ଅବ୍ରାମ୍ତିଙ୍କ୍ ପରମେଶ୍ୱର କାର୍ଙ୍ଗାନାଦ୍
1 ସଦାପ୍ରବୁ ଅବ୍ରାମ୍ତିଙ୍କ୍ କେତ୍ତଣ୍ଡ୍, ନିମେ ନିଜର୍ ଦେଶ୍ ନୁ କୁଟ୍ମାମ୍ ନୁ ବାବାଲଡ଼୍ ଲନ୍ ୱିଡ଼୍ସି, ମାମେ ବେନ୍ ଦେଶ୍ ନିକିଙ୍କ୍ ତଃତିତମ୍ , ଆ ଦେଶ୍ତାଗ୍ ଆନ୍। 2 ମାମେ ନିୟାଗାଙ୍କ୍ ଅଣ୍ଡୟ୍ ବେଡ଼୍ୟାଦା ଗୋଷ୍ଠି ତିଆର୍ ମାଡ଼ିତମ୍, ମେଣ୍ଡେ ମାମେ ନିକିଙ୍କ୍ ଆଶିର୍ବାଦ୍ ମାଡ଼ି ନାୟାଦ୍ ପେଦେର୍ ବେଡ଼ିୟ୍ ମାଡ଼ିତମ୍; ନିମେ ଆଶିର୍ବାଦ୍ତେ ଚିହ୍ନେ ଆଦ୍ତିନ୍ ।
3 ବେନଡ଼୍ ନିକିଙ୍କ୍ ଆଶିର୍ବାଦ୍ ମାଡ଼ିତଡ଼୍, ମାମେ ଅଡ଼୍କିଙ୍କ୍ ଆଶିର୍ବାଦ ମାଡ଼ିତମ୍; ମେଣ୍ଡେ ବେନବା ନିକିଙ୍କ୍ ଅବିଶାପ୍ ଇଦ୍ତଣ୍ଡ୍,
ମାମେ ଅଂକିଙ୍କ୍ ଅବିଶାପ୍ ଇଦ୍ତମ୍;
ମେଣ୍ଡେ ମି ଦ୍ୱାରା ମାମେ ପୃତିବୀତେ ସାରେ ପିଲୁଡ଼୍ ଆଶିର୍ବାଦ୍ ପାହେମ୍ ଆଦ୍ତଡ଼୍।
4 ଅନନ୍ତର ଅବ୍ରାମ୍ ସଦାପ୍ରବୁନ୍ ଇ ବାକ୍ୟଇସାପ୍ତେ ଆତ୍ତଣ୍ଡ୍, ମେଣ୍ଡେ ଲୋଟ ତାନ୍ ତଡ଼୍ ଆତ୍ତଣ୍ଡ୍; ହାରଣତାଗାଙ୍କ୍ ଆଦାନ୍ ସମୟ୍ତେ ଅବ୍ରାମ୍ତିଙ୍କ୍ ସତୁରି ଏଇଙ୍ଗ୍ ବର୍ଷ ବୟସ୍ ଆସ୍ମାତ୍ତେ। 5 ଆଦେ ଲେକାମ୍ ଅବ୍ରାମ୍ ନିଜର୍ ମୁତେଙ୍କ୍ ସାରିଙ୍କ୍ ନୁ ତାନ୍ ମୁନେତେ ମାର୍ ଲୋଟଙ୍କ୍ ନୁ ହାରଣତାଗାଙ୍କ୍ ନିଜର୍ତାଦ୍ ନେଃତେ ଦନ୍ ନୁ ମାନ୍ଦାନ୍ ଜିୱାକିଙ୍କ୍ ପୟସ୍ କିଣାନ୍ ଦେଶ୍ ଉଦେଶ୍ତେ ଆଞ୍ଜ୍ କିଣାନ୍ତାଗ୍ ହେୱ୍ତଡ଼୍। 6 ଅବ୍ରାମ୍ ଆ ଦେଶ୍ ଇସ୍ ଉଡ ଉଡ ଶିକିମ୍ତେ ଗାରେ ମୋରିର ଅଲୋନ ମାଡ଼େତ୍ ମଦଲ୍ ଡିଗ୍ତଡ଼୍। ଆ ସମୟ୍ତେ କିଣାନୀୟଡ଼୍ ଆ ଦେଶ୍ତାଗ୍ ମାଞ୍ଜ ମାତ୍ତଡ଼୍। 7 ଅନନ୍ତର ସଦାପ୍ରବୁ ଅବ୍ରାମ୍ତିଙ୍କ୍ ଦର୍ଶନ୍ ଇସ୍ କେତ୍ତଣ୍ଡ୍, ମାମେ ନି ପିଲୁଡ଼୍ତିଙ୍କ୍ ଇ ଦେଶ୍ ଇଦ୍ତମ୍; ଆଦିନ୍ ଅବ୍ରାମ୍ ସେଙ୍ଗେ ଅନ୍ଗାରେ ତନ୍ଦ୍ଦାତା ସଦାପ୍ରବୁନ୍ ଉଦେଶ୍ତେ ଆ ଜାଗାତାଗ୍ ଯଜ୍ଞବେଦି ତିଆର୍ ମାଡ଼୍ତଣ୍ଡ୍। 8 ତାନ୍ ପେର୍କେ ଅଣ୍ଡ୍ ଆ ପଡ଼୍ୟ୍ ୱିଡ଼୍ସି ବୈତେଲ୍ତେ ମୁନେତ୍ ପାକେତ୍ ମେଟ୍ତା ଆଞ୍ଜ୍ ଅନାଦ୍ ତମ୍ୱୁ ନିଲ୍ସ୍ପ୍ତଣ୍ଡ୍; ଆଗେତ୍ ପଡ଼ଦ୍ ଡିଗୁଡ଼୍ତେ ବୈତେଲ ନୁ ପଡ଼ଦ୍ ପେୟ୍ତାନ୍ ପାକ୍ ଅୟ ନଗର୍ ମାତ୍ତେ; ମେଣ୍ଡେ ଆଗେ ସଦାପ୍ରବୁନ୍ ଉଦେଶ୍ତେ ଅଣ୍ଡୟ୍ ଯଜ୍ଞବେଦି ତିଆର୍ ମାଡ଼ି ସଦାପ୍ରବୁନ୍ ପେଦେର୍ତେ ପ୍ରାର୍ତନା ମାଡ଼୍ତଡ଼୍। 9 ତାନ୍ ପେର୍କେ ଅବ୍ରାମ୍ ଉଡ ଉଡ ମେଣ୍ଡେ ତିନ୍କାୟ୍ଦେ ପାକ୍ ଆତ୍ତଣ୍ଡ୍।
ମିସର୍ତାଗ୍ ଅବ୍ରାମ୍
10 ଆ ସମୟ୍ତେ କିଣାନ୍ ଦେଶ୍ତାଗ୍ ମରୁଡ଼ି ଆତ୍ତାଙ୍କ୍ ଅବ୍ରାମ୍ ମିସର୍ ଦେଶ୍ତାଗ୍ ମାନ୍ଦାନ୍ ସେଙ୍ଗେ ଆତ୍ତଣ୍ଡ୍; ବାତେଙ୍କ୍ଇତ୍କେ ଦେଶ୍ତାଗ୍ ଗାଟି ମରୁଡ଼ି ଆସ୍ମାତ୍ତେ। 11 ମିସର୍ ଦେଶ୍ତାଗ୍ ଅସାନ୍ ମାଇଦିଙ୍କ୍ ଆତ୍ତାଙ୍କ୍, ଅବ୍ରାମ୍ ନିଜର୍ ମୁତେଙ୍କ୍ ସାରିଙ୍କ୍ କେତ୍ତଣ୍ଡ୍, କେଞ୍ଜା, ନିମେ ଉଡ଼ାନଙ୍କ୍ ସୁନ୍ଦର୍, ଆଦ୍ ନାନ୍ ପୁତ୍ତାନ୍। 12 ଆଦିନ୍ ମାଇଦିଙ୍କ୍ ମିସ୍ରିୟ ଦେଶ୍ତେ ନାରୁଡ଼୍ ନିକିଙ୍କ୍ ଉଡ଼ି ନା ମୁତେ ଇଞ୍ଜ ପୁତ୍ତ୍କେ, ନାକିଙ୍କ୍ ଆୱ୍କି ନିକିଙ୍କ୍ ଜିୱେ ନେଃତିତଡ଼୍। 13 ଆଦିଙ୍କ୍ ନାନ୍ ଅନୁରଦ୍ ମାଡ଼ୁତାନ୍, ନିମେ ନା ହେଲାଡ଼୍ ଇଞ୍ଜ କେତିତିନ୍; ଆସୁଟ୍ ନି ସେଙ୍ଗେ ନାକିଙ୍କ୍ ମଙ୍ଗଲ୍ ଆଦ୍ତେ ନୁ ନି ସେଙ୍ଗେ ନା ଜିୱୁନ୍ ଗେଲ୍ସିତ୍। 14 ଅନନ୍ତର ଅବ୍ରାମ୍ ମିସର୍ ଦେଶ୍ତାଗ୍ ଆତ୍ତାଙ୍କ୍, ମିସ୍ରିୟ ନାରୁଡ଼୍ ତାନ୍ ମୁତେଙ୍କ୍ ଗାଟି ସୁନ୍ଦର୍ ଉଡ଼୍ତଡ଼୍। 15 ମେଣ୍ଡେ ଫାରୋନ୍ ନେତାଲଡ଼୍ ତାଂକିଙ୍କ୍ ଉଡ଼ି ଫାରୋନ୍ ମୁନେ ତାନ୍ ଗଟି କେତ୍ତାଙ୍କ୍, ଆ ମୁତେଙ୍କ୍ ଫାରୋନ୍ ଲନ୍ ତାତ୍ତଡ଼୍। 16 ଫାରୋ ତାନ୍ ସେଙ୍ଗେ ଅବ୍ରାମ୍ତିଙ୍କ୍ ସମାଦର ମାଡ଼ି ଅଂକିଙ୍କ୍ ମେଣ୍ଢା, ଗଡ୍କ୍, ଗଦ ନୁ ସାକରିଡ଼୍କ୍ ନୁ ଗଦକି ନୁ ଉଟ୍କ୍ ଇତ୍ତଣ୍ଡ୍।
17 ମାତ୍ର ଅବ୍ରାମ୍ତେ ମୁତେ ସାରିନ୍ ସେଙ୍ଗେ ସଦାପ୍ରବୁ ଫାରୋ ନୁ ତାନ୍ ପରିବାର ପର ଗାଟି ବେଡ୍ୟାଦ୍ ବେମାର୍ ରତ୍ତଣ୍ଡ୍। 18 ତାନ୍ ପେର୍କେ ଫାରୋ ଅବ୍ରାମ୍ତିଙ୍କ୍ କାର୍ଙ୍ଗି କେତ୍ତଣ୍ଡ୍, ନିମେ ମା ତଡ଼୍ ଇଲା ବାତେଙ୍କ୍ ବ୍ୟବହାର ମାଡ଼ିତି ? 19 ଆ ନାଟାଡ଼୍ ନି ମୁତେ, ଇ ଗଟ୍ ମାକିଙ୍କ୍ ବାତେଙ୍କ୍ କେଲ୍ୱି ? ତାଂକିଙ୍କ୍ ବାତେଙ୍କ୍ ନା ହେଲାଡ଼୍ ଇଞ୍ଜ କେତ୍ତି ? ଆସୁଟ୍ ମାମେ ତାଂକିଙ୍କ୍ ପେଣ୍ଡୁଲ୍ ମାଡ଼ାଙ୍କ୍ ଅତ୍ତମ୍; ଇଞ୍ଜ୍ ନି ମୁତେଙ୍କ୍ ଉଡ଼ା, ତାଂକିଙ୍କ୍ ପୟସ୍ ଆନ୍। 20 ତାନ୍ ପେର୍କେ ଫାରୋ ନାରୁଡ଼୍କ୍ ଅବ୍ରାମ୍ ବିଷୟ୍ତେ ଆଦେଶ୍ ଇତ୍ତଣ୍ଡ୍, ମେଣ୍ଡେ ଅଡ଼୍ ସାରେ ସମ୍ପତିତଡ଼୍ ଅବ୍ରାମ୍ ନୁ ତାନ୍ ମୁତେଙ୍କ୍ ରୟ୍ସିତ୍ତଡ଼୍।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)