Ezequiel 2

1 ತೆನಿ ಮಾಕಾ ಸಾಂಗಟಲ್ಲೆ ಕಾಯ್ ಮಟ್ಲ್ಯಾರ್; "ನರ್ ಮಾನ್ಸಾ, ತಿಯಾ ಉಟುನ್ ಇಬೆ ರಾ; ಮಿಯಾ ತುಜ್ಯಾ ವಾಂಗ್ಡಾ ಬೊಲ್ತಾ". 2 ತೆನಿ ಹಿ ಬೊಲ್ನೆ ಸಾಂಗ್ತಾನಾ, ಮಾಜ್ಯಾ ಭುತ್ತುರ್ ದೆವಾಚೊ ಆತ್ಮೊ ಗುಸುನ್, ಮಿಯಾ ಉಟುನ್ ಇಬೆ ರಾಯ್ ಸಾರ್ಕೆ ಕರ್ಲ್ಯಾನ್, ತನ್ನಾ ಮಾಜ್ಯಾ ವಾಂಗ್ಡಾ ಬೊಲಲ್ಯಾಚಿ ಬೊಲ್ನೆ ಆಯಿಕ್ಲೊ. 3 ತೆನಿ ಮಾಕಾ ಅಸೆ ಸಾಂಗ್ಲ್ಯಾನ್, "ನರ್ ಮಾನ್ಸಾ, ಮಾಕಾ ವಿರೊಧ್ ಹೊವ್ನ್ ಉಟುನ್ ಮಾಕಾ ವಿರೊಧ್ ಕರಲ್ಯಾ ಇಜ್ರಾಯೆಲಾಂಚ್ಯಾ ಜಗ್ಗೊಳ್ ಮಿಯಾ ತುಕಾ ದಾಡ್ತಾ". ಅಜುನ್ಬಿ ತೆನಿ ಅನಿ ತೆಂಚಿ ಪುರ್ವಜಾ ಮಾಕಾ ವಿರೊಧ್ ಹೊವ್ನ್ ಧಂಗೊ ಉಟ್ತಲಿ ಲೊಕಾ ಹೊವ್ನ್ ಹಾತ್, 4 ಮಿಯಾ ತುಕಾ ಖಲ್ಯಾ ಪಿಳ್ಗಿಚ್ಯಾಕ್ಡೆ ಧಾಡ್ತಾ, ತ್ಯಾ ಪಿಳ್ಗಿಚಿ ಲೊಕಾ ಹಟಿ ಅನಿ ಮರ್ಯಾದ್ಗೆಡಿ ಹೊವ್ನ್ ಹಾತ್; ತಿಯಾ ತೆಂಕಾ ಸಾಂಗ್ ಸರ್ವೆಸ್ಪರ್ ದೆವ್ ಅಸೊ ಮನ್ತಾ, 5 "ತೆನಿ ಧಂಗೊಕಾರಾ, ಆಯ್ಕುಂದಿತ್ ನಾ ಆಯ್ಕಿ ನಸ್ತಾನಾ ರಾಂವ್ದಿತ್. ಕಶ್ಯಾಕ್ ಮಟ್ಲ್ಯಾರ್, ತೆನಿ ವಿರೊಧ್ ಕರ್‍ತಲ್ಯಾ ಪಿಳ್ಗಿಚಿ ಲೊಕಾ, ಖರೆ ಎಕ್ ಪರ್ವಾದಿ ಅಪ್ನಾಚ್ಯಾ ಮದ್ದಿ ಹಾಯ್ ಮನುನ್ ತೆನಿ ಕಳ್ವುನ್ ಘೆತಾತ್".

6 ನರ್ ಮಾನ್ಸಾ, ತಿಯಾ ಕಾಟ್ಯಾಂಚ್ಯಾ ಝಿಳಿಯಾತ್ನಿ ಗಾವ್ನ್ ಪಡುನ್, ಇಂಚುವಾಂಚ್ಯಾ ಮದ್ದಿ ವಸ್ತಿ ರಾಯ್ ಸಾರ್ಕೆ ತೆಂಚ್ಯಾ ಮದ್ದಿ ರಾಲ್ಯಾರ್ಬಿ ತೆಕಾ ಭಿಂವ್ ನಕ್ಕೊ, ತೆನಿ ಧಂಗೊ ಕರ್‍ತಲ್ಯಾ ಪಿಳ್ಗಿಚೆ, ತೆಂಚ್ಯಾ ಭಿರುಸ್ ಬೊಲ್ನ್ಯಾಕ್ನಿ ಭಿಂವ್ ನಕ್ಕೊ ತೆಂಚ್ಯಾ ಡೊಳೆಕಾಡ್ನ್ಯಾಕ್ ಭಿಂವ್ ನಕ್ಕೊ. 7 ತೆನಿ ಆಯ್ಕಲ್ಯಾರ್ಬಿ ಆಯ್ಕಿ ನಸ್ತಾನಾ ಗೆಲ್ಯಾರ್ಬಿ ತಿಯಾ ಮಾಜೆ ಬೊಲ್ನೆ ತೆಂಕಾ ಸಾಂಗುಚೆ, ತೆನಿ ಖರೆಬಿ ಧಂಗೊ ಕಾರಾಚ್.

8 "ಖರೆ ನರ್ ಮಾನ್ಸಾ, ಮಿಯಾ ಸಾಂಗ್ತಲಿ ಬೊಲ್ನೆ ಆಯ್ಕ್; ಮಾನ್ ದಿವ್ನ್ ಚಲಿ ನಸಲ್ಲ್ಯಾ ಪಿಳ್ಗಿಚ್ಯಾ ಸಾರ್ಕೆ ತಿಯಾ ಮಾನ್ ನಸ್ತಾನಾ ರಾವ್ ನಕ್ಕೊ; ತುಜೆ ತೊಂಡ್ ಉಗಡ್ ಅನಿ ಮಿಯಾ ದಿತಲೆ ಖಾ" ಮಟ್ಲ್ಯಾನ್. 9 ಅಸೆ, ಮಿಯಾ ಬಗಿತ್ ರ್‍ಹಾತಾನಾ ಎಕ್ ಹಾತ್ ಮಾಜ್ಯಾಕ್ಡೆ ಫಿಡ್ಯಾತ್ ಯೆತಲೊ ಬಗಟ್ಲೊ, ಅನಿ ತ್ಯಾತುರ್ ಎಕ್ ಪುಸ್ತಕಾಚಿ ಸುರ್ಳಿ ಹೊತ್ತಿ, 10 ತೆನಿ ಮಾಜ್ಯಾ ಇದ್ರಾಕುಚ್ ಸುರ್ಳಿ ತಿ ಉಗಡ್ಲ್ಯಾನ್, ತ್ಯಾತುರ್ ದೊನ್ ಭಾಜುನ್ಬಿ ರೊದಾನ್, ಇಪ್ಳಾಪ್, ದುಕ್ಕಾಚಿ ಬೊಬ್, ನರ್ಳಾಪ್, ಮನುನ್ ಹೆ ತ್ಯಾತುರ್ ಲಿವಲ್ಲೆ ಹೊತ್ತೆ.