26 ଏନ୍‌ଇଡ଼ିଙ୍ଗ୍‌ ପର୍‌ମେସର୍‌ ବାସଙ୍ଗ୍‌କେ, "ନିଂ ନିଜର୍‌ ରୁପ୍ ଆରି ନିଜର୍‌ ରକମ୍‌ ରେମୁଆଁ ଆଃରେଏ । ମେଇଂ ଣ୍ଡିଆନ୍ୟା ଲେଃନେ ଆଃଡ଼ ଆରି ବିନ୍‌ ବିନ୍‌ ରକମ୍‌ନେ ପ୍ଲିଗ୍‌ଇଂ ଆରି ପସୁଇଂ ଆରି ସାପା ମଚ୍‌ପୁର୍‌ ଆରି ତୁବନ୍ୟା ଅଲେଙ୍ଗ୍‌ନେ ସାପା ଗଲେନେ ପସୁ ଆଡ଼ାତ୍ରା ସାସନ୍‌ ଡିଂଆର୍‌ଏ ।" 27 ଏନ୍‌ଇଡ଼ିଂ ପର୍‌ମେସର୍‌ ନିଜର୍ ମୁର୍ତିରେ ରେମୁଆଁକେ ଆଃରେକେ; ପର୍‌ମେସର୍‌ନେ ରୁପ୍ ରକମ୍‌ ମେଁ ଆମେକେ ଆଃରେକେ; ଙ୍ଗିର୍‌ବୁଏଃ ଆରି ସେଲାମ୍ବୁଏଃ ଆଃଡିଂଚେ ମେଁ ଆମେଇଂକେ ଆଃରେକେ । 28 ଆରି ପର୍‌ମେସର୍‌ ଆମେଇଂକେ ଆସିର୍ବାଦ୍‌ ଡିଂକେ; ବାରି ପର୍‌ମେସର୍‌ ଆମେଇଂକେ ବାସଙ୍ଗ୍‌କେ, "ଜାତିକୁଟୁମ୍‌ ଆରି ଜାବର୍‌ ବଂସ ଡିଙ୍ଗ୍‌ପା, ବାରି ମଚ୍‌ପୁର୍‌କେ ପୁରୁନ୍‌ ଆଃଡିଂଚେ ସାସନ୍‌ ଡିଙ୍ଗ୍‌ପା, ଆରି ଣ୍ଡିଆନ୍ୟା ଲେଃକ୍ନେ ଆଃଡ଼ ଆରି କିତଂନେ ପ୍ଲିଗ୍‌ଇଂ ଆରି ତୁବଃନ୍ୟା ଗଲେଃ ଅଲେଙ୍ଗ୍‌ନେ ପସୁଇଂ ଆଡ଼ାତ୍ରା ସାସନ୍‌ ଡିଂପା ।"