Sing blong man we i trastem Hae God
1-3 Mi mi trastem Hae God,
nao mi mi stap gud long han blong hem.
Be yufala i no gat hed,
yufala i stap talem long mi se,
"Yu flae olsem pijin,
yu go antap long hil ya.
Ol man nogud
oli taetem string blong bonara blong olgeta finis.
Naoia oli stap haed long tudak,
we oli putumrere ara finis long bonara,
blong sutum ol stret man.
Taem evri samting i go olbaot olsemia,
gudfala man i no save mekem wan samting nating."
?Be weswe yufala i stap toktok long mi olsem?