ଲୋଟଙ୍କ୍ ଉଦ୍ଦାର୍ ମାଡ଼ାନାଦ୍
1 ମୁଲ୍ପୁଟ୍ ସମୟ୍ତେ ଆ ରେଣ୍ଡେ ସ୍ୱର୍ଗ ଦୂତ ସଦୋମ୍ତାଗ୍ ଏୱ୍ତା; ଆସୁଟ୍ ଲୋଟ ସଦୋମ୍ ନଗର୍ତେ ଆର୍ଦାଗ୍ ମାନ୍ଦାନ୍ନଡ଼୍କିଙ୍କ୍ ଅଡ଼୍କିଙ୍କ୍ ଉଡ଼ି ଅଡ଼୍ ତ କାଇଲାଙ୍କ୍ ତେଦ୍ତଣ୍ଡ୍, ମେଣ୍ଡେ ବୁମ୍ତାଗ୍ ମଡ଼୍କି କେତ୍ତଣ୍ଡ୍। 2 ହୋ ନା ପ୍ରବୁନଡ଼ି, ନାନ୍ ଅନୁରଦ୍ ମାଡ଼ୁତାନ୍, ନେଣ୍ଡ୍ ନାର୍କା ମି ଦାସନ୍ ଲୋନ୍ ମାଞ୍ଜ୍ ଡେକା ନର୍ମୁଟ୍; ଆସୁଟ୍ ନାର୍କକ୍ ତେଦି ଆଦ୍ତିଡ଼୍ । ଆସୁଟ୍ ଅଡ଼୍ କେତ୍ତଡ଼୍, ଇଲା ମାମେ ବାଇଦେ ପୁରା ନାର୍କା ମାନ୍ତମ୍। 3 ମାତର୍ ଲୋଟ ସେନେମାନ୍ କେଲ୍ନାଙ୍କ୍ ଅଡ଼୍ ଅନ୍ ତଡ଼୍ ଆଞ୍ଜ୍ ଅନ୍ ଲୋନ୍ ନେଙ୍ଗ୍ତଡ଼୍; ଆସୁଟ୍ ଅଣ୍ଡ୍ ଆୱିନ୍ ମାଇଦିଙ୍କ୍ ତାଡ଼ିଶୁନ୍ୟ ରୋଟି ଆୱ୍ କାଦି ଜିନିଷ୍ ତିଆର୍ ମାଡ଼୍ତାଙ୍କ୍, ଆଡ଼୍ ତିତ୍ତଡ଼୍।
4 ମାତର୍ ଅଡ଼୍ ଉଞ୍ଜାନ୍ ମୁନ୍ନେ ଆ ନଗର୍ତେ ନାରୁଡ଼୍, ଇତ୍କେ, ସଦୋମ୍ତେ ମାନେଇନଡ଼୍ ସାରେ ନାରୁଡ଼୍ ସାରେ ପାକାଙ୍କ୍ ୱାସ୍ ତାନ୍ ଲତ୍ତିଙ୍କ୍ ଚୁଟ୍ପଇତଡ଼୍। 5 ମେଣ୍ଡେ ଲୋଟଙ୍କ୍ କାର୍ଙ୍ଗି କେତ୍ତଡ଼୍, ନେଣ୍ଡ୍ ନାର୍କା ବେନ୍ ନାରୁଡ଼୍ ମି ଲୋନ୍ ୱାତ୍ତଡ଼୍, ଅଡ଼୍ ବେ ? ଅଡ଼୍କିଙ୍କ୍ ପେସ୍ପି ମା ଗାରେ ତାଡ଼ା। ମାମେ ଆୱିନ୍ ତଡ଼୍ ଉଞ୍ଜିତମ୍।
6 ଆସୁଟ୍ ଲୋଟ ବାୟ୍ଦେ ୱାସ୍ ମାର୍ ବନ୍ଦ ମାଡ଼ି କେତ୍ତଣ୍ଡ୍, 7 ହୋ ଦାଦାଲଡ଼ି ନାନ୍ ଅନୁରଦ୍ ମାଡ଼ୁତାନ୍, ଇଦ୍ପୁଟୁଙ୍କ୍ କାରାପ୍ ବ୍ୟବହାର୍ ମାଡ଼୍ମାଟ୍। 8 ଉଡ଼ାଟ୍ ନାରୁଡ଼୍ ଇଟ୍ୱେ ନା ରେଣ୍ଡ୍ ପିକି ମିନ୍ଦେ, ଆୱିଙ୍କ୍ ମି ଗାରେ ତାତୁତାନ୍, ମି ମୁନ୍ନେ ବାତେ ସାୟେ, ଆଦ୍ ଆୱିନ୍ ପର ମାଡ଼ାଟ୍, ମାତର୍ ଆ ନାରୁଡ଼୍ ପର ବାତ୍ ମାଡ଼୍ମାଟ୍, ବାତେଙ୍କ୍ଇତ୍କେ ଆୱ୍ ନା ଚାଗେ ନୁ ଆଦିଙ୍କ୍ ଆୱୁ ନା ଛାତତ୍ ମଦଲ୍ ପଡ଼ିୟେ ଅସ୍ ମିନ୍ଦେ।
9 ଆସୁଟ୍ ଅଡ଼୍ କେତ୍ତଡ଼୍, ଗୁଞ୍ଚେମ୍ ଆୟିମ୍। ମେଣ୍ଡେ କେତ୍ତଣ୍ଡ୍, ଇ ନାରୁଣ୍ଡ୍ ମାନ୍ ଲୋପେ ମାନ୍ଦାନ୍ ମାଇଦିଙ୍କ୍ ୱାସ୍ ମାନ୍ ବିଚାର୍କର୍ତ୍ତାଲ୍ ଆଦାଙ୍କ୍ ଇଚ୍ଛା ମାଡ଼ୁତଣ୍ଡ୍; ଇଞ୍ଜେ ଅଡ଼ାଗାଙ୍କ୍ ନି ପର ମେଣ୍ଡେ କାରାପ୍ ବ୍ୟବହାର୍ ମାଡ଼ିତମ୍। ଆସୁଟ୍ ଅଡ଼୍ ନାରୁଡ଼୍, ଇତ୍କେ ଲୋଟନ୍ ପର ଶକ୍ତି ତୟ୍ସ୍ କାପାଟ୍ତିଙ୍କ୍ ଉଃତାଙ୍କ୍ ପସ୍ପ୍ତଡ଼୍। 10 ମାତର୍ ଆ ଇର୍ୱୁଡ଼୍ କାଇକ୍ ଆସ୍ ଲୋଟନ୍ ଲୋତ୍ତେ ଲୋପେ ନିଜର୍ ଗାରେ ଲାଗି ଅସ୍ କାପାଟ୍ ବନ୍ଦ୍ ମାଡ଼ିତଡ଼୍ 11 ମେଣ୍ଡେ ଆର୍ଦେ ଗାରେ ସୁଦୁନଡ଼୍କ୍ ନୁ ବେଡ଼୍ୟଡ଼୍କ୍ ସାରେତଡ଼୍କିଙ୍କ୍ କାନା ମାଡ଼ିତ୍ତା; ଆସୁଟ୍ ଅଡ଼୍ ଆର୍ଦିଙ୍କ୍ ମେହ୍କି ମେହ୍କି ଆୟିତଡ଼୍।
ଲୋଟ ସଦମ୍ତିଙ୍କ୍ ୱିଡ଼୍ସ୍ତଣ୍ଡ୍
12 ଆ ନାରୁଡ଼୍ ଲୋଟଙ୍କ୍ କେତ୍ତଡ଼୍, ଇ ପଡ଼୍ୟ୍ତାଗ୍ ମିୱଡ଼୍ ମେଣ୍ଡେ ବେନଡ଼୍ ବେନଡ଼୍ ମିନ୍ଦେଡ଼୍ କି ? ଆନେ ନୁ ମି ମାର୍ମାୟାସ୍କ୍ ବାଡ଼୍ଞ୍ଜାଲ୍ ବେସର୍ ନାରୁଡ଼୍ ଇ ନଗର୍ତାଗ୍ ମିନ୍ଦେଡ଼୍, ଆ ସାରେତଡ଼୍କ୍ ଇ ପଡ଼୍ୟ୍ତାଗାଙ୍କ୍ ଅୟମ୍; 13 ବାତେଙ୍କ୍ଇତ୍କେ ମାମ୍ ଇ ପଡ଼୍ୟ୍ତିଙ୍କ୍ ଦଂସ ମାଡ଼ିତମ୍। ସଦାପ୍ରବୁନ୍ ମୁନେ ଇ ନଗର୍ ବିରୁଦ୍ତେ ଗାଟି କେୟାନାଦ୍ ତେଦିମିନ୍ଦେ, ଆଦିଙ୍କ୍ ସଦାପ୍ରବୁ ଇ ନଗର୍ତିଙ୍କ୍ ଦଂସ ମାଡ଼ାନ୍ ମାଇଦିଙ୍କ୍ ମାକିଙ୍କ୍ ରୟ୍ସ୍ ମିନ୍ଦେଣ୍ଡ୍।
14 ଆସୁଟ୍ ଲୋଟ ବାୟ୍ଦେ ଆଞ୍ଜ୍ ନିଜର୍ ପିକିନ୍ ତଡ଼୍ ପେଣ୍ଡୁଲ୍ ଆଦାନ୍ ବାଡ଼୍ଞ୍ଜାଲଡ଼୍କ୍ କେତ୍ତଣ୍ଡ୍, ତେଦାଟ୍, ଇଗାଙ୍କ୍ ବାୟ୍ଦେ ପେୟ୍ମୁଟ୍, ସଦାପ୍ରବୁ ଇ ନଗର୍ତିଙ୍କ୍ ଦଂସ ମାଡ଼ିତଣ୍ଡ୍; ମାତର୍ ବାଡ଼୍ଞ୍ଜାଲଡ଼୍ ଅଂକିଙ୍କ୍ ପରିହାସ୍ ମାଡ଼ି କେଞ୍ଜଡ଼୍।
15 ମେଣ୍ଡନ୍ ଦିନେ ନାର୍କକ୍ ଆତ୍ତାଙ୍କ୍, ଦୂତକି ଲୋଟଙ୍କ୍ ଦାନ୍ଦେମାଡ଼ି କେତ୍ତା, ତେଦ୍ଦା, ନିଜର୍ ମୁତେଙ୍କ୍ ନୁ ଇ ବେନ୍ ରେଣ୍ଡ୍ ପିକି ଇଗେ ମିନ୍ଦେ, ଆୱିଙ୍କ୍ ଅୟ୍ମ୍; ଆନକଟ ମାତ୍କେ ନଗର୍ ଦଣ୍ଡତେ ନଷ୍ଟ ଆଦ୍ତେ । 16 ଆଗେକ୍ ବା ଅଣ୍ଡ୍ ଗମାଡ଼୍ ମାଡ଼୍ତଣ୍ଡ୍; ଆସୁଟ୍ ଅନ୍ ପରୁ ସଦାପ୍ରବୁନ୍ ଦୟାତେ ସେଙ୍ଗେ ଅଡ଼୍ ତାନ୍ ନୁ ତାନ୍ ମୁତେନ୍ ନୁ ରେଣ୍ଡ୍ ପିକିନ୍ କାଇକ୍ ପୟ୍ସ୍ ଆୱିଙ୍କ୍ ନଗର୍ତେ ବାୟ୍ଦେ ଅସ୍ ନେଃତଡ଼୍। 17 ଇଦ୍ପୁଟୁଙ୍କ୍ ଅଡ଼୍କିଙ୍କ୍ ବାୟ୍ଦେ ପେସ୍ପି ତାତ୍ତେ ପେର୍କେ ଅଡ଼୍ ଲୋପେଙ୍କ୍ ଅର୍ତୁଣ୍ଡ୍ ଲୋଟଙ୍କ୍ କେତ୍ତଣ୍ଡ୍, ଜିଉନ୍ ଗେଲ୍ସ୍ପାନ୍ ସେଙ୍ଗେ ମିରାଟ୍; ପେର୍କେ ମାଲ୍ସ୍ ଉଡ଼୍ମାଟ୍ ନୁ ଇ ସାରେ ଆଞ୍ଚିନ୍ ନାଡ଼୍ମେ ମାନ୍ମାଟ୍; ମେଟେତା ମିରାଟ୍; ଇଲୁକ୍ ଆସୁଙ୍କ୍ ନଷ୍ଟ ଆଦ୍ତିଡ଼୍ ।
18 ଆସୁଟ୍ ଲୋଟ ଉତ୍ତର ଇତ୍ତଣ୍ଡ୍, ହୋ ନା ପ୍ରବୁ, ଇଦ୍ପୁଟୁଙ୍କ୍ ଆୟ୍ମାକି; 19 ଇଞ୍ଜେ ଇ ଦାସନ୍ ପରୁ ଅନୁଗ୍ରହ ନୁ ବେଡ଼ିୟ୍ ଦୟା ମାଡ଼ି ଜୀଉନ୍ ଗେଲ୍ସ୍ପ୍ତଣ୍ଡ୍; ନାନ୍ ମେଟେତା ମିରାଙ୍କ୍ ପାର୍ୱନ୍; ଉମ୍ଭକି ମେଟେତା ହେଉଦାନ୍ ମୁନେଙ୍କ୍ ଦରାପଡ଼େମ୍ ଆତ୍କେ ଡଲିତାନ୍। 20 ଉଡ଼ା, ମିରାଙ୍କ୍ ଆ ନଗର୍ ଗାରେ, ଆଦ୍ ସୁଦୁରାଦ୍; ଆ ପଡ଼୍ୟ୍ତାଗ୍ ମିରାନ୍ ମାଇଦିଙ୍କ୍ ଆଦେଶ୍ ଇମ୍, ଆସୁଟ୍ ନାୟାଦ୍ ଜିୱୁନ୍ ଗେଲ୍ସିତ୍; ଆଦ୍ କି ସୁଦୁରାଦ୍ ଆୟ ?
21 ଆସୁଟ୍ ଅଣ୍ଡ୍ କେତ୍ତଣ୍ଡ୍, ସାୟେ, ମାମ୍ ଇ ବିଷୟ୍ତେ ନି ପରୁ ଅନୁଗ୍ରହ ମାଡ଼ି, ଆ ବେନ୍ ନଗର୍ତେ ଗଟ୍ ନିମେ କେତ୍ତିନ୍, ଆଦିଙ୍କ୍ ନଷ୍ଟ ମାଡ଼ମ୍ । 22 ନିମେ ସିଟ୍ପାଟ୍ ଆ ପଡ଼ିୟ୍ତାଗ୍ ମିରା, ବାତେଙ୍କ୍ଇତ୍କେ ନିମେ ଆଗେ ଏୱୁକଟ୍ ମାତ୍କେ, ମାମ୍ ବାତେମେଣ୍ଡେ ମାଡ଼୍ପାର୍ୱମ୍ । ଇତ୍କେ ଆ ନଗରତେ ପେଦେର୍ ସୋୟର୍ 19:22 ସୁଦୁରାଦ୍ସୁଦୁରାଦ୍ ଆଦ୍ତେ ।
ସଦୋମ ନୁ ହମୋରାତାଗ୍ ବିନାଶ୍
23 ଦେଶ୍ତାଗ୍ ପଡ଼୍ଦ୍ ପେୟ୍ତାଙ୍କ୍, ଲୋଟ ସୋୟର୍ ନଗର୍ ନେଙ୍ଗ୍ତଣ୍ଡ୍। 24 ଆସୁଟ୍ ସଦାପ୍ରବୁ ମାବ୍ତାଗାଙ୍କ୍ ସଦାପ୍ରବୁନ୍ ଗାରେଙ୍କ୍ ସଦୋମ୍ ନୁ ହମୋରା ପର ଗାବ୍ ନୁ କିସ୍ ୱାର୍ସାମ୍ ମାଡ଼ି 25 ଆ ସାରେ ନଗର୍ ନୁ ଆଞ୍ଚିନା ନୁ ଆଗେତ୍ ନାଡ଼୍ମେତ୍ ନାରୁଡ଼୍ ନୁ ଆ ବୁମ୍ତାଗାଙ୍କ୍ ଜନ୍ମ ଆତ୍ତେ ସାରେ ଜିନିଷ୍ ତିଆର୍ ଆତ୍ତେ। 26 ଆ ସମୟ୍ତେ ଲୋଟନ୍ ମୁତେ ପେର୍କେ ମାଲ୍ସ୍ ଉଡ଼୍ତାଙ୍କ୍ ଆଦ୍ ଅୱଡ଼୍ ଗୁଞ୍ଜ୍ ଆତ୍ତେ ।
27 ମେଣ୍ଡେ ଅବ୍ରାହାମ୍ ନାର୍କକ୍ ତେଦି ମୁନେଙ୍କ୍ ବେନ ପଡ଼ିୟ୍ତାଗ୍ ସଦାପ୍ରବୁନ୍ ମୁନେ ନିସ୍ ମାତ୍ତଣ୍ଡ୍ ଆଦ୍ ପଡ଼ିୟେତାଗ୍ ନିସ୍ମାତ୍ତଣ୍ଡ୍, 28 ସଦୋମ ନୁ ହମୋରା ନୁ ଆଞ୍ଚିନ୍ ସାରେତଡ଼୍ ଅଞ୍ଚଲ୍ତେ ପରୁ ଉଡ଼୍ତାଙ୍କ୍, ଆ ଦେଶ୍ତାଗାଙ୍କ୍ ବେଟିତେ ଉମେତ୍ ଲେକାମ୍ ଉମ୍ ତେଦାନାଦ୍ ଉଡ଼୍ତଡ଼୍। 29 ଇଦ୍ ଲେକାମ୍ ଆ ଆଞ୍ଚିନା ମାନ୍ଦାନ୍ ସାରେତଡ଼୍ ନଗର୍ ନଷ୍ଟ ଆଦାନ୍ ସମୟ୍ତେ ପରମେଶ୍ୱର ଅବ୍ରାହାମ୍ତିଙ୍କ୍ ହେର୍କ୍ ମାଡ଼୍ତଣ୍ଡ୍, ମେଣ୍ଡେ ଲୋଟ ବେନ୍ ବେନ୍ ନାର୍ଦାଗ୍ ବାସ୍ ମାଡିମାତ୍ତଣ୍ଡ୍, ଆଦ୍ ନଗର୍ତେ ଦଂସ ସମୟ୍ତେ ଦଂସତାଗାଙ୍କ୍ ଲୋଟଙ୍କ୍ ପେସ୍ପ୍ତଣ୍ଡ୍।
ମୋୟାବିୟ ନୁ ଅମ୍ମୋନୀୟଡ଼୍ ପେୟ୍ତଡ଼୍
30 ଇଦିନାଗାକନ୍ ଲୋଟ ସୋୟର୍ତାଗ୍ ବାସ ମାଡ଼ାଙ୍କ୍ ୱେର୍ସ୍ ଆଗାକଞ୍ଚ୍ ପେୟ୍ସ୍ ନିଜର୍ ରେଣ୍ଡ୍ ପିକିଙ୍କ୍ ଅସ୍ ମେଟେତାଗ୍ ବାସ ମାଡ଼୍ତଡ଼୍; ଆସୁଟ୍ ଅଣ୍ଡ୍ ନୁ ତାନ୍ ରେଣ୍ଡ୍ ପିକିଙ୍କ୍ ପୟ୍ସ ମେଟେତ୍ ଦେପାଡ଼୍ତାଗ୍ ବାସ ମାଡ଼୍ତଡ଼୍। 31 ତାନ୍ ବେଡ଼ିୟ୍ ପିକିର୍ ସୁଦୁରାଦିଙ୍କ୍ କେତ୍ତେ, ମାନ୍ ବାବାଲ୍ ମୁୟ୍ତଣ୍ଡ୍, ମେଣ୍ଡେ ମାନାଙ୍କ୍ ପେଣ୍ଡୁଲ୍ ମାଡ଼ାଙ୍କ୍ ଇ ଦେଶ୍ତାଗ୍ ତ ବେନ୍ ନାରୁଣ୍ଡ୍ ଇଲେଣ୍ଡ୍। 32 ୱାଡ଼ା, ମାନାଡ଼୍ ବାବାଙ୍କ୍ ଦ୍ରାକ୍ଷାରସ୍ ଉସ୍ପି ବାବାନ୍ ପିଲୁଡ଼୍ତିଙ୍କ୍ ଗେଲ୍ସ୍ପାନ୍ ସେଙ୍ଗେ ଅନ୍ତଡ଼୍ ଉଞ୍ଜିକାଡ଼୍। 33 ଆସୁଟ୍ ଆଦ୍ ନାର୍କା ଆୱ୍ ତାମ୍ ବାବାଙ୍କ୍ ଦ୍ରାକ୍ଷାରସ୍ ଉସ୍ପି, ବେଡ଼୍ୟାଦ୍ ପିକିର୍ ତେଦି ଆଞ୍ଜ୍ ବାବାନ୍ ତଡ଼୍ ଉଞ୍ଜ୍ତା; ମାତର୍ ଆଦ୍ ଉଞ୍ଜ୍ତାଦ୍ ନୁ ତେଦିଆଦାନାଦ୍ ଲୋଟ ପୁନ୍ନଣ୍ଡ୍।
34 ମେଣ୍ଡନ୍ ଦିନେ ଆଦ୍ ବେଡ଼ିୟ୍ ପିକିର୍ ସୁଦୁରାଦିଙ୍କ୍ କେତ୍ତେ; ଉଡ଼ା ନେଟ୍ତ୍ତେ ନାର୍କା ଆନ୍ତେ ବାବାଙ୍କ୍ ଦ୍ରାକ୍ଷାରସ୍ ଉସ୍ପିକାଡ଼୍; ଆସୁଟ୍ ନିମେ ଆଞ୍ଜ୍ ବାବାନ୍ ପିଲୁଡ଼୍ ଗେଲ୍ସ୍ପାନ୍ ସେଙ୍ଗେ ଅନ୍ ତଡ଼୍ ଉଞ୍ଜା। 35 ଆସୁଟ୍ ଆୱ୍ ଆଦ୍ ନାର୍କା ଆନ୍ତେ ବାବାଙ୍କ୍ ଦ୍ରାକ୍ଷାରସ୍ ଉସ୍ପ୍ତା, ସୁଦୁରାଦ୍ ପିକିର୍ ତେଦି ଅନ୍ ତଡ଼୍ ଉଞ୍ଜ୍ତେ; ମାତର୍ ଆଦ୍ ଉଞ୍ଜ୍ତାଦ୍ ନୁ ତେଦ୍ତାଦ୍ ଲୋଟ ପୁନଣ୍ଡ୍। 36 ଇଦ୍ପୁଟୁଙ୍କ୍ ଲୋଟନ୍ ରେଣ୍ଡ୍ ପିକି ନିଜର୍ ବାବାନ୍ ପାକାଙ୍କ୍ ଡଙ୍କେତ୍ ଆତ୍ତା । 37 ବେଡ଼ିୟ୍ ପିକିର୍ ମାର୍ ଜନ୍ମ ମାଡ଼ି ଅନ୍ ପେଦେର୍ ମୋୟାବ୍ ଇତ୍ତେ; ଅଣ୍ଡ୍ ଇଞ୍ଜେତ୍ କାଲାତେ ମୋୟାବିୟ ନାରୁଡ଼୍ତେ ମୁନେତ୍ ବାବାଲ୍। 38 ମେଣ୍ଡେ ସୁଦୁରାଦ୍ ପିକିର୍ ମାର୍ ଜନ୍ମ ମାଡ଼ି ଅନ୍ ପେଦେର୍ ବିନ-ଅମ୍ମି ଇତ୍ତେ; ଅଣ୍ଡ୍ ଇଞ୍ଜେତ୍ କାଲାତେ ଅମୋନିୟ ନାରୁଡ଼୍ତେ ମୁନେତ୍ ବାବାଲ୍।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)