16 ଆତ୍ବା ଯିହୁଦା ବାଲିର୍କେ, ନେ ବାରି ମାପ୍ରୁନେ ଡାଗ୍ରା ମେଃନି ଉତର୍ ନେବିଏ ? ବାରି ମେଃ ସାମୁଆଁ ନେବାସଙ୍ଗ୍ଏ ? ବାରି ଡିରକମ୍ ନିଜେକେ ନିର୍ଦସ୍ ନେଡାଗ୍ଏ ? ପର୍ମେସର୍ ନିଜର୍ ଚାକର୍ଇଂକେ ଦସି ଆଡିଙ୍ଗ୍ବକେ । କେଲା, ନେ ବାରି ଜାଣ୍ଡେବାନ୍ ତାଲି ମିଲେ ଲେଃକେ, ନେ ସାପାରେ ମାପ୍ରୁନେ ଚାକର୍ ନେଡିଙ୍ଗ୍ଏ ।
ଯିହୁଦା ବିନ୍ୟାମୀନ୍ ନ୍ସା ଗୁଆରି ଡିଂନେ
18 ଏନ୍ ଇଡ଼ିଙ୍ଗ୍ ଯିହୁଦା ଯୋଷେଫନେ ଡାଗ୍ରା ୱେଚେ ବାସଙ୍ଗ୍କେ, "ଅ ମାପ୍ରୁ, ଆନେଙ୍ଗ୍ ଇଃତୁଡ଼ା ବାଲିର୍ନେ ବିଲା । ଦୟା ଡିଙ୍ଗ୍ଚେ ନେଙ୍ଗ୍ ଆଡ଼ାତ୍ରା ରିସା ଆଡିଂଗେ । ନେଙ୍ଗ୍ ମ୍ୟାଃନ୍ଲେ, ନାଁ ଫାରୋନେ ରକମ୍ । 32 ନେଙ୍ଗ୍ ଆକାନ୍ ବୟାଁ ନ୍ସା ଦାଇ ଡିଂ ନ୍ଲେଃକେ । ନେଙ୍ଗ୍ ନେନେ ଆବାକେ ବାଲିର୍ ମ୍ୱକେ, ଜଦି ନେଙ୍ଗ୍ ବିନ୍ୟାମୀନକେ ସଙ୍ଗେ ରାଙ୍ଗ୍ନାୱେ, ତେଲା ମେଁ ଆନେଙ୍ଗ୍ ଜିବନ୍ ସାରା ଦସି ଆଡିଙ୍ଗ୍ଏ । 33 ତେସା ନେଙ୍ଗ୍ ଆନାକେ ଗୁଆରି ଡିଙ୍ଗ୍ଣ୍ଡିଂକେ, ମାପ୍ରୁନେ ଡାଗ୍ରା ଆକେନ୍ ଙ୍ଗିରେନେ ବାଦୁଲ୍ ନାନେ ଦାସ୍ ନିଂ ନାନେ ଦାସ୍ ଡିଂନ୍ଲେଃଏ, ମାତର୍ ଆକେନ୍ ଙ୍ଗିରେକେ ବୟାଁଇଂ ଏଃତେ ବେବିଃ । 34 ଜଦି ବିନ୍ୟାମୀନ୍ ନେଙ୍ଗ୍ ଏତେ ଆଲେଃ ଣ୍ଡୁ, ତେଲା ନେଙ୍ଗ୍ ଆବାନେ ଡାଗ୍ରା ଡିରକମ୍ ୱେ ଇଁୟାଏ ? ବାରି ଆବାନେ ମୁଃଡ଼ି ବିପଦ୍ ଗଟେଏ, ଆତେନ୍ ଡିରକମ୍ ନିଂ କିକେ ଇଁୟାଏ ?"