Deuteronômio 21

Malagizu kwa vana vangayidakila

18 "Ngati mundu ana mwana wa chigosi mweana ndindani na mweana mang’ang’ala, mweangavayuwanila dadi na nyina vaki pevakumlakalila, 19 hinu dadi waki na nyina waki vamukamulayi mwana mwenuyo na vampelekayi kwa vagogo palimulyangu la muji. 20 Dadi na nyina waki vavajovelayi vagogo va muji kuvya: ‘Mwana witu ana ndindani na akutiyuwanila lepi chetijova na kangi muhutulu na chigaligali.’ 21 Penapo vagosi voha va muji wenuwo yati vakumutova maganga msongolo mwenuyo mbaka afwayi, chenicho ndi chemukita ndava ya kuwusa uhakahu woha pagati yinu. Vaisilaeli voha yati viyuwana genago na kuyogopa."