Ezequiel 3

1 ತೆನಿ ಮಾಕಾ ಮಟ್ಲ್ಯಾನ್; "ನರ್ ಮಾನ್ಸಾ, ತುಕಾ ಗಾವಲ್ಲೆ ತಿ ಸುರ್ಳಿ ಕಳ್ವುನ್ ಘೆ; ತಿಯಾ ಜಾವ್ನ್ ತ್ಯಾತುರ್ ಹೊತ್ತಿ ಸಂಗ್ತಿಯಾ ಸಗ್ಳಿ ಇಜ್ರಾಯೆಲ್ ಪಿಳ್ಗಿಚ್ಯಾಕ್ನಿ ಸಾಂಗ್".

2 ತನ್ನಾ ಮಿಯಾ ತೊಂಡ್ ಉಗಡಲ್ಲೊ, ತೆನಿ ತಿ ಸುರ್ಳಿ ಖಾವಸ್ಲ್ಯಾನ್. 3 ತನ್ನಾ ತೆನಿ ಮಟ್ಲ್ಯಾನ್; ನರ್ ಮಾನ್ಸಾ, ಮಿಯಾ ತುಕಾ ದಿಲ್ಲಿ ಹಿ ಸುರ್ಳಿ ಖಾವ್ನ್ ಪೊಟ್ ಭರುನ್ ಘೆ, ಮನ್ತಾನಾ ತಿ ಸುಳಿ ಮಿಯಾ ಖಾಲೊ. ತೆಚಿ ರುಚ್ ಮ್ಹಾವಾಚ್ಯಾ ಸಾರ್ಕೆ ಗೊಡ್ ಹೊತ್ತೆ.

4 ಮಾನಾಸರ್ ತೆನಿ ಮಾಕಾ ಅಸಿ ಸಾಂಗಟ್ಲ್ಯಾನ್, "ನರ್ ಮಾನ್ಸಾ, ತಿಯಾ ಇಜ್ರಾಯೆಲ್ ಪಿಳ್ಗಿಚ್ಯಾ ಲೊಕಾಚ್ಯಾಕ್ಡೆ ಜಾವ್ನ್ ಮಿಯಾ ಸಾಂಗಟಲ್ಲಿ ಬೊಲ್ನೆ ತೆಂಕಾ ಸಾಂಗ್". 5 ಕಶ್ಯಾಕ್ ಮಟ್ಲ್ಯಾರ್, ಮಿಯಾ ತುಕಾ ಇಜ್ರಾಯೆಲ್ ಪಿಳ್ಗಿಚ್ಯಾ ಲೊಕಾಂಚ್ಯಾಕ್ಡೆ ಧಾಡ್ತಾ, ಖರೆ, ತರಾಸ್ ಹೊತ್ತ್ಯಾ ದುಸ್ರ್ಯಾ ಭಾಶ್ಯಾಕ್ಡೆ ತುಕಾ ಧಾಡಿನಾ. 6 ತುಕಾ ಕಳಿನಸಲ್ಯಾ ತರಾಸ್ ಹೊತ್ತ್ಯಾ ದುಸ್ರ್ಯಾ ಭಾಶ್ಯಾ ಬೊಲ್ತಲ್ಯಾಂಚ್ಯಾಕ್ಡೆ ಅನಿ ದುಸ್ರ್ಯಾ ಲೊಕಾಂಚ್ಯಾಕ್ಡೆ ತುಕಾ ಧಾಡುನ್ ದಿನಾ, ಅಸ್ಲ್ಯಾ ಲೊಕಾಂಚ್ಯಾಕ್ಡೆ ತುಕಾ ಧಾಡಲ್ಲೆ ರಾಲ್ಯಾರ್ ತೆನಿ ಖರೆಚ್ ತುಜೆ ಬೊಲ್ನೆ ಆಯ್ಕಿ ಹೊತ್ತ್ಯಾನಿ. 7 ಖರೆ ಇಜ್ರಾಯೆಲಾಚ್ಯಾ ಪಿಳ್ಗಿತ್ ತುಕಾ ಆಯ್ಕುಕ್ ತಯಾರ್ ನಾತ್; ಕಶ್ಯಾಕ್ ಮಟ್ಲ್ಯಾರ್ ತೆನಿ ಮಾಕಾ ಆಯ್ಕುಕ್ ತಯಾರ್ ನಾತ್; ಕಶ್ಯಾಕ್ ಮಟ್ಲ್ಯಾರ್ ತೆನಿ ಹಟಿ ಮನಾಚೆ, ಅನಿ ಮರ್ಯಾದ್ ನತ್ತೆ ಹೊವ್ನ್ ಹಾತ್. 8 ಅಬಕ್, ತೆಂಚ್ಯಾ ತೊಂಡಾಕ್ ಲಾಗುನ್ ತುಜೆ ತೊಂಡ್ಬಿ ಕರ್ಲಾ; ಅನಿ ತೆಂಚ್ಯಾ ಕಪ್ಳಾಕ್ ಲಾಗುನ್ ತುಜೆ ಕಪಾಳ್ಬಿ ಘಟ್ ಕರುನ್ ಥವ್ಲಾ. 9 ಅನಿ ತುಜೆ ಮನ್ ಘಟ್ಲ್ಯಾ ಗುಂಡ್ಯಾಕಿಂತಾ ವಜ್ರಾಚ್ಯಾ ಸಾರ್ಕೆ ಘಟ್ ಕರುನ್ ಥವ್ಲಾ; ತೆಂಕಾ ಭ್ಹಿಯಾತಲೆ ನಾ, ತೆಂಚ್ಯಾ ಡೊಳೆ ಕಾಡ್ನ್ಯಾಕ್ ಘಾಬ್ರುನುಕ್ಕೊ, ಕಶ್ಯಾಕ್ ಮಟ್ಲ್ಯಾರ್ ತೆನಿ ಧಂಗೊ ಕರ್‍ತಲ್ಯಾ ಪಿಳ್ಗಿಚೆ.

10 ತನ್ನಾ ತೆನಿ ಮಾಕಾ; ನರ್ ಮಾನ್ಸಾ, ಮಿಯಾ ತುಕಾ ಸಾಂಗಲ್ಲಿ ಗೊಸ್ಟಿಯಾ ತಿಯಾ ಕಾನಾನಿ ಆಯ್ಕುನ್, ಮನಾತ್ ಥವ್ನ್ ಘೆ. 11 ಅನಿ ಬಂಧಿ ಹೊವ್ನ್ ಹೊತ್ತ್ಯಾ ತುಜ್ಯಾ ಸ್ವತ್ಯಾಚ್ಯಾ ಲೊಕಾಂಚ್ಯಾಕ್ಡೆ ಜಾ, ತೆನಿ ಆಯ್ಕುಂದಿತ್ ನಾತರ್ ಆಯ್ಕಿನಸ್ತಾನಾ ಜಾವುಂದಿತ್, ತೆಂಕಾ ಸರ್ವೆಸ್ಪರ್ ದೆವಾನ್ ಅಸೆ ಸಾಂಗಟ್ಲಾ ಮನುನ್ ಸಾಂಗ್ ಮಟ್ಲ್ಯಾನ್.

12 ಮಾನಾ ದೆವಾಚ್ಯಾ ಆತ್ಮ್ಯಾನ್ ಮಾಕಾ ವರ್‍ತಿ ಉಕ್ಲುನ್ ಘೆವ್ನ್ ಗೆಲ್ಲ್ಯಾ ತನ್ನಾ, ಮಹಿಮಾನ್ ಭರಲ್ಯಾ ದೆವಾಕ್ ತೆಜ್ಯಾ ವಸ್ತಿ ರ್‍ಹಾತಲ್ಯಾ ಜಾಗ್ಯಾತ್ ಸ್ತುತಿ ಹೊಂವ್ದಿತ್, ಮನ್ತಲಿ ಮೊಟ್ಟ್ಯಾ ಧನಾಚಿ ಘಜ್ನಿ ಮಾಜ್ಯಾ ಫಾಟ್ನಾ ಆಯ್ಕೊ ಯೊಲೊ. 13 ಅನಿ ತ್ಯಾ ಜಿವ್ದಾನಾಂಚೆ ರಕುಟೆ ಎಕಾಕ್ ಎಕ್ ಅದಳ್ತಲೊ ಆವಾಜ್, ಅನಿ ತೆಂಚ್ಯಾ ಆಜು ಭಾಜುಕ್ ಗರ ಗರಾನ್ ಫಿರ್ತಲೊ ಚಕ್ರಾಂಚೊ ಅವಾಜ್ ಭುಕಂಪಾ ಸಾರ್ಕೊ ಮೊಟೊ ಅವಾಜ್ ಮಾಕಾ ಆಯ್ಕೊ ಯೆಲೊ. 14 ತನ್ನಾ ದೆವಾಚ್ಯಾ ಆತ್ಮ್ಯಾನ್ ಮಾಕಾ ವರ್‍ತಿ ಉಕ್ಲುನ್ ದುರ್ ಘೆವ್ನ್ ಗೆಲ್ಯಾನ್. ಮಿಯಾ ಚಿಂತಾ ಕರುನ್ ಘೆವ್ನ್ ದುಕ್ಕೆನ್ ಗೆಲೊ, ಖರೆ ಸರ್ವೆಸ್ಪರಾಚೊ ತಾಕ್ತಿಚೊ ಹಾತ್ ಮಾಜ್ಯಾ ವರ್‍ತಿ ಹೊತ್ತೊ. 15 ಮಾನಾ ಬಂಧಿಕರುನ್ ಘೆವ್ನ್ ಗೆಲ್ಲ್ಯಾ ಕೆಬಾರ್ ನ್ಹಯ್ಚ್ಯಾ ಜಗ್ಗೊಳ್ ಹೊತ್ತ್ಯಾ ತೆಲ್ ಅಬಿಬಾತಾತ್ ವಸ್ತಿ ಹೊತ್ಯಾಂಚ್ಯಾಕ್ಡೆ ಜಾವ್ನ್ ತೆನಿ ಬಸಲ್ಲ್ಯಾ ಜಾಗ್ಯಾರ್ ಹಾಲಿ ನಸ್ತಾನಾ ಬಸುನ್ ಘೆಟ್ಲೊ; ಮಾನಾ ಸತ್ತ್ ದಿಸಾ ಸಗೊಳ್ ತೆಂಚ್ಯಾ ಮದ್ದಿ ಮಿಯಾ ರಾಲೊ.

ದೆವಾನ್ ಎಜ್ಕೆಲಾಕ್ ರಾಕ್ವನ್ ಕಾರ್ ಕರುನ್ ನೆಮಲ್ಲೆ

16 ಸಾತ್ ದಿಸಾ ಹೊಲ್ಲ್ಯಾ ಮಾನಾ ಸರ್ವೆಸ್ಪರಾನ್ ಮಾಕಾ ಹಿ ಗೊಸ್ಟ್ ಸಾಂಗಲ್ಯಾನ್, 17 "ನರ್ ಮಾನ್ಸಾ, ಮಿಯಾ ತುಕಾ ಇಜ್ರಾಯೆಲ್ ಪಿಳ್ಗಿಂಚ್ಯಾ ವರ್‍ತಿ ರಾಕನ್ದಾರ್ ಹೊವ್ನ್ ನೆಮಸ್ಲಾ. ಅಸಿ ರ್‍ಹಾತಾನಾ ಮಾಜ್ಯಾ ತೊಂಡಾನ್ ಯೆತಲಿ ಗೊಸ್ಟಿಯಾ ಆಯ್ಕುನ್ ಮಾಜ್ಯಾಕ್ನಾ ತೆಂಕಾ ಹುರ್ಶಾಕಿ ದಿ". 18 ಮಿಯಾ ಬುರ್ಸ್ಯಾ ಮಾನ್ಸಾಕ್ "ತಿಯಾ ಖರೆಚ್ ಮರುನುಚ್ ಜಾತಯ್" ಮನುನ್ ಸಾಂಗ್ತಾನಾ, ತಿಯಾ ತೆಕಾ ಹುರ್ಶಾಕಿ ದಿಸ್ತಾನಾ, ತೊ ಕರ್ತಲಿ ಬುರ್ಶಿ ಕಾಮಾ ಸೊಡುನ್ ಅಪ್ನಾಚೊ ಜಿವ್ ಹುರ್ವುನ್ ಘೆವ್ಚೆ ಮನುನ್ ತಿಯಾ ತೆಕಾ ಬುದ್ದ್ ಸಾಂಗಿ ನಸ್ತಾನಾ ರಾಲ್ಯಾರ್, ತೊ ದುಸ್ಟ್ ಅಪ್ನಾಚ್ಯಾ ಚುಕೆಚ್ಯಾ ವಯ್ನಾ ಮರುಕುಚ್ ಪಾಜೆ; ತೆಚ್ಯಾ ಮರ್ನಾಕ್ ತಿಯಾಚ್ ಕಾರನ್ ಹೊತೆಯ್. 19 ತಿಯಾ ತ್ಯಾ ಬುರ್ಸ್ಯಾ ಮಾನ್ಸಾಕ್ ಹುರ್ಶಾಕಿ ದಿವ್ನ್ ಬಿ ತೊ ಮಾನುಸ್ ಅಪ್ನಾಚಿ ಬುರ್ಶಿ ಕಾಮಾ ಸೊಡಿ ನಸ್ತಾನಾ ರಾಲ್ಯಾರ್, ತೆಚ್ಯಾ ಬುರ್ಸ್ಯಾ ಕಾಮಾ ವಯ್ನಾ ಮರುನ್ ಜಾತಾ; ಅನಿ ತಿಯಾ ತುಜೊ ಜಿವ್ ಹುರ್ವುನ್ ಘೆತೆಯ್.

20 ಅಸಿ ರ್‍ಹಾತಾನಾ ನಿತಿವಂತ್ ಮಾನುಸ್ ತೆಚೆ ಬರೆ ಪಾನ್ ಸೊಡುನ್ ವಾಯ್ಟ್ ಕರುನ್ ಮಿಯಾ ತೆಕಾ ತರಾಸಾಚೊ ಸಂಕಟ್ ದಿತಾ, ತ್ಯಾ ಅಪಾಯಾತ್ ಅದ್ಳುನ್ ಪಡ್ಲೊ ತರ್ ಮರುನ್ ಜಾತಾ, ಕಶ್ಯಾಕ್ ಮಟ್ಲ್ಯಾರ್, ತಿಯಾ ತೆಕಾ ಹುರ್ಶಾಕಿ ದಿನಸಲ್ಯಾ ಕಾರನಾ ವಯ್ನಾ ತೊ ತೆಚ್ಯಾ ಪಾಪಾಚ್ಯಾ ಸಾಟ್ನಿ ಮರುಚೆ ಪಡ್ಲೆ. ಖರೆ ತೆನಿ ಕರಲ್ಲೆ ಬರಿ ಕಾಮಾ ಸಗ್ಳಿ ತೆಚ್ಯಾ ಮೆಜ್ನಿತ್ ಯೆಯ್ನಾತ್; ಖರೆ ತೆಚ್ಯಾ ಮರ್ನಾಕ್ ತಿಯಾಚ್ ಕಾರನ್ ಹೊತೆಯ್. 21 ತಿಯಾ ಬರ್ಯಾ ಮಾನ್ಸಾಕ್ ಪಾಪ್ ಕರಿನಾ ಸಾರ್ಕೆ ಹುರ್ಶಾಕಿ ದಿಲ್ಲ್ಯಾ ಮಾನಾ ತೊ ಪಾಪ್ ಕರಿನಸ್ತಾನಾ ರ್‍ಹಾವ್ನ್ ತೊ ಮರಿ ನಸ್ತಾನಾ ರ್‍ಹಾತಾ; ಅನಿ ತುಜೊಬಿ ಜಿವ್ ಹುರ್ತಾ.

ಎಜ್ಕೆಲಾಚೆ ತೊಂಡ್ ಬಂದ್ ಹೊತಲೆ

22 ತನ್ನಾ ತ್ಯಾ ಜಾಗ್ಯಾರ್ ಸರ್ವೆಸ್ಪರ್ ದೆವಾಚೊ ಹಾತ್ ಮಾಜ್ಯಾ ವರ್‍ತಿ ಹೊತ್ತೊ, ತೆನಿ ಮಾಕಾ ಸಾಂಗಟ್ಲ್ಯಾನ್ ತಿಯಾ ಉಟುನ್ ಮ್ಹಾಳ್ ಜಾಗ್ಯಾಕ್ ಜಾ, ಅನಿ ಮಿಯಾ ಥೈ ತುಜ್ಯಾಕ್ಡೆ ಬೊಲ್ತಾ ಮಟ್ಲ್ಯಾನ್.

23 ತನ್ನಾ ಮಿಯಾ ಉಟುನ್ ಮ್ಹಾಳ್ ಜಾಗ್ಯಾರ್ ಗೆಲೊ, ಕೆಬಾರ್ ನ್ಹಯ್ಚ್ಯಾ ಜಗ್ಗೊಳ್ ಮಾಕಾ ಮಹಿಮಾಚೊ ಅದ್ಬುತ್ ದರ್ಶನ್ ಹೊಲ್ಲ್ಯಾ ಸಾರ್ಕೆ, ಥೈಬಿ ಸರ್ವೆಸ್ಪರಾಚೊ ಮಹಿಮಾಚೊ ದರ್ಶನ್ ಇದ್ರಾಕ್ ದಿಸ್ಲೊ. ತೆ ಬಗುನ್ ಡಬ್ಬ್ ಪಡ್ಲೊ. 24 ಖರೆ ದೆವಾಚೊ ಆತ್ಮೊ ಮಾಜ್ಯಾ ಭುತ್ತುರ್ ಎವ್ನ್ ಮಿಯಾ ಉಟುನ್ ಇಬೆ ರಾಯ್ ಸಾರ್ಕೆ ಕರ್ಲ್ಯಾನ್, ತನ್ನಾ ತೆನಿ ಮಾಕಾ ಬೊಲುನ್ ಸಾಂಗಟಲ್ಲೆ ಕಾಯ್ ಮಟ್ಲ್ಯಾರ್, ತಿಯಾ ಜಾವ್ನ್ ಘರ್‍ಹಾತ್ ನಿಪ್. 25 ಅನಿ ನರ್ ಮಾನ್ಸಾ, ತುಜಿ ಸ್ವತಾಚಿ ಲೊಕಾ ತುಕಾ ಬಂಧಿಕರುನ್ ಭಾಂದ್ತ್ಯಾತ್ ತನ್ನಾ ಲೊಕಾಂಚ್ಯಾ ಫಿಡ್ಯಾತ್ ಜಾವ್ಕ್ ಹೊಯ್ನಾ, 26 ಅಸಿ ರ್‍ಹಾತಾನಾ ಮಿಯಾ ತುಜಿ ಜಿಬಿಲ್ ಘಟ್ ಹೊವ್ನ್ ಮುಕ್ಕೊ ಹೊಯ್ ಸಾರ್ಕೆ ಕರ್ತಾ; ಕಶ್ಯಾಕ್ ಮಟ್ಲ್ಯಾರ್, ತೆನಿ ಧಂಗೊ ಉಟ್ವುತಲ್ಯಾ ಪಿಳ್ಗಿಚೆ ಲೊಕಾ ಹೊಲ್ಲಿ ಹಾತ್, ತನ್ನಾ ತಿಯಾ ತೆಂಕಾ ಕಾಯ್ಬಿ ಸಾಂಗುಕ್ ಹೊಯ್ನಾ. 27 ಮಿಯಾ ತುಜ್ಯಾಕ್ನಾ ಕನ್ನಾ ಬೊಲ್ತಾ ತನ್ನಾ ಮಿಯಾ ತುಜೆ ತೊಂಡ್ ಉಗಡ್ತಾ; ತನ್ನಾ ತಿಯಾ ತೆಂಕಾ ಸರ್ವೆಸ್ಪರ್ ದೆವ್ ಅಸಿ ಸಾಂಗುಕ್ ಲಾಗ್ಲಾ ಮನುನ್ ಸಾಂಗುಚೆ. ಆಯಿಕ್ತಲೊ ಆಯ್ಕುಂದಿತ್, ನಾತರ್ ಆಯ್ಕಿ ನಸಲ್ಲೊ ಆಯ್ಕಿ ನಸ್ತಾನಾ ಜಾವುಂದಿತ್, ಕಶ್ಯಾಕ್ ಮಟ್ಲ್ಯಾರ್ ತೆನಿ ಪರ್‍ತುನ್ ಪಡ್ತಲ್ಯಾ ಘರಾನಾಚೆ.