1 Kunt'ho dize dyomboke, Zumbe niyo amgamba Musa na Eliyazali mwana Haluni mlavant'hambiko, 2 "Waza want'hu wose wa Izilaeli, viligane ne zimp'huga zawe. Wawazeni want'hu wose wata miyaka milongo miidi na kugendeela wakudaha kuita kwe nk'hondo." 3 Musa na mlava nt'hambiko Eliyazali walongaga na want'hu mwe isi ye nt'hindiga uko Moabu, mwe nt'hendelo int'huhu ya mto Yolodani, uko Yeliko, wakamgamba,

Awa wandaga waizilaeli walawaga Misili. 4 "Wawazeni want'hu wose wata miyaka milongo miidi na kugendeela, enga ivo Zumbe Mnungu amsigiile Musa."

Awa nawo Waizilaeli walaile Misili.

5 Nk'hongo ni kabila dya Lubeni, nt'hulasasu ywa Yakobo. Henoki na Palu, 6 no lukolo lwa Waheziloni na lukolo lwa Wakalimi. 7 Izi nizo zink'holo ze dikabila dya Lubeni. Wagosi wawazigwe wandaga alufu milongo mine na mitatu na magana mfungate na milongo mitatu. 8 Welekwa wa Palu ni Eliebu, 9 na wanawe Nemueli na Datihani na Abilamu. Awa waidi Datihani na Abilamu nawo wandaga wasagulwe ni want'hu, mna nawo wamhigile Musa na Haluni, na kukelunga na want'hu wa Kola umwo wandile wakahigana na Zumbe. 10 Lupisi ulo sanga neigubuka niyo wahubugia pele, wabanikaga hamwenga na Kola na weyawe umwo moto wize ubanange want'hu magana maidi na milongo mishano, woho niyo wanda kanyo kwa want'hu wa Izilaeli. 11 Hamwenga na ayo wana wa Kola hawabanikaga.

12 Awa nawo welekwa wa Simioni viligane ne zink'holo zawe. Nimueli, nu lukolo lwa Wanumueli na Yamini nu lukolo lwa Wayamini na lukolo lwa Yakini nu lukolo lwa Wayakini. 13 Zela nu lukolo lwa Wazela na Sauli naye nu lukolo lwa Washauli. 14 Izo nizo zink'holo ze dikabila dya Simeoni umwo wawazagwa, wagosi wandaga alufu milongo miidi na mbili na magana maidi. 22,200 15 Kabila dya Gadi dyandaga na lukolo lwa Sefoni nulo lukolo lwa Wasefoni, na Hagi kwa nk'holo za Wahagi, na Shuni nulo lukolo lwa Washuni. 16 Ozini nulo lukolo lwa Wazini na Eli nulo lukolo lwa Waeli, 17 Alodi nulo lukolo lwa Waalodi na Aleli nulo lukolo lwa Waaleli. 18 Idyo nidyo dikabila dya Gadi wagosi wandaga alufu milongo mine na magana mashano 40,500. 19 Kabila dya Yuda dyandaga na wana wa Yuda Eli na Onani. Awa nawabanikila mwe isi ya Kanaani. 20 Kabila dya Yuda dyandaga na nk'holo za Shela nulo lukolo lwa Washela, Pelesi nulo lukolo lwa Wapelesi, Zela naye nulo lukolo lwa Wazela. 21 Kulawa kwa Pelesi nulo lukolo lwa Wapelesi, kwandaga na welekwa wa Heziloni na Hamuli . 22 Idyo nidyo kabila dya Yuda na wagosi nawanda alufu milongo mfungate na mtandatu na magana mashano 76,500. 23 Izi nizo zink'holo zandaga welekwa wa Isakali. Tola nulo lukolo lwa Watola, Puva nulo lukolo lwa Wapuva. 24 Yashubu nulo lukolo lwa Wayashubu, Shimloni nulo lukolo lwa Washimloni. 25 Izi nizo zink'holo za Isakali awo wawazagwa, wandaga wagosi alufu milongo mtandatu na magana matatu. 64,300 26 Izi nizo zink'holo za welekwa wa Zubuloni. Zeledi nulo lukolo lwa Wazeledi, Eloni nulo lukolo lwa Waeloni, Yaleeli nulo lukolo lwa Wayaheeli. 27 Izo nizo nk'holo za Zebuloni na wagosi wandaga alufu milongo mtandatu na magana mashano. 60,500 28 Yusufu andaga na wana waidi wandaga makabila, Manase na Efulaimu. 29 Izi nizo zink'holo zilaile kwe dikabila dya Manase, Wamakilete ni lukolo luguhile dizina dyo mkale ywawe Makili. Makili naye niye amweleke Geleadi uyo mkale ywo lukolo lwa Wagileadi. 30 Nk'holo zilaile kwa Gileadi zandaga, Yezeli uyo mkale ywo lukolo lwa Wayezeli, Heleki uyo mkale ywo lukolo lwa Waheleki. 31 Asilieli niye mkale ywa Waasilieli, Shekemu niye mkale ywa Washekemu, 32 Shemida niye mkalwe ywo lukolo lwa Washemida na Hefeli niye mkale ywo lukolo lwa Wahefeli. 33 Selofehadi mwana ywa Hefeli hapataga wana kilume, andaga na wanakike du, awo ni Mala na Noa na Hogila na Milika na Tizila. 34 Izo nizo zink'holo za Manase, wagosi wawazagwa wandaga alufu milongo mishano na miidi na magana mfungate 52,700. 35 Kabila dya Efulaimu nedinda na zink'holo za Shutela nulo lukolo lwa Washutela. Beledi niye mkale ywo lukolo lwa Wabeledi na Tahani niye mkale ywo lukolo lwa Watahani. 36 Lukolo lwa Elani nolunda na welekwa wa Shutela mkale ywo lukolo lwa Washutela. 37 Izo nizo zink'holo za Efulaimu, wagosi nawanda alufu milongo mitatu na miidi na magana mashano 32,500. Nk'holo izo zose za makabila aya maidi zilawa mwa Yusufu. 38 Kabila dya Benjamini nedinda na nk'holo za Bela uyo mkale ywo lukolo lwa Wabela, Asheli niye mkale ywa Waasheli, Ahilamu naye niyo mkale ywa Waahilamu, 39 Shufamu niye ywa Washafamu, Hufamu naye andaga ywo lukolo lwa Wahufamu. 40 kulawa kwa Bela wandaga welekwa wa Alidi na Naamani. 41 Izo nizo nk'holo za Benjamini awo wawazagwa, wagosi wandaga alufu milongo mine na mishano na magana mtandatu. 45,600 42 Kulawa kwa Dani ni Shuhamu. 43 Nk'holo za Washuhamu wawazagwa wagosi wandaga alufu milongo mtandatu na kane na magana mane. 64,400 44 kulawa kwa Asheli ni Imaha na Ishivi na Beliahi. 45 Kulawa kwa Hebelia na Malikieli. 46 Asheli andanga na mwanakike etangagwa Sela. 47 Izo nizo zink'holo ze dikabila dya Asheli, wagosi wawazagwa wandaga alufu milongo mishano na magana mane. 53,400 48 Kabila dya Nafutali nedinda na nk'holo za Yaseeli na Guni, 49 Yaseli ywo lukolo lwa Wayaseli, na Shilemu uyo ywo lukolo lwa Washilemu. 50 Izo nizo nk'holo ze dikabila dya Nafutali, wagosi wandaga alufu milongo mine na mishano na magana mane. 45,400 51 Wagosi awo wa Izilaeli wawazagwa wandaga alufu magana mtandatu na imwenga na magana mfungate na milongo mitatu 601,730. 52 Niyo Zumbe Mnungu amgamba Musa, 53 "Uwapangile isi want'hu wa makabila aya kunda ukipe wawe, viligane no uwazilo wa mazina yawe. 54 Kabila kulu nediink'higwe hant'hu hakulu didodo nadyo nedink'higwe hant'hu ha dodo. Kila kabila nediink'higwe ukipe wakwe viligane no uwazilo wa want'hu wakwe. 55 Mna isi neipangigwe kwa kutoa kula. Kila kabila nedinde na ukipe viligane na mazina yo lukolo lwakwe. 56 Ukipe wa kila kabila noupangigwe kwa kutoa kula, kila kabila nedipate viligane no ukulu hegu na udodo wakwe."

57 Awo nawo Walawi wawazigwe viligane ne zink'holo zawe. Geshoni na Kohasi na Melali. 58 Zink'holo za Lawi zandaga ni Libini na Kola na Kohasi. Kola andaga niye ise dya Amlam. 59 Mkaza Amlamu etangagwa Yokebedi elekelwe Misili naye andaga ywa kabila dya Lawi. Uyu nuyo amwelekele Amlamu wana waidi wa kilume, Haluni na Musa na Miliamu lumbudyawe. 60 Haluni awelekaga wana kilume wane awo, Nadabu, Abihu, Eliyazali na Itamali. 61 Nadabu na Abihu nawabanika weze walave malavo ya moto houmwelele Zumbe. 62 Wagosi we zink'holo za Walawi awo wandaga wa mwezi umwenga na gugendeela awo wawazagwa wandaga alufu milongo miidi na nt'hamtu. 23,000 Mna Walawi hawahanganyagwa mwo uwazilo wa Waizilaeli watuhu kwaviya woho hawenk'hagwa ukipe we isi mwa Waizilaeli.

63 Awo nawo wagosi wa Izilaeli wawazigwe ni Musa no Eliyazali Mlava nt'hambiko mwe isi ya mwe zint'hidiga za Moabu, ng'ambu yo mto Yolodani hagihi na Yeliko. 64 Mwa woho hakwandile hata na mnt'hu yumwenga asigale mwa wadya wawazigwe ni Musa na Haluni mlava nt'hambiko, awo wadamanyaga uwazilo aho nk'hongo uko kwe dijangwa Sinai. 65 Kwaviya Zumbe awagambaga, wose nawabanikile mwe dijangwa, naho hehali hata yumwenga naasigale mgima, mna ni Kalebu mwana ywa Yefune na Yushua mwana ywa Nuni.