Genesis 6

Duinai

1 Cinzwadi eh minadung kideu ga lungh hing petlu ge nah penui da releimedung lungh luge, 2 Tinggwang namedung*6:2 Tinggim rabedung mina napuidung hezukeyi ngaulu. Penui penui katei penui suibe keheibe de penui nau teilu. 3 RAMPAUBE rangdi, "A rabe mina da kelungta la si lakta, kedanemene penui au tsaidi kerame lu. Penui mmi 120 lungh zie." 4 Cidau ting nah pecai de kengkiengme, kideu ga lungh. Aide Tinggwang napeimedung nah mina napuimedung ngngwa lung kecu gade penui hename lunghlu. Nah aidung de mina ndaa kengkieng nah mina kemlangme.

5 RAMPAUBE kideu ga minadung daikenzwage nlien bi kecu nah daikenzwa gede penui lungcet leune au kesia kemau rünne jüja labi kecu ngaulu.✝6:5 Lei. 53:2 6 RAMPAUBE nnungta di, pa minadung de kideu gage tei gai kedine, nah pa pe lung siadi. 7 Cine RAMPAUBE rangdi, "Ih mina damkegai de tei nggah dizie kideu reu gade; minadung de de nah makaune kedidung de nah bwa kela kaunedung nah tinggimdung nah nruinedung de, kedanemene Ih penuide tei kegai mnung tadi delu." 8 Dede Noah RAMPAUBE miak ngau gade pe suiyi teilu.

9 Aidungde Noah rasamdung. Noah mina makesang mege, nah pa minadung kak gade peting dau kemau tei ma. Noah Tinggwang de ngngwa hekang eh lungh.