3 ଇନିଃ ମାଇନ୍ କା ନାମଃନିଃ ମେନ୍ତେ କାଜିୟାନା ଓଡ଼ୋଃ ହଡ଼କତାଃ ଏତେ ସାଙ୍ଗିନ୍ୟାନା,
ଇନିଃ ଦୁକୁତେ ପେରେୟାକାନ୍ ହଡ଼ ତାଇନ୍କେନା,
ଉରି ବେମାର୍ତେ ପେରେୟାକାନ୍ନିଃ ତାଇକେନାଏ
ଓଡ଼ୋଃ ହଡ଼କ ଇନିଃକେ ନେଲ୍କେଦ୍ତେ ମେଦ୍ମୁହାଁଡ଼୍କେ ଦୟାକୁଣ୍ଡାମ୍ ତାଇକେନା।
ଓଡ଼ୋଃ ଆବୁ ଇନିଃକେ କାବୁ ମାଇନ୍କିୟା।
4 ସାର୍ତିଗି ଇନିଃ ଆବୁଆଃ ଦୁକୁ ସବେନାଃକେ ସାହାତିଙ୍ଗ୍କେଦା
ଓଡ଼ୋଃ ଆବୁଆଃ ଦୁକୁହାସୁକଏ ଗଅଃଇଦିକେଦା।
ଏନ୍ରେହ ଆବୁ ପାର୍ମେଶ୍ୱାର୍ତାଃଏତେ ଦାଲ୍କାନ୍, ଘାଅକାନ୍
ଓଡ଼ୋଃ ଦୁକୁତେ ଉୟୁଗାକାନା ମେନ୍ତେବୁ ଆଟ୍କାର୍ କେଦା।
5 ମେନ୍ଦ ଇନିଃ ଆବୁଆଃ ପାପ୍ ରେୟାଃ କାଜି ନାଗେନ୍ତେ ଘାଅଘସ୍ ୟାନାଏ
ଓଡ଼ୋଃ ଆବୁଆଃ ଗୁହ୍ନା କାଜି ନାଗେନ୍ତେ ଜିମା ୟାନାଏ,
ଆବୁଆଃ ସୁକୁ ନାଗେନ୍ତେ ଇନିୟାଃ ଚେତାନ୍ରେ ସିଗିଦ୍ ହିଜୁଃୟାନା।
ଓଡ଼ୋଃ ଇନିଃ ହାଁଣ୍ସାୟାନ୍ ହରାତେ ଆବୁ ସବେନ୍ ବୁଗିୟାନା।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)