1 तैस दिहाड़े तू ज़ोलो, "हे यहोवा, अवं तेरू शुक्र केरताईं, किजोकि अगर तू मीं पुड़ सेरकोरो थियो, पन हुनी तेरी सरक ठंडी भोइ, ते तीं मीं शान्ति दित्तोरीए।"

2 हेर, "परमेशर मेरो मुक्ति देनेबालोए, अवं भरोसो रेखेलो ते न थेरकेलो; किजोकि प्रभु यहोवा मेरी ताकत ते मेरे भजनेरो विषय आहे, ते तै मीं मुक्ति देनेबालो भोइ जेवरोए।"✝

3 तुस खुशी भोइतां मुक्तरे नागे करां पानी भरेले। 4 ते तैस दिहाड़े तुस ज़ोले, "यहोवारी तारीफ़ केरा, तैस कां प्राथना केरा, सेभी कौमन मां तैसेरे बड्डे कम्मां केरो प्रचार केरा, ते ज़ोथ कि तैसेरू नवं बड़ू महाने।✝ 5 यहोवारू भजन ज़ोथ, किजोकि तैनी बड्डां-बड्डां कम्मां कियोरन, इस गल्‍ली सैरी धेरती पुड़ बांदी केरा। 6 हे सिय्योने मां बस्सने बाली* तू तैसेरी जयजयकार केर, ते ज़ोरे सेइं ज़ो, किजोकि इस्राएलेरो पवित्र परमेशर तीं मां महाने।"