1 ಮಾನಾ ಸರ್ವೆಸ್ಪರಾಚ್ಯಾ ಆತ್ಮ್ಯಾನ್ ಮಾಕಾ ಉಕ್ಲುನ್ ದೆವಾಚ್ಯಾ ಗುಡಿಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಹೊತ್ತ್ಯಾ ದಾರಾಕ್ಡೆ ಘೆವ್ನ್ ಜಾವ್ನ್ ಇಬೆ ಕರ್ಲ್ಯಾನ್, ಥೈ ಪಂಚಿಸ್ ಲೊಕಾ ಹೊತ್ತಿ, ತ್ಯಾತುರ್ ಇಜ್ರಾಯೆಲಾಚಿ ದೊನ್ ಮುಖಂಡಾ ಅಜ್ಜುರಾಚೊ ಲೆಕ್ ಝಾಜಾನಿಯಾ ಅನಿ ಬೆನಾಮಿಯಾಚೊ ಲೆಕ್ ಪೆಲಾತಿಯಾ ಹೊತ್ತೆ ಮಿಯಾ ಬಗಟ್ಲೊ.

2 ತನ್ನಾ ಸರ್ವೆಸ್ಪರಾನ್ ಮಾಕಾ ಸಾಂಗ್ಲ್ಯಾನ್, "ನರ್ ಮಾನ್ಸಾ, ಹೆನಿ ಶಾರ್‍ಹಾತ್ನಿ ಬುರ್ಶಿ ಯೌಜನ್ ಕರುನ್ ಲೊಕಾಕ್ನಿ ಬುರ್ಶಿ ಸಲಹಾ ದಿತಲಿ ಲೊಕಾ ಹಿಚ್". 3 ತೆನಿ ಸಾಂಗ್ತಾತ್, ತೆನಿ ಘರ್ ಭಾಂದ್ತಲೊ ಎಳ್ ಅಜುನ್ ಯೆವ್ಕನಾ, ಹೆ ಶಾರ್ ಎಕ್ ಟೊಪ್, ಅನಿ ಅಮಿ ತ್ಯಾತುರ್‍ಲೆ ಮಾಸ್ ಮನುನ್ ಸಾಂಗ್ತಾತ್. 4 ತಸಿ ಹೊವ್ನ್, ನರ್ ಮಾನ್ಸಾ, ತಿಯಾ ತೆಂಚ್ಯಾ ವಿರೊಧ್ ಪರ್ವಾದ್ ಕರ್, ಯೆ ನರ್ ಮಾನ್ಸಾ. 5 ತನ್ನಾ ಸರ್ವೆಸ್ಪರಾಚೊ ಆತ್ಮೊ ಮಾಜ್ಯಾತ್ ಯೆಲೊ, ಅನಿ ಮಾಕಾ ಸಾಂಗ್ಲ್ಯಾನ್, ಸರ್ವೆಸ್ಪರ್ ದೆವ್ ಅಸೆ ಮನ್ತಾ ಇಜ್ರಾಯೆಲಾಚ್ಯಾ ಪಿಳ್ಗಿಚ್ಯಾನು ತುಮಿ ಕಾಯ್ ಬೊಲುಲ್ಯಾಸಿ, ಸಮಾ ತುಮ್ಚ್ಯಾ ಮನಾತ್ನಿ ಹಾಸಲ್ಲಿ ಯೌಜನ್ ಗೊತ್ತುಚ್ ಹಾಯ್ ಮನುನ್ ಸಾಂಗ್ ಮಟ್ಲ್ಯಾನ್. 6 ತುಮಿ ಹ್ಯಾ ಶಾರ್‍ಹಾತ್ನಿ ಲೈ ಲೊಕಾಕ್ನಿ ಜಿವಾನಿ ಮಾರಿ ಸಾರ್ಕೆ ಕರುನ್ ಸಗ್ಳಿ ವೊನಿಯಾ ಮ್ಹಡ್ಯಾನಿ ಭರಿ ಸಾರ್ಕೆ ಕರ್ಲ್ಯಾಸಿ.

7 ತಸಿ ಹೊವ್ನ್ ಸರ್ವೆಸ್ಪರ್ ದೆವ್ ಅಸಿ ಮನ್ತಾ, ತುಮ್ಚ್ಯಾ ಚುಕೆನ್ ಶಾರ್‍ಹಾತ್ ಪಡಲ್ಲಿ ಮ್ಹಡಿಯಾ, ತಿಚ್ ಟೊಪಾತ್ಲೆ ಮಾಸ್ ಅನಿ ಹೆ ಶಾರುಚ್ ಟೊಪ್, ಮಿಯಾ ತುಮ್ಕಾತರ್ ಥೈತ್ನಾ ಕಾಡುನ್ ಟಾಕ್ತಾ. 8 ತಲ್ವಾರಾಕ್ ಭಿಂವನ್ತ್ಯಾಸಿ ಕಾಯ್ ಕಾಯ್? ತುಮ್ಕಾ ತಲ್ವಾರಾನುಚ್ ಮಾರ್ತಾ. ಹಿ ಸರ್ವೆಸ್ಪರ್ ದೆವಾಚಿ ಗೊಸ್ಟ್. 9 ಮಿಯಾ ತುಮ್ಕಾ ಹ್ಯಾ ಶಾರ್‍ಹಾತ್ನಾ ಭಾಯ್ರ್ ಕಾಡುನ್ ದುಸ್ರ್ಯಾಚ್ಯಾ ಹಾತಿತ್ ದಿವ್ನ್, ಶಿಕ್ಷ್ಯಾ ದಿತಾ. 10 ಅನಿ ತುಮಿ ತುಮ್ಚ್ಯಾ ತಲ್ವಾರಿಕ್ ಗಾವ್ತ್ಯಾಸಿ, ಹೆಚ್ಯಾ ವಯ್ನಾ ಇಜ್ರಾಯೆಲಾಂಚ್ಯಾ ಹದ್ದಿಚ್ಯಾ ಭುತ್ತುರುಚ್ ಮಿಯಾ ತುಮ್ಕಾ ಶಿಕ್ಷ್ಯಾ ದಿತಾ. ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ಕಳ್ತಾ. 11 ಹೊ ಶಾರ್ ತುಮ್ಕಾ ಟೊಪ್ ಹೊವ್ನ್ ರ್‍ಹಾಯ್ನಾ, ಅನಿ ತುಮಿ ತ್ಯಾತುರ್‍ಲೆ ಮಾಸ್ಬಿ ಹೊಯ್ನ್ಯಾಸಿ, ಖರೆ ಇಜ್ರಾಯೆಲಾಚ್ಯಾ ಹದ್ದಿರುಚ್ ಭುತ್ತುರುಚ್ ತುಮ್ಕಾ ಶಿಕ್ಷ್ಯಾ ದಿತಾ. 12 ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತುಮ್ಕಾ ಕಳ್ತಾ, ಕಶ್ಯಾಕ್ ಮಟ್ಲ್ಯಾರ್ ತುಮಿ ಮಾಜಿ ನೆಮ್ ಪಾಳಿ ನಸ್ತಾನಾ, ತುಮ್ಚ್ಯಾಭೊತ್ಯಾನಿ ಹೊತ್ತ್ಯಾ ದೆಶಾಂಚಿ ಕರ್ನಿಯಾ ಪಾಳಲ್ಲ್ಯಾ ವಯ್ನಾ ತುಮ್ಕಾ ಹೆ ಸಗ್ಳೆ ಹೊತಾ. 13 ಮಿಯಾ ಹೆ ಬೊಲ್ನೆ ಬೊಲುನ್ಗೆತ್ ರ್‍ಹಾತಾನಾಚ್, ಬೆನಾಮಿಯಾಚೊ ಲೆಕ್ ಪೆಲಿಯಾತ್ ಮರ್ಲೊ, ತನ್ನಾ ಮಿಯಾ ಡಬ್ಬ್ ಪಡುನ್ ಜೊರಾನ್ ಅಯ್ಯೊ ಸರ್ವೆಸ್ಪರ್ ದೆವಾ, ಇಜ್ರಾಯೆಲಾತ್ ಹುರಲ್ಯಾ ಸಗ್ಳ್ಯಾಕ್ನಿ ಸತ್ತ್ಯಾ ನಾಸ್ ಕರ್ತೆ ಕಾಯ್? ಮನುನ್ ಬೊಬ್ ಮಾರ್ಲೊ.

14 ತನ್ನಾ ಸರ್ವೆಸ್ಪರ್ ದೆವಾನ್ ಮಾಜ್ಯಾಕ್ನಾ ಬೊಲುನ್, 15 ನರ್ ಮಾನ್ಸಾ, ತುಜಿ ಭಾವಾ, ಸಯ್ರೆ, ಜೆರುಜಲೆಮಾಚೆ ಪಿಳ್ಗಿತ್ ಹುರಲ್ಲೆ ಸರ್ವೆಸ್ಪರ್ ದೆವಾಕ್ನಾ ದುರ್ ಜಾವ್ನ್, ಹೊ ದೆಶ್ ಅಮ್ಕಾ ಸ್ವತಾಚೆ ಹೊವ್ನ್ ಗಾವ್ಲಾ ಮನುನ್ ಚಾಳ್ವುಲ್ಯಾಸಿ ಕಾಯ್.

16 ಅತ್ತಾ ಮಿಯಾ ತುಕಾ ಸಾಂಗ್ತಾತೆ ತುಜಾಕ್ನಾ ಬಂಧಿತ್ ಹೊತ್ತ್ಯಾಕ್ನಿ ಸಾಂಗ್, ಮಿಯಾಚ್ ತೆಂಕಾ ತೆಂಚ್ಯಾ ದೆಸಾತ್ನಾ ಧುರ್ ಕರುನ್ ದುಸ್ರ್ಯಾ ದೆಸಾತ್ನಿ ಥವ್ಲಾ, ಖರೆ ಆಜುನ್ಬಿ ಉಲ್ಲ್ಯಾ ಯೆಳಾಕ್ ಸಾಟ್ನಿ, ಮಿಯಾ ತೆನಿ ಜಾವ್ನ್ ಹೊತ್ತ್ಯಾಕ್ಡೆ ತೆಂಚೆಕ್ನಾ ಹಾವ್. 17 ದೆವ್ ಅಸಿ ಸಾಂಗ್ತಾ, ತೆಂಕಾ ಲೊಕಾತ್ನಿ ಮಿಳ್ವುತಾ, ಪಗ್ಳುನ್ ಗೆಲ್ಲ್ಯಾ ದೆಶಾನಿತ್ನಾ ತೆಂಕಾ ಬಲ್ವುನ್, ಇಜ್ರಾಯೆಲ್ ದೆಶ್ ತೆಂಕಾ ದಿತಾ ಮನ್ತಾ. 18 ತೆನಿ ಯೆಲ್ಲೆ ತನ್ನಾ, ಥೈತ್ಲಿ ಸಗ್ಳಿ ಬುರ್ಶಿ ಸಾಮಾನಾ ಅನಿ ಸಗ್ಳಿ ಬುರ್ಶಿ ಮುರ್ತಿಯಾ ಕಾಡುನ್ ಟಾಕ್ತ್ಯಾತ್. 19 ಮಿಯಾ ತೆಂಕಾ ಸಗ್ಳ್ಯಾಕ್ನಿ ಎಕ್ ಮನ್ ಅನಿ ನ್ಹವೊ ಆತ್ಮೊ ಭುತ್ತುರ್ ಘಾಲ್ತಾ, ಮಿಯಾ ತೆಂಚ್ಯಾತ್ನಾ ಗುಂಡ್ಯಾ ಸಾರ್ಕೆ ಘಟ್ಲೊ ಕಾಳಿಂಜ್ ಕಾಡುನ್, ಮಾಸಾ ಸಾರ್ಕೆ ಮವ್ಲಿ ಕಾಳಿಂಜ್ ದಿತಾ. 20 ತನ್ನಾ ತೆನಿ ಮಾಜಿ ನೆಮಾ ಪಾಳುನ್, ಮಾಜಿ ಹುಕುಮಾ ಚುಕಿ ನಸ್ತಾನಾ ಪಾಳ್ತಾತ್, ಅನಿ ತೆನಿ ಮಾಜಿ ಲೊಕಾ ಅನಿ ಮಿಯಾ ತೆಂಚೊ ದೆವ್ ಹೊವ್ನ್ ರ್‍ಹಾತಾ. 21 ಖರೆ ಕೊನಾಚೊ ಮನ್ ತೆಂಚ್ಯಾ ಬುರ್ಸ್ಯಾ ಸಾಮಾನಾಚ್ಯಾ ಸಾಟ್ನಿ, ಬುರ್ಸ್ಯಾ ಮುರ್ತಿಯಾಂಚಿ ಪುಜಾ ಕರ್‍ತಾತ್, ತೆಂಚಿ ಬುರ್ಶಿ ಚಾಲ್ ತೆಂಚ್ಯಾ ಟಕ್ಲ್ಯಾಕ್ ಭಾಂದ್ತಾ. ಹಿ ಸರ್ವೆಸ್ಪರ್ ದೆವಾಚಿ ಗೊಸ್ಟ್.

22 ಮಾನಾ ಚಕ್ರಾಚ್ಯಾ ಭಾಜುಕ್ ಕೆರುಬಿಯಾಂಚೆ ಫಾಕುಟೆ ಪಗಳ್ಳೆ. ಇಜ್ರಾಯೆಲ್ ದೆವಾಚ್ಯಾ ಮಹಿಮಾ ತೆಂಚ್ಯಾ ವರ್‍ತಿ ಇಬೆ ರ್‍ಹಾಲೆ. 23 ತನ್ನಾ ಸರ್ವೆಸ್ಪರಾಚೊ ಮಹಿಮಾ ಶಾರಾಚ್ಯಾ ಮದ್ನಾ ಚಡುನ್ ಶಾರಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಹೊತ್ತ್ಯಾ ಮಡ್ಡಿರ್ ಜಾವ್ನ್ ಇಬೆ ರಾಲಿ. 24 ತನ್ನಾ ದೆವಾಚ್ಯಾ ಆತ್ಮ್ಯಾನ್ ಮಾಕಾ ಉಕ್ಲುನ್ ಕಸ್ದಿಯಾಚ್ಯಾ ದೆಸಾತ್ ಬಂಧಿತ್ ಹೊತ್ತ್ಯಾ ಲೊಕಾಂಕ್ಡೆ ಜಗ್ಗೊಳ್ ಬಲ್ವುನ್ ಹಾನ್ಲ್ಯಾನ್. ತನ್ನಾ ಮಾಕಾ ಹೊಲ್ಲಿ ದಿವ್ಯ್ ದರ್ಶನಾ ಮಾಯಾ ಹೊವ್ನ್ ಗೆಲಿ. 25 ಸರ್ವೆಸ್ಪರ್ ದೆವಾನ್ ದಾಕ್ವಲ್ಲಿ ಸಗ್ಳಿ ಸಂಗ್ತಿಯಾ ಮಿಯಾ ಬಂಧಿತ್ ಹೊತ್ತ್ಯಾಕ್ನಿ ಲಗ್ಗುನಾ ಸಾಂಗ್ಲೊ.