OL SAM 120

Man i prea blong Hae God i givhan long hem

(Sing ya i blong ol man oli singsing long hem taem oli stap wokbaot blong go antap long Jerusalem* blong mekem lafet**120.0 Fastok: Loa blong God i talem se evri yia, ol laen blong Isrel oli mas kam wanples tri taem, blong mekem lafet blong olgeta blong mekem wosip long God. Ol lafet ya, i gat Lafet blong Pasova, mo Lafet blong Tekemaot Kakae long Garen we biaen oli kolem Lafet blong Pentekos, mo Lafet blong Wokem ol Wansaed Haos. Yu luk Eksodas 23.14-17. Taem olgeta oli stap wokbaot blong go antap long Jerusalem blong mekem ol lafet ya, i gat fiftin sam we oli stap singsing long olgeta. Ol sam ya i stat long Sam 120 i go kasem Sam 134.)

(Tok i go long ol man.)

1 Olgeta.

Taem mi mi stap long trabol,

mi krae long Hae God,

mo hem i harem krae blong mi.

2 Mi talem se, "Hae God,

plis yu blokemgud mi

blong ol man blong giaman mo ol man blong mekem trik

oli no save spolem mi."

3 ?Yufala ol man blong giaman,

yufala i save ol samting ya

we God bambae i mekem long yufala?

4 Panis blong yufala bambae i olsem

we sap ara blong soldia i stikim yufala.

Bambae yufala i harem

olsem we faea i bonem yufala.

5 Taem mi stap wetem yufala,

mi harem nogud tumas,

olsem we mi stap long kantri ya Mesek*120.5: Tufala ples ya Mesek mo Kedara, tufala i stap longlongwe long tufala, mo tufala i longwe long Isrel tu, be tufala i ples blong ol hiten man we oli no save God nating.,

no mi go stap wetem ol man Kedara

6 Mi mi stap longtaem tumas wetem yufala

we i no laekem pis nating.

7 Taem mi mi tokbaot pis,

be yufala i wantem mekem faet nomo.