Gênesis 39

7 Cinzwadi eh aipau cai pe mpaube pei nau Joseph dage pemiak kai di nah rangdi, "Acu ngngwa zeu lo." 8 Dede pa kelidi nah pe mpaube pei nau dage rang, "Pie lo, a mpaube kilung ga Ih daitei la bi de helung pang ma, nah pa ma pelane pegu pwa akang gage kaidi da. 9 Mi gede aswa kedi gada aipau kiga. Pa ncu gwale magede ada de kaizeu dima, kedanemene nang penau kecune. Cine dainzwa Ih heta kesia kedi aide teilu lai nah kemau Tinggwang dage?" 10 Pa Joseph de langnaige cai langnaige mpau, dede pa kelidi pecu ngngwa zeu kera mede pecu ngngwa bam kera. 11 Cinzwa eh tingnai ge pa kilung ga nlwet peta tei kerane. Kilame migede kilung cika bam ma. 12 Pa pe pai teulwe pecu herak lwe rangdi, "Acu ngngwa zeulo." Pa pe pai peba gage gi di, pakdi, nah hegwale mpet di.