16 "Palukumbi lula navalagizi vahamula vinu, ‘Muyuwanila mihalu ya valongo vinu, muhamula ngati cheyiganikiwa pagati ya Vaisilaeli kwa Vaisilaeli amala Muisilaeli na muyehe mweitama pamonga navu. 17 Mkoto kumpendelela mundu yoyoha pamuhamula, muvayuwanila changali kupendelela, vavaha na vedebe. Mkoto kumyogopa na mundu yoyoha, muni hukumu yemwiwusa yihuma kwa Chapanga. Matakilu gogoha gakavyai ginonopa neju kwinu ndi mugaletayi kwa nene, ni nene yati nihamula.’