Ingene ihema rizoba rimeze
1 Uzokore ihema rifise ibitambara icumi bijishwe mu nyuzi zera, iz’ubururu, izitukura n’izitukura cane, zihinze neza; bijishweko n’ibishushanyo vy’abakerubi bikozwe n’abahinga karuhariwe.
7 Bazokore n’ibitambara icumi na kimwe mu mpuzu z’ubwoya bw’impene, vyo gupfuka Ihema ry’Ibonaniro. 14 Hejuru y’ico gitambara baze barenzeko insato z’intama zisize irangi ritukura, bakirenzeko izindi nsato z’agaciro.
15 Bazobaze imbaho mu giti c’ikasiya zo guhagarika ihema.
31 Baze bajishe igitambara mu nyuzi z’ubururu, izitukura, izitukura cane n’izera derere zihinze neza, kiriko n’ibishushanyo vy’abakerubi, bishizweko n’abahinga karuhariwe. 33 Ico gitambara bazokimanike bagitumberanije hanyuma bazoshire Isandugu y’Isezerano inyuma y’ico gitambara. Ico gitambara kizotandukanya Ahera n’Ahera Cane.