Genesis 1

20 Tinggwang rangdi, "Peu ring kela makaunedung ketsamtsam kekiee de le duidung puilu, nah peu nruinedung de kideu reu ting tingkam ga lim lulo." 21 Tinggwang jaaidi kaune disüt cudung, nah ringkela kaune ketsamtsam ci kenzwa bedung, makaunedung mlai kelabe nah duidung leune ga kepui teikebamdung, nah nruine pe hesiu kepung ketsamtsam leune ci kenzwabe damgai. Tinggwang cide ngau pe suilu. 22 Tinggwang penui de samlam beu, eh ranggai, "Hing nah kieepetlu, nah jaaididung ga duidung puilu. Peu nruinedung kideu ga kieepetlu." 23 Tinghegi canggwangdi nah tingcang gwanglu, cide lang pemengeibe.

24 Pecai Tinggwang rangdi, "Peu kideube de ring kela makaune ketsamtsam hingpet lu, ket ket kecu pa kenzwabe riep gade, kauruine, bwakela kaudung, nah kideu ga renaam kaunedung ket ket kecu pa kenzwabe riep gade." Cide cinzwa lu.