Ezequiel 9

ಜರುಜಲೆಮಾಕ್ ಶಿಕ್ಷ್ಯಾ ದಿಲ್ಲೆ

1 ಮಾನಾ ತೆನಿ, ಮಾಕಾ ಆಯ್ಕಿ ಸಾರ್ಕೆ ಮೊಟ್ಯಾನಿ, ಶಾರಾಕ್ ಶಿಕ್ಷ್ಯಾ ದಿವ್ಕ್ ಶಕ್ತ್ ಹೊತ್ತ್ಯಾನೊ, ತುಮಿ ಸಗ್ಳೆ ಜನಾ ಜಿವ್ ಕಾಡುಕ್ ಪಾಜೆ ಹಿಲ್ಲಿ ತಯಾರ್ ಘೆವ್ನ್ ಜಗ್ಗೊಳ್ ಯೆವಾ, ಮನ್ತಲೊ ಆವಾಜ್ ಮಾಜ್ಯಾ ಕಾನಾತ್ ಪಡ್ಲಿ. 2 ಎಗ್ದಮ್ ಭಯಾನಕ್ ಹತಿಯಾರ್ ಧರುನ್ ಘೆವ್ನ್ ಸಾ ಘವ್ಮಾನ್ಸಾ ದಿಸ್ ಉಗ್ವಾತಲ್ಯಾ ದಿಕ್ಕಾಕ್ ತೊಂಡ್ ಕರುನ್ ಹೊತ್ತ್ಯಾ ಪಿಡ್ಲ್ಯಾ ದಾರಾಕ್ ಯೆಲ್ಯಾನಿ; ಅನಿ ಕಿಮ್ತಿಚಿ ಕಪ್ಡೆ ನೆಸಲ್ಲೊ ಎಕ್ ಮಾನುಸ್ ಬರ್ವನ್ಗಿಕ್ ವಾಪರ್ತಲೆ ವಸ್ತ್ ಕಂಬ್ರೆಕ್ ಭಾಂದುನ್ ಘೆವ್ನ್ ತೆಂಚ್ಯಾ ಮದ್ದಿ ಹೊತ್ತೊ, ಹೆನಿ ಸಗ್ಳ್ಯಾನಿ ಭುತ್ತುರ್ ಜಾವ್ನ್ ತಾಂಬ್ಯಾಚ್ಯಾ ಬಲಿ ಭೆಟ್ವುತಲ್ಯಾ ಅಲ್ತಾರಿಕ್ಡೆ ಇಬೆ ಹೊತ್ತ್ಯಾನಿ.

3 ತನ್ನಾಚ್ ಇಜ್ರಾಯೆಲಾಚ್ಯಾ ದೆವಾಚೊ ಉಜ್ವೊಡ್ ಕೆರುಬಿಕ್ ಸೊಡುನ್ ವರ್‍ತಿ ಚಡುನ್ ಗುಡಿಚ್ಯಾ ಹುಂಬ್ಡ್ಯಾಚ್ಯಾ ವರ್‍ತಿ ಇಬೆ ಹೊತ್ತೆ; ತನ್ನಾ ಕಿಮ್ತಿಚಿ ಕಪ್ಡೆ ನೆಸುನ್ ಬರವನ್ಗಿಕಾರಾಚಿ ಬರ್ವನ್ಗಿಕ್ ವಾಪರ್ತಲೆ ವಸ್ತ್ ಕಂಬ್ರೆಕ್ ಭಾಂದುನ್ ಘೆಟಲ್ಲ್ಯಾ ತೆಕಾ ಸರ್ವೆಸ್ಪರಾನ್ ಬಲ್ವುನ್, 4 ತನ್ನಾ ದೆವಾನ್ ತೆಕಾ ಸಾಂಗ್ಲ್ಯಾನ್, "ತಿಯಾ ಜರುಜಲೆಮಾಚ್ಯಾ ಶಾರಾಕ್ನಿ ಪರ್‍ತುನ್ ಥೈ ಚಲ್ತಲ್ಯಾ ಸಗ್ಳ್ಯಾ ಬುರ್ಸ್ಯಾ ಕಾಮಾಕ್ನಿ ನರಳುನ್ ಗೊಳಾಟ್ ಕರುಲಾಗಲ್ಯಾ ಲೊಕಾಂಚ್ಯಾ ಕಪ್ಳಾಚ್ಯಾ ವರ್‍ತಿ ವಳಕ್ ಕರ್".

5 ಅನಿ ತೆನಿ ಹುರಲ್ಯಾಕ್ನಿ ಸಾ ಲೊಕಾಕ್ನಿ, ತುಮಿ ಶಾರ್‍ಹಾತ್ ಹೆಚ್ಯಾ ಪಾಟ್ನಾ ಫಿರುನ್ಗೆತ್ ಜಾವ್ನ್ ತುಮಿ ಕೊನಾಕ್ಬಿ ಮುಲಾಜೊ ಬಗಿನಸ್ತಾನಾ ಜಿವ್ ಕಾಡುಚೆ, ಅನಿ ಕೊನಾಕ್ಬಿ ಹುರ್ವುನಕಾಸಿ, 6 ಮ್ಹಾತಾರ್ಯಾ ಘೊಮನ್ಸಾಕ್ನಿ, ದಾಂಡ್ಗ್ಯಾ ಘೊಮಾನ್ಸಾಕ್ನಿ, ಅನಿ ದಾಂಡ್ಗ್ಯಾ ಬಾಯ್ಕಾಮಾನ್ಸಾಕ್ನಿ ಅನಿ ಆವ್ಸಿಯಾಕ್ನಿ, ಪೊರಾಕ್ನಿ, ಮನುನ್ ಬಗಿ ನಸ್ತಾನಾ ಸಗ್ಳ್ಯಾಂಚೊ ಜಿವ್ ಕಾಡಾ; ಖರೆ ವಳಕ್ ಹೊತ್ತ್ಯಾಕ್ನಿ ಕೊನಾಕ್ನಿ ಆಪ್ಡುನಕಾಸಿ; ತನ್ನಾ ತೆನಿ ದೆವಾಚ್ಯಾ ಪವಿತ್ರ್ ಜಾಗ್ಯಾಚ್ಯಾ ಇದ್ರಾಕ್ ಹೊತ್ತ್ಯಾ ಜಾಂನ್ತ್ಯಾನಿಕ್ನಾ ಧರುನ್ ಹರ್ ಎಕ್ಲ್ಯಾಕ್ ಜಿವಾನಿ ಮಾರಿತ್ ಗೆಲ್ಯಾನಿ. 7 ತನ್ನಾ ತೆನಿ ತೆಂಕಾ, ಗುಡಿಚ್ಯಾ ಅಂಗ್ನಾತ್ನಿ ಮ್ಹಡ್ಯಾನಿ ಭರುನ್ ದೆವಾಚಿ ಗುಡಿಕ್ ಅಪಡ್ಸಿಪಡ್ ಕರಾ ಜಾವಾ ಮಟ್ಲ್ಯಾನ್, ತನ್ನಾ ತೆನಿ ಜಾವ್ನ್ ಶಾರ್‍ಹಾತ್ ಹೊತ್ತ್ಯಾ ಸಗ್ಳ್ಯಾಕ್ನಿ ಜಿವ್ ಕಾಡ್ಲ್ಯಾನಿ.

8 ತೆನಿ ಜಿವ್ ಕಾಡುನ್ಗೆತ್ ರ್‍ಹಾತಾನಾ, ಥೈ ಎಕ್ಲೊಚ್ ಹುರಲ್ಲೊ ಮಿಯಾ ಡಬ್ಬ್ ಪಡುನ್ ಅಯ್ಯೊ ಸರ್ವೆಸ್ಪರ್ ದೆವಾ, ತಿಯಾ ಜರುಜಲೆಮಾಚ್ಯಾ ವರ್‍ತಿ ತುಜೊ ರಾಗಾ ವೊತುನ್ ಜರುಜಲೆಮಾತ್ ಹೊತ್ತ್ಯಾ ಸಗ್ಳ್ಯಾಕ್ನಿ ನಾಸ್ ಕರ್ತಯ್ ಕಾಯ್ ಮನುನ್ ಮಾಗ್ಲೊ.

9 ತನ್ನಾ ತೆನಿ ಮಾಕಾ ಸಾಂಗ್ಲ್ಯಾನ್, ಇಜ್ರಾಯೆಲ್ ಅನಿ ಜುದೆವಾಂಚ್ಯಾ ಬುರ್ಸೆಪಾನ್ ಲೈ ಹೊಲಾ; ಅನಿ ದೆಶ್ ಪುರಾ ರಕ್ತಾನ್ ಭರಲ್ಲೆ ಹಾಯ್, ಜರುಜಲೆಮ್ ಶಾರ್ ಅಪ್ರಾದಾನ್ ಬರಲ್ಲೆ ಹಾಯ್; ತ್ಯಾ ಪಿಳ್ಗಿಚ್ಯಾನಿ ಸರ್ವೆಸ್ಪರಾನ್ ದೆವಾನ್ ಅಮ್ಚೊ ದೆಶ್ ಸೊಡುನ್ ಸೊಡ್ಲಾ, ಸರ್ವೆಸ್ಪರ್ ಬಗಿನಾ ಹೊಲಾ ಮನುನ್ ಬೊಲುನ್ಗೆತ್ ಹೊತ್ತ್ಯಾನಿ. 10 ಮಿಯಾ ತೆಂಕಾ ಮುಲಾಜೊಬಿ ಬಗಿನಾ, ದಯಾ ದಾಕ್ವಿನಾ, ತೆಂಚ್ಯಾ ಬುರ್ಸ್ಯಾ ಕಾಮಾಚ್ಯಾ ವಯ್ನಾ ತೆಂಕಾ ಶಿಕ್ಷ್ಯಾ ದಿವ್ನುನುಚ್ ದಿತಾ ಮನುನ್ ಸಾಂಗ್ಲ್ಯಾನ್.

11 ತನ್ನಾಚ್ ಕಿಮ್ತಿಚಿ ಫಾಳಿಯಾ ಧಾಪುನ್ ಘೆವ್ನ್ ಬರ್ವನ್ಗಿಕ್ ವಾಪರ್ತಲೊ ವಸ್ತ್ ಕಂಬ್ರೆಕ್ ಭಾಂದುನ್ಗೆವ್ನ್ ಮಾನುಸ್ ಪರ್‍ತುನ್ ಎವ್ನ್, ತಿಯಾ ಹುಕುಮಾ ದಿಲ್ಲ್ಯಾ ಸಾರ್ಕೆ ಕರುನ್ ಹೊಲಾ ಮನುನ್ ಸಾಂಗ್ಲ್ಯಾನ್.