19 Hae God, hem i King.
Hem i stap long ples blong hem long heven,
mo i stap rul long olgeta samting.
20 Yufala ol enjel, yufala i strong,
mo yufala i gat paoa.
Oltaem yufala i stap obei
long ol tok blong Hae God,
mo yufala i stap lesin
long ol samting we hem i talem.
!Yufala i mas presem hem!
21 Yufala olgeta long heven,
yufala i man blong wok blong Hae God.
Yufala i gat paoa,
mo yufala i stap mekem ol samting we hem i wantem.
!Yufala i mas presem hem!
22 Yufala olgeta samting
we Hae God i mekem yufala,
yufala i stap long evri ples
we hem i stap rul long hem.
!Yufala i mas presem hem!
!Mi mi mas presem Hae God!