8 ଆତେନ୍ ମ୍ୱାୟା ବନ୍ଦି ଉତର୍ ବିଃଆର୍କେ, "ନେ ତୁଗୁଆ ମିଡିଗ୍ ମୁସୁଡ଼ିଙ୍ଗ୍ ନେକେକେ । ମାତର୍ ଆତେନ୍ ବୁଜେ ନେୟାକେ ଣ୍ଡୁ । ଆତେନ୍ ମୁସୁଡ଼ିଙ୍ଗ୍ନେ ଅର୍ତ ବାସଙ୍ଗ୍ ନ୍ସା ଜାଡିଗ୍ ଣ୍ଡୁ ।" ତେଲା ଯୋଷେଫ ଆମେଇଂକେ ବାସଙ୍ଗ୍କେ, "ପର୍ମେସର୍ ଜାଣ୍ଡେ କି ମୁସୁଡ଼ିଙ୍ଗ୍ ଡିଗ୍ ବୁଜେ ୟାଏ ବାରି ମେଁନେ ଅର୍ତ ଡିଗ୍ ବାସଙ୍ଗ୍ ୟାଏ । ତେସା ନେଙ୍ଗ୍ ଆପେକେ ଗୁଆରେ ଡିଙ୍ଗ୍ଣ୍ଡିଂକେ, ଆତେନ୍ ମୁସୁଡ଼ିଙ୍ଗ୍ ବିସଏରେ ଆନେଙ୍ଗ୍ ବାଲିର୍ପା ।"
12 ଆତ୍ବା ଯୋଷେଫ ଆମେଇଂକେ ବାସଙ୍ଗ୍କେ, "ଏନ୍ ଅରତ୍ ଡିଙ୍ଗ୍କେ, ଆତେନ୍ ଞ୍ଜିକ୍ଲିଗ୍ କେନ୍ଦାନ୍ୟା ଞ୍ଜି ଦିନ୍ ବୁଜେଏ । 13 ଞ୍ଜି ଦିନ୍ ବିତ୍ରେ ଫାରୋ ଆପେକେ ବାଃଆ ଟେକେଚେ ଆପେକେ ନିଜର୍ ଡାଗ୍ରା ଆପେକେ କାମ୍ ବିଏ । ଆତ୍ବା ପେ ସେନୁଗ୍ ରକମ୍ ଉଗ୍ନେ ମୁତା ଡୁଙ୍ଗ୍ଣ୍ଡ୍ରେ ଡିଙ୍ଗ୍ଚେ ବାରି ମୁଇଂତର୍ ଫାରୋନେ ନ୍ତିନ୍ୟା ଉଗ୍ନେ ମୁତା ପେବିଏ ।
18 ଆତେନ୍ ବେଲା ଯୋଷେଫ ଉତର୍ ବିକେ, "ଏନ୍ ଅରତ୍ ଆକାନ୍ । ଆତେନ୍ ଞ୍ଜିକ୍ଲିଗ୍ ଡାଲା ଞ୍ଜି ଦିନ୍କେ ବୁଜେଡିଂକେ । 19 ଞ୍ଜି ଦିନ୍ ବିତ୍ରେ ଫାରୋ ନାଁ କୁଲ୍ବାନ୍ ନାଁନେ ବାଃଆ ସିତଗ୍ଚେ ସ୍ଲାଃ ଆଡ଼ାତ୍ରା ଆୱେଜଙ୍ଗ୍ ବିଏ । ବାରି ପ୍ଲିଗ୍ଇଂ ପାଙ୍ଗ୍ଚେ ପେନେ ଗାଗ୍ଡ଼େବାନ୍ ପେନେ ଚିଲି ଚଙ୍ଗ୍ଏ ।"