1 God,

ol bigbigfala samting ya

we yu mekem bifo olgeta

long taem blong ol bubu blong mifala,

mifala i harem ol samting ya

stret long sora blong mifala.

Ol bubu blong mifala

oli talemaot long mifala finis.

2 Oli talem se yu nomo yu ronemaot ol hiten man

blong putum ol man blong yu

oli stap long graon blong olgeta.

Yu yu spolem olgeta

blong mekem ol man blong yu

oli gat plante samting.

3 Ol man blong yu,

oli no winim graon ya long faet,

no long paoa blong olgeta.

Oli winim long paoa blong yu

mo long han blong yu nomo,

mo from we yu mekem olgeta oli savegud

we yu yu stap wetem olgeta.

Hemia i soemaot

we yu yu lavem olgeta tumas.

4 Yu yu King blong mi,

yu yu God blong mi.

Yu nao yu mekem ol man ya blong yu

oli stap win.

5 Mifala i stap winim ol enemi blong

mifala long paoa blong yu nomo.

6 Mi mi no trastem bonara blong mi

no naef blong faet blong mi

blong sevem mi.

7 Yu nomo yu stap sevem mifala,

yu stap tekemaot mifala

long han blong ol enemi blong mifala,

yu stap winim olgeta

we oli no laekem mifala

oli agens long mifala.

8 Bambae mifala i stap presem yu olwe nomo.

Bambae mifala i stap talem tangkiu long yu oltaem,

gogo i no save finis.

9 Be naoia,

yu yu tanem baksaed finis

long mifala,

yu no moa stap go

wetem ol soldia blong mifala bakegen,

mo yu letem ol enemi blong mifala oli winim mifala.

10 Yu mekem mifala i ronwe

long ol enemi blong mifala,

nao oli kam tekem olting blong mifala

oli karem i blong olgeta.

11 Yu letem mifala,

blong oli kilim mifala olsem sipsip,

yu mekem mifala i go stap olbaot

long ol narafala kantri.

12 Yu stap salem ol man blong yu

long praes we i daon olgeta,

olsem we oli rabis nomo.

13 Olgeta we oli stap raonabaot long mifala

oli luk samting ya we yu yu mekem,

nao oli stap lukluk rabis long mifala,

oli stap laf long mifala.

14 Yu yu mekem mifala i kam olsem wan samting

we ol man blong ol narafala kantri

oli lukluk nogud long hem,

oli stap saksakem hed blong olgeta,

oli stap laf nogud long mifala.

15 Oltaem mi mi harem

se mi no moa stret

long fes blong ol man,

nao mi mi sem tumas,

16 from we mi stap harem

ol rabis tok blong ol enemi blong mi,

mo ol tok nogud blong olgeta

we oli no laekem mi, oli stap agens long mi.

17 Nating we mifala i no fogetem yu

mo mifala i no brekem promes ya

we yu mekem wetem mifala,

be olgeta samting ya i bin kasem mifala.

18 Mo nating we mifala i stap folem ol loa blong yu

mo tingting blong mifala i no gowe long yu,

19 be yu yu lego mifala

long medel blong ol wael anamol,

yu no givhan long mifala,

yu livim mifala i stap long ples we i tudak olgeta.

20 God blong mifala,

sipos mifala i bin lego

fasin blong mekem wosip long yu,

nao mifala i stap prea

long wan narafala god,

21 i tru,

yu bambae yu faenemaot samting ya,

from we yu yu save

ol tingting blong mifala we i haed,

be i no olsem.

22 ✝Be evri dei nomo

oli stap kilim mifala i ded

from we mifala i man blong yu.

Oltaem oli stap mekem mifala olsem ol sipsip

we oli stap rere blong man i kilim olgeta.

23 !Masta* long 35.22., plis yu wekap!

?From wanem yu stap slip olsem?

!Yu kam kwik!

!Yu no lego mifala we yu lego mifala olgeta!

24 ?From wanem yu stap haed long mifala?

!I nogud yu fogetem mifala ya

we mifala i stap harem nogud,

mifala i stap long trabol!

25 Ol enemi blong mifala oli flatemgud mifala,

mifala i stap ledaon olbaot long graon.

Olgeta oli winim mifala finis,

mifala i stap ledaon long asis nomo.

26 !Plis yu kam givhan long mifala!

Plis yu sevem mifala,

from we fasin blong yu,

oltaem yu yu lavem mifala tumas.