1 !Hae God, hem i King!*

!Wol,

i gud yu yu glad long hem!

!Ol aelan,

i gud yufala i glad we i glad

from samting ya!

2 I gat klaod mo tudak i stap raonabaot long hem.

Hem i stap rul long stret fasin,

mo i stap jajem ol man

long fasin we i stret gud olgeta.

3 Faea i stap go fastaem long hem,

i stap bonem ol enemi raon long hem.

4 Laetning blong hem

i stap mekem olgeta ples i saen,

mo taem graon i luk samting ya,

hem i seksek from.

5 Hae God i Masta* blong olgeta ples long wol,

mo long fes blong hem,

ol hil oli stap ronaot olsem gris.

6 Olgeta samting long skae

oli stap talemaot stret fasin blong hem,

mo olgeta man long wol

oli stap luk bigfala paoa blong hem.

7 Olgeta we oli stap mekem wosip long ol narafala god,

mo oli stap tok flas from olgeta,

olgeta ya evriwan oli stap sem bigwan.

Ol narafala god ya oli stap bodaon

long fes blong Hae God.* narafala god! !Yufala i kam bodaon long fes blong Hae God!

8 Hae God.

Ol man Saeon* oli glad we i glad,

mo ol taon long Juda* oli harem gud tumas,

from fasin ya blong yu blong jajem man.

9 Hae God, yu yu hae we yu hae,

yu yu King blong olgeta ples long wol.

Yu yu hae moa,

yu winim ol narafala god.

10 Hae God i lavem ol man blong hem.

Olgeta oli stap agens long ol rabis fasin,

mo hem i stap lukaot gud long laef blong olgeta,

mo taem we olgeta oli stap long

paoa blong ol man nogud,

hem i stap tekemaot olgeta.

11 Laet blong hem i stap saen long ol stret man,

mo hem i stap mekem olgeta

oli glad we i glad.

12 Yufala we fasin blong yufala i stret,

yufala i joen long Hae God,

yufala i mas glad.

Yufala i mas tingbaot

we fasin blong hem i stret gud, i tabu,

mo yufala i mas talem tangkiu long hem from.