Ivyerekeye urugo rw’Ihema ry’Ibonaniro
9 Iryo hema ry’ibonaniro rize ryubakirwe urugo: uruhande rwo mu bumanuko ruzogire ingero z’igice c’ukuboko ijana27:9 Ni nk’imetero 45. z’uburebure, rugizwe n’igitambara c’inyuzi zera zihinze neza. 10 Ico gitambara kizoba gifashwe n’inkingi mirongo ibiri n’ivyo zihagazeko mirongo ibiri bikozwe mu mwakaka, n’imirinda icuzwe mw’ifeza hamwe n’ibifatanije izo nkingi. 11 No ku ruhande rwo mu buraruko urwo ruzitiro ruzogire ingero z’igice c’ukuboko ijana z’uburebure, rugizwe na ca gitambara nyene n’inkingi mirongo ibiri n’ivyo zihagazeko mirongo ibiri bicuzwe mu mwakaka, n’imirinda yo kukimanika n’igitambikwa co kukimanikako bikozwe mw’ifeza.
12 Mu burengero urwo rugo ruzogire ingero z’igice c’ukuboko mirongo itanu27:12 Ni nk’imetero 23., rugire n’igitambara, hamwe n’inkingi icumi n’ivyo zihagararako icumi nyene. 13 Ku ruhande rwo mu buseruko, urwo rugo ruzogire ingero z’igice c’ukuboko mirongo itanu nyene. 14 Ku ruhande rumwe ruriko urwinjiriro hazobe igitambara c’ingero z’igice c’ukuboko icumi na zitanu27:14 Ni nk’imetero 6,8., n’inkingi zaco zitatu n’ivyo ziterekwako bitatu nyene, 15 no ku rundi ruhande hazobe igitambara c’ingero z’igice c’ukuboko icumi na zitanu, n’inkingi zaco zitatu n’ivyo ziterekwako bitatu nyene.
16 Urwinjiriro rw’urugo ruzogire igitambara c’ingero z’igice c’ukuboko mirongo ibiri27:16 Ni nk’imetero 9. z’uburebure, kijishwe mu nyuzi z’ubururu, izitukura, izitukura cane n’izera zihinze neza, kijishwe n’abahinga karuhariwe, n’inkingi zine n’ibitereko vyazo. 17 Inkingi zose zigize urugo zizofatanywe n’imitambikwa hamwe n’imirinda bikozwe mw’ifeza, n’ivyo ziterekwako bicuzwe mu mwakaka. 18 Urugo ruzogire ingero z’igice c’ukuboko ijana z’uburebure, ingero z’igice c’ukuboko mirongo itanu27:18 Ni nk’imetero 23. z’ubwaguke, n’ingero z’igice c’ukuboko zitanu27:18 Ni nk’imetero 2,3. z’uburebure bw’amaduga. Ibiterekwako inkingi vyose bizobe bicuzwe mu butare bw’umwakaka.