1 Yufala we fasin blong yufala i stret,

i gud yufala i singsingaot

blong soemaot we yufala i glad

long ol samting ya

we Hae God i mekem.

Yufala evriwan we i stap obei long hem,

yufala i presem hem.

2 Yufala i kilim gita,

yufala i singsing

blong talem tangkiu long Hae God,

yufala i mekem stringban

blong presem hem.

3 I gud yufala i wokem wan niufala sing,

yufala i sing long hem.

Yufala i plei gita we yufala i plei gud,

mo yufala i glad,

yufala i singsingaot bigwan.