Mirandu ya shaka 20

15 Yahazieli kalonga, "Gumpikaniri mfalumi Yehoshafati na wantu wa Yuda na wenikaya wa Yerusalemu! Mtuwa Mlungu kawagambira hangu, namtira pota kushashatika toziya ya lishonta ali likulu. Nkondu ayi yenundiri ila ya Mtuwa Mlungu. 16 Shirawu mseleri mgendi mwakawakomangi walii yawakwena kupitira lulalanda lwa Sisi. Hamuwawoni uperelu wa lulalanda, pakwegera na shiwala sha Yerueli. 17 Mwenga mfiluwandiri kulikomanga nkondu ayi. Mwenga mgoloki hera shakapanu muheperi na hamwoni ntambu Mtuwa Mlungu hakawalopoli. Mwenga wantu wa Yuda na Yerusalemu namtira pota kuuya kumbeli. Mgendi mwakalikomangi nkondu shirawu na Mtuwa Mlungu hakaweri pamuhera na mwenga!"