Salmos 124

Hae God i stap lukaot gud long ol man blong hem

(Sing ya, Deved i wokem. Hemia i blong ol man oli singsing long hem taem oli stap wokbaot blong go antap long Jerusalem* blong mekem lafet)

(Tok i go long ol man.)

1 Olgeta.

?Sipos Hae God i no bin

givhan long yumi long faet,

bambae i olsem wanem long yumi?

!Yumi ol laen* blong Isrel,*

yumi mas gat ansa long samting ya!

(Ol man oli givim ansa.)

2,3 Ol enemi ya blong yumi oli kros tumas long yumi,

mo long taem ya we olgeta ya oli kam faet long yumi,

sipos Hae God i no givhan long yumi

bambae oli flatemgud yumi,

we yumi no save mekem wan samting nating.

4 Bambae oli kam spolem yumi

olsem we wota i ron bigwan,

i karemaot yumi,

i kavremap yumi,

5 mo i kam strong tumas,

i draonem yumi.

(Olgeta evriwan oli tok.)

6 Yumi mas talem tangkiu long Hae God,

from we hem i no letem

ol enemi blong yumi oli spolem yumi.

7 Yumi bin ronwe olsem wan pijin

we i kamaot long trap, i ronwe.

Trap ya i brok, nao yumi go fri.

8 Hae God i mekem skae mo graon,

mo hem nao i stap givhan long yumi.

Veja também

Salmos