nawo, Mkulu Nguluwi kowa hamwe na hemwe.’ "
22 Mhela lowaluche kwimba na kutogola, Mkulu Nguluwi nakawatigula nyhala wamizi wa Amoni na wa Moabu na wa chidunda cha Seili walutile kuitowa isi ya Yuda. Wamizi awo nawasumigwa.