यिर्मयाह 20

यिर्मयाह नबी फिरी शिकायत केरते

14 ज़ैस दिहाड़े मेरू ज़र्म भोवं तैस पुड़ लानत! ज़ैस दिहाड़े मेरी अम्मा मीं ज़र्म दित्तू तैस जो धन न ज़ोथ! 15 लानती भोए तै मैन्हु ज़ैनी मेरे बाजी ई खबर देइतां तै बड़ो खुश कियो कि तीं मट्ठू भेवरूए। 16 तैस मैन्हेरो हाल तैन नगरां केरो ज़ेरो भोए ज़ैना यहोवा दया न केरतां नाश कियां; तैस झ़ेझ़ां त चिन्डां केरि शौर ते दुपहरेईं जंगरी ललकार शुनोती राए, 17 किजोकि तैनी अवं पेटे मां न मारो कि मेरी अम्मरू पेट मेरी कब्र भोथी, ते अवं तैस्से मां हमेशा पेवरो राथो। 18 अवं किजो दुख तकलीफ ते मातम भोगनेरे लेई ज़र्मो कि अपने ज़िन्दगी मां मेहनत ते दुख हेरी, ते अपने दिहाड़े बदनैमी मां गुज़ैरी?