2 ଏନ୍ ଇଡ଼ିଙ୍ଗ୍ ପର୍ମେସର୍ ବାସଙ୍ଗ୍କେ, "ନାଁନେ ମୁଇଂ ମାତର୍ ଉଂକେ ମୋରିୟା ଦେସ୍ଅରିଆ ଡୁଙ୍ଗ୍ ୱେଲା । ମୋରିୟାନ୍ୟା ନାଁନେ ମୁଇଂ ଆଃ ଉଂ ଇସ୍ହାକ୍କେ ନେଙ୍ଗ୍ ନ୍ସା ସୁଆ ବଲି ବିଃ । ନେଙ୍ଗ୍ ଆଣ୍ଡିନେ କଣ୍ଡା ମ୍ୱାସଙ୍ଗ୍ଏ, ଆତେନ୍ କଣ୍ଡା ଡୁଙ୍ଗ୍ୱେଚେ ପୁଜା ଡିଙ୍ଗ୍ ।"
7 ଇସ୍ହାକ୍ ମେଁନେ ଆବା ଅବ୍ରହାମକେ ବାସଙ୍ଗ୍କେ, "ଅ ଆବା," ତେଲା ଅବ୍ରହାମ ବାସଙ୍ଗ୍କେ, "ଅ ନେଙ୍ଗ୍ନେ ଉଂ, କେଲା, ନିଂ ଆକ୍ଅରିଆ ।" ଇସ୍ହାକ୍ ବାସଙ୍ଗ୍କେ, "ନେନେ ସୁଆ ବଲି ନ୍ସା ସୁଆ ବାରି ସୁଆ ଲେଃକେ, ମାତର୍ ଆଣ୍ଡିନେ ମେଣ୍ଡାକେ ପୁଜା ଡିଙ୍ଗ୍ଡିଙ୍ଗ୍ଏ ଆତେନ୍ ଆଣ୍ଡିକା ?"
8 ଅବ୍ରହାମ ବାଲିର୍କେ, "ଅ ନେଙ୍ଗ୍ନେ ଉଂଡେ, ପର୍ମେସର୍ ନିଜେ ସୁଆ ବଲି ଡିଙ୍ଗ୍ ନ୍ସା ମେଣ୍ଡା ଉଂଡେ ଆର୍ମେ ବିଏ ।" ତେସା ଇସ୍ହାକ୍ ବାରି ଅବ୍ରହାମ ମିସୁଃଚେ ଆତେନ୍ ଜାଗାନ୍ୟା ୱେଆର୍କେ ।
13 ଆତେନ୍ ବେଲା ଅବ୍ରହାମ ପ୍ଲେଗ୍ଚେ ନିଜର୍ ପ୍ଲାପାକା ମୁଇଂ ବୁଟାନେ ଲିଲିନ୍ୟା ଡିରଙ୍ଗ୍ନ୍ନିଆ ମୁଲିଲେଃକ୍ନେ ମୁଇଂ ମେଣ୍ଡା କେକେ । ଆତ୍ବାନ୍ ଅବ୍ରହାମ ୱେଚେ ଆତେନ୍ ମେଣ୍ଡାକେ ଡୁଙ୍ଗ୍ପାଙ୍ଗ୍ଚେ ନିଜର୍ ଉଂଡେ ବାଦୁଲ୍ରେ ମେଣ୍ଡାକେ ସୁଆ ବଲି ନ୍ସା ପୁଜା ଡିଙ୍ଗ୍କେ । 14 ବାରି ଅବ୍ରହାମ ଆତେନ୍ ଜାଗାନେ ମ୍ନି ଯିହୋବା-ଯିରି ବିକେ । "ଏନ୍ସା ଏଃ ଜାକ ରେମୁଆଁଇଂ ବାସଙ୍ଗ୍ଆର୍ଏ, ମାପ୍ରୁନେ କଣ୍ଡାନ୍ୟା ମେଁ ଆର୍ମେ ବିଏ ।"