Gênesis 47

7 Pecai Joseph pe pei Jacob de ngngwa lütlu delwe pecu Hegwangpei dage liagai. Jacob Hegwangpei de samlam beu. 8 Pharaoh Jacob dade rangdi, "Nang mmi dai kieege di deno?" 9 Jacob Pharaoh dade rangdi, "Ih hui kela mmidung au hai ge camrei dida. A teilung mmidung au cam nah keherei lie. A teilung mmidung a paume teilung mmidung ketie nzwa di ma." 10 Cidau Jacob Hegwangpei de samlambeu nah pe dwa gade tetdi. 11 Pecai Joseph pe pei nah pe siname de peu lunghlu. Pa penuide Egyptme deu gade hangdeu gumlu kera ge pwapeu, Rameses cuikui ga, hangdeu yitube de, Hegwangpei rangkebeu nzwa. 12 Joseph pe pei, pe siname nah pe pei kilungme peciakne de taktyei pwa peu, penui teu maikesia nzüt gade.