Jeremias 18

Liketeibe ki ga

1 RAMPAUBE dade Jeremiah da sam gwang eh rang, 2 "Cuhlu delwe li keteibe ki ga mielo, kedanemene Ih ncu peu cikade a sam kingnei zie," debeu. 3 Cine Ih li keteibe kiga mie nah ainie! Li keteibe kemruita teu matah teibam. 4 Dede pa lidei gade li tei kebam de li keteibe ba gade siadi, cine pa cide lidei tei dailu delwe li kedage tei dailu, nah pa li cide teipwa mania pe miakngau gade keyi ge teilu.

5 Pecai RAMPAUBE sam a da gwang eh rang, 6 "Ih nnui Israelme dage aipau li keteibe de nzwa teigai lakni?—aide RAMPAUBE ne ndugai. Ainie! Li keteibe ba ga lidei kebam nzwa eh, nnui Israelme a ba ga bam.✝18:6 Rom. 9:21