Mafundi va kujenga Lindanda la kukonganekela
1 Bambu akamjovela Musa, 2 "Nene nimuhagwili Bezaleli, mwana wa Uli, na mjukulu wa Huli wa likabila la Yuda, 3 na kummemesa Mpungu wangu Msopi. Nimpelili umanya na luhala na uhotola na kila namuna ya ufundi, 4 muni ahotola kuhololela bwina namuna ya kukita chindu na kutengeneza kwa kukita lufumbu lwa zahabu na feza na shaba. 5 Nimpelili umanya wa kudumula maganga ga kupambila, kuhongola mbawu na umanya wa kila namuna ya ufundi. 6 Mewawa nimuhagwili Oholiabu mwana wa Ahisamaki, wa likabila la Dani, akita lihengu nayu. Mewawa nivapelili vandu vangi uhotola uvaha ndava ya mahengu ndalindali, muni vahotola kukita kila chindu chenilagizi chikitiwa vindu vyene: