Ezequiel 16

36 परमेशर यहोवा ईंयाँ बोलोआ, "तैं जो करी राखेया से एड़ा ए जेड़े तैं आपणे टाल्ले आपू खोली राखे ओर वेश्या जेड़ा बर्ताओ कित्तेया ओर तिना मर्दा साथे संबंध बणाए जो तेरे लाड़े नि ए। मेरा मतलब ए कि तूँ घृणित मूर्तिया री पूजा करदी रये ई, ओर ताखे आपणे बच्चे तिना खे बलि करना अच्छा लगोआ। 37 एबे आऊँ जो करने वाल़ा ए से एड़ा ए जेड़े मां सेयो सब लोक कट्ठा करने जिना रे बारे दे तूँ सोचे ई कि सेयो मांते प्यार करोए, ओर जिना ते तूँ नफरत करेई। मां सेयो तां पाँदे अमला करने खे तेरे चऊँ कनारे कट्ठे करने, ओर मां जो करना से एड़ा ए जेड़े मैं तेरे टाल्ले खोली ते, ओर तिना तूँ तेबे देखणी जेबे तूँ पूरी तरआ ते नांगी ऊणी।