10 ଆସୁଟ୍ ଯାକୁବ୍ ତାମ୍ ମାମାଲ୍ ଲାବାନ୍ତେ ମାୟାଡ଼୍ ରାହେଲ୍ତିଙ୍କ୍ ନୁ ମାମାନ୍ ମେଣ୍ଢାମାନ୍ଦେତିଙ୍କ୍ ଉଡ଼ି ଗାରେ ଆଞ୍ଜ୍ ନୂୟ୍ଦେ ପରକଞ୍ଚ୍ କାଲ୍ ଗୁଞ୍ଚାମାଡ଼ି ମାମାନ୍ ଲାବାନ୍ତେ ମାନ୍ଦେତିଙ୍କ୍ ଏର୍ ଉସ୍ପ୍ତଣ୍ଡ୍। 11 ତାନ୍ପେର୍କେ ଯାକୁବ୍ ରାହେଲ୍ତିଙ୍କ୍ ଚୁମା ଇସ୍ ଗାଟି ଲେଙ୍ଗ୍ଦେ କେୟାନଙ୍କ୍ ପସ୍ପ୍ତଣ୍ଡ୍।
18 ମେଣ୍ଡେ ଯାକୁବ୍ ରାହେଲ୍ତିଙ୍କ୍ ପ୍ରେମ ମାଡ଼୍ତଣ୍ଡ୍; ଆଦିନ୍ ମାଇଦିଙ୍କ୍ ଅଣ୍ଡ୍ ଉତ୍ତର୍ ଇତ୍ତଣ୍ଡ୍, ନି ଯଦି ସୁଦୁରାଦ୍ ମାୟାଡ଼୍ ରାହେଲ୍ତେ ସେଙ୍ଗେ ନାକିଙ୍କ୍ ପେଣ୍ଡୁଲ୍ ମାଡ଼ିତିନ୍ ଆଲେକେ ସାତ ବର୍ଷ ନି ଦାସ ପାଡ଼ିୟ୍ ମାଡ଼ିତାନ୍।
20 ଇଦ୍ ରକମ୍ ଯାକୁବ୍ ରାହେଲ୍ତେ ସେଙ୍ଗେ ସାତ ବର୍ଷ ଦାସ ପାଡ଼ିୟ୍ ମାଡ଼୍ତଣ୍ଡ୍; ମେଣ୍ଡେ ରାହେଲ୍ତେ ସେଙ୍ଗେ ଅନାଦ୍ ଇଦ୍ରକମ୍ ପ୍ରେମ ମାତ୍ତେ, ଯେ ଆ ସାତ ବର୍ଷ ଅନ୍ ମାଇଦିଙ୍କ୍ ମାତର୍ ସୁଦୁର୍ ଦିନାମ୍ ଲାଗେମ୍ ଆଦ୍ତେ ।
25 ଇତ୍କେ ନାର୍କକ୍ ଆତ୍ତାଙ୍କ୍, ଉଡ଼ା, ଆଦ୍ ତ ଲେୟାଲ୍। ଆସୁଟ୍ ଯାକୁବ୍ ଲାବାନ୍ତିଙ୍କ୍ କେତ୍ତଣ୍ଡ୍, ନିମେ ନା ତଡ଼୍ ଇଲା ବାତେଙ୍କ୍ ବ୍ୟବହାର ମାଡ଼୍ତି ? ନାନ୍ ବାତେ ରାହେଲ୍ତେ ସେଙ୍ଗେ ନି ଦାସ୍ ପାଡ଼୍ୟି ମାଡ଼ନେ; ଆଲାଇତ୍କେ ବାତେଙ୍କ୍ ନାକିଙ୍କ୍ ବୁସା ମାଡ଼ିତି ?
27 ଇଦ୍ ଆଟ୍ ପୁରା ମାଡ଼ା, ତାନ୍ ପେର୍କେ ବେସୁଙ୍କ୍ ମେଣ୍ଡେ ସାତ ବର୍ଷ ନା ଦାସ ପାଡ଼୍ୟି ମାଡ଼ିତିନ୍, ଆଲାଇତ୍କେ ମେଣ୍ଡନ୍ ପିକ୍ତିଙ୍କ୍ ଆନ୍ତେ ନିକିଙ୍କ୍ ଇଦ୍ତାନ୍। 30 ଆସୁଟ୍ ଅଣ୍ଡ୍ ରାହେଲ୍ ତ ଆନ୍ତେ ଉଞ୍ଜ୍ତଣ୍ଡ୍ ନୁ ଲେୟାଙ୍କ୍ ଆନ୍ ରାହେଲ୍ତିଙ୍କ୍ ଗାଟି ପ୍ରେମ୍ ମାଡ଼୍ତଣ୍ଡ୍; ମେଣ୍ଡେ ଆସୁଟ୍ ସାତ ବର୍ଷ ଲାବନ୍ତେ ଦାସ ପାଡ଼୍ୟି ମାଡ଼୍ତଣ୍ଡ୍।