1 ✝Ol man we oli no gat hed,

oli stap talem se,

"I no gat God nating."

Olgeta ya evriwan oli rabis man nomo,

oli stap mekem ol samting nomo

we i nogud we i nogud.

I no gat wan long olgeta

we i stap mekem ol samting

we i stret.

2 Hae God i stap long heven,

i stap lukluk i kamdaon long olgeta man

blong faenemaot se i gat man we i waes,

we i stap mekem wosip long hem

no i no gat.

3 Be olgeta evriwan oli lusum rod finis,

olgeta evriwan oli sem mak nomo,

oli nogud.

I no gat wan long olgeta

we i mekem samting we i gud,

i no gat wan man nating olsem.

4 Hae God i stap talem se,

"?Weswe olgeta ya oli no save?

Olgeta man ya

we oli stap mekem ol samting nogud

oli no gat hed.

Oli stap laef long ol samting

we oli stap stilim long ol man blong mi,

mo oli no save prea long mi tu."* oli no gat hed? Oli stap laef long ol samting we oli stap stilim long ol man blong Hae God, mo oli no save prea long hem tu.

5 Be bambae oli fraet we oli fraet,

from we God i stap wetem ol man

we oli stap obei long hem.

6 Ol man we oli no gat paoa,

Hae God i stap lukaot gud long olgeta,

i stap blokemgud olgeta,

nating we ol man nogud ya

oli stap traem spolem ol plan blong olgeta.

7 Hae God i God blong yumi ol laen* blong Isrel,*

mo hem i stap long Saeon,*

mo prea blong mi

we hem bambae i mekem yumi win.

Yumi ol man blong hem,

mo taem hem i mekem yumi gat

gudfala laef bakegen,

bambae yumi glad we yumi glad.