1 God.

Plis yu sore long mifala,

yu blesem mifala.

Plis yu stap lukluk long mifala,

yu kaen long mifala,

2 blong ol man long olgeta ples long wol

oli save samting we yu yu wantem,

mo blong ol man blong ol narafala kantri

oli save fasin blong yu blong sevem man.

3 God,

i gud ol man oli presem yu,

i gud olgeta man evriwan oli presem yu.

4 I gud olgeta man blong evri kantri

oli glad, oli singsing,

from we yu yu stap jajem olgeta

long stret fasin,

mo yu stap lidim olgeta man

long evri kantri long wol.

5 God,

i gud ol man oli presem yu.

I gud olgeta man evriwan oli presem yu.

6 God i God blong yumi,

mo hem i stap blesem yumi,

i mekem we graon ya blong yumi

i givim plante kakae long yumi.

7 Hem i blesemgud yumi,

mo i gud olgeta man long evri ples

oli ona gud long hem.