OL SAM 30

Sing blong talem tangkiu long God

1 Hae God.

Mi mi stap presem yu

from we yu yu sevem mi

nao mi mi no ded,

mo yu no letem ol enemi blong mi

oli daonem mi,

nao oli stap glad from.

2 Hae God,

yu yu God blong mi.

Mi mi krae long yu

blong yu givhan long mi,

nao yu yu mekem bodi blong mi

i gud bakegen.

3 Yu yu blokem mi

blong mi no go long Hom* blong ol Dedman,

yu sevem laef blong mi.

(Tok i go long ol man.)